IYYAASU 15:8 - Qullaawa Maxaafa

⁸ Hakkiinni sae, Hinoomi lagicha ha'runsanni Iyaabuusootu katami Yerusaalamete gaarira wodiidoonni hige sa"anno. Kuni danni, Refayimi lagichi noowa, Hinoomi lagichira galchimaanni noo gaari birxe iillanno.

IYYAASU 15:8 ပူးပေါင်းရင်းမြစ်များ

LAYINKI SAAMUEELI 5:18

Filisxeemeno dagge xerri yite Refayimi Lagicha amaddu.

LAYINKI SAAMUEELI 5:22

Filisxeemeno galagalte dagge, xerri yite Refayimi Lagicha amaddu.

LAYINKI MOOTOOLLA 23:10

Iyosiyaasi Hinoomi Lagichira nooha Tofeeti yinanniha dagate maganna magansi'nanni darga lageessi. Kunni garinni labbaaha woy meyata beettosi Molookira shilqishannohu hee'rannokki gede assi.

UMI DUDUWO 11:4

Mitto barra moote Daawiti Israeelete manni baalu ledo ha're Yerusaalame qasi. Hatte yannara Yerusaalamete Katama, Yabuusi yinanni. Balaxxe hatte gobbara heedhannori Iyaabuusootaho.

LAYINKI DUDUWO 28:3

Hinoomi Lagichira hixaana giire, Israeele hattenne baatto ragidhu waro Kaaliiqi shorre hunino gosata tiyyi'nanni woga amade, umisi ooso kakkalino.

NEHIMIYA 11:30

Zanoha, Adulaaminna qooxeessinsara noo qachuwara heedhino. Lakiishinna qooxeessisira nootera loosi'nanni baattora, Azeqanna qooxeessisira noo qachuwa baala insa heedhino dargaati. Kunni garinni Yihudu manni wodiidoonni Bersaabehi, aliyyeenni Bersaabehinna Hinoomi Lagichi mereero hee'rino.

ISAYAASI 17:5

Gide gamba assine ka'neenna fano gattino qarme gede ikkitanno. Gide gamba assinihu gedensaanni fano noo Lagicha Refayimiha labbanno.

ERMIYAASI 19:14

Anino Kaaliiqi himana kuleemmo gede soyinoe darginni Tofeetinni kae daye, Kaaliiqi mini nafara uurre mannaho,

ERMIYAASI 19:2

Hiiqqaqqamino bacci noo waalchi widoonni higge Hinoomi Lagichira gobbaanni fulte, ani kuleemmohere,

ERMIYAASI 19:6

Kunnira, konne darga Tofeetinna Hinoomi yaa agurre, Gorrote Dargaati yinanni yanna dagganno.

IYYAASU 15:63

Kayinnilla, Yihudu manni Yerusaalamete heedhannore Iyaabuusoota shorre huna didandiino. Kunnira, Iyaabuusootu techo geeshsha Yerusaalamete Yihudu manni ledo heedhanno.

IYYAASU 18:16

Hakkiinni, Refayimi lagichira aliyye goofimarchira noohu Hinoomi lagichi qotira ilaalu hundira dirranno. Hakkiinni sae, Iyaabuusootu goorora wodiidi gafira noohu Hinoomi lagichi widoonni hige Ayini-Rogeeli sa"anno.

IYYAASU 18:28

Seelai, Eleefi, Yabuusi (Yerusaalame) Gibianna Qiriyaati-Yiariimi Yinanniri kiironsa mitteenni 14 katamma ikkitanna, gaangaawinsara noore shiimmaadda katammano giddo amaddanno. Kunnira, Biiniyaami ga're iqqa assidhe adhitino baatto tenneeti.

EJJEETTO 1:21

Biiniyaami ga're kayinni, giddonsa heedhannore Iyaabuusoota hakkiinni fushsha didandiitino. Kunnira, Iyaabuusootu techo geeshsha Biiniyaamootu ledo mitteenni heedhanno.

EJJEETTO 1:8

Yihudu manni Yerusaalame qase amadi; mannano bisetenni doddole, katamano giiri.

EJJEETTO 19:10

Leewaawichu kayinni hakko hashsha hakkiicho galara hasi'rinokkihura, hogomboonnire lamenta harresinna galtesi adhe Yabuusi yinanniwa Yerusaalame ha'ri.