IYYAASU 15:4 - Qullaawa Maxaafa

⁴ Atsimooni sae, Gibitsete dannira noo xashshi, Mediteraaniyu Baarira aananno. Hakkiichi dannaho gawalote; wodiidi ragaanni Yihudu danni konneeti.

IYYAASU 15:4 ပူးပေါင်းရင်းမြစ်များ

KALAQAMA 15:18

Hakko barra Kaaliiqi Abiraami ledo gondooro eanni, «Gibitsete danninni lowohu Efiraaxisi Wayi geeshsha noo baatto sirchikkira eemmo.

UMI MOOTOOLLA 8:65

Hakkiicho Qullaawa Mine Selemooninna Israeelete manni baalu 7 barra Daasu Ayyaana ayirrissu. Aliyyeenni Hamaati faronni kayise wodiidoonni Gibitsete danni geeshshinni lowo manni dayino.

FULO 23:31

Danna'neno Duumu Baarinni Mediteraaniyu Baari geeshsha, halallitte gobbanni kayise Efiraaxisi Wayi geeshsha iillisheemmo. Baattote aana noore baala anga'nera sayise eenna albi'nenni shorritine huntinanni.

ISAYAASI 27:12

Loosi'rino manchi gide galawuwiinni badannonte gede, hakko barra Kaaliiqi, Efiraaxisi Wayinni kayise Gibitsete danni geeshsha nooha mannasi Israeele, mittu mittunkunni gamba assanno.

KIIRO 34:5

Gibitsete dannira noo lagicha wirri yee sae Mediteraaniyu Baari geeshsha iillanno.

IYYAASU 13:3

wodiidi ragaanni, Awiimi geeshsha noo gashshooti baalaho; kunino, Gibitsete dannira noohunni Shihoori Buichonni kayise, aliyyeenni Eqirooni iillitanno baatto Kana"aanite. Ontu Filisxeemete mootoolla Gaaza, Ashidoodi, Asiqeloona, Gaatinna Eqirooni heedhanno.

IYYAASU 15:3

wodiidoonni Aqirabiimi sa'nanniwiinni Tsiini geeshsha iillanno. Qaadesi Bernera wodiidi ragaanni Hetsirooni sae, Adaari aleenni Qarqa hige eramanno.

IYYAASU 15:47

Hattono, Gibitsete dannira noo wayinna Mediteraaniyu Baari qacce geeshsha iillitannota shiimmaadda katammanna qachuwa afidhinoti Ashidoodinna Gaaza katamma no.