IYYAASU 13:3 - Qullaawa Maxaafa

³ wodiidi ragaanni, Awiimi geeshsha noo gashshooti baalaho; kunino, Gibitsete dannira noohunni Shihoori Buichonni kayise, aliyyeenni Eqirooni iillitanno baatto Kana"aanite. Ontu Filisxeemete mootoolla Gaaza, Ashidoodi, Asiqeloona, Gaatinna Eqirooni heedhanno.

IYYAASU 13:3 ပူးပေါင်းရင်းမြစ်များ

KALAQAMA 10:6

Kaami ooso: Kuushi, Mitsirayimi Fuuxiitinna Kana"aaniiti.

KALAQAMA 15:18

Hakko barra Kaaliiqi Abiraami ledo gondooro eanni, «Gibitsete danninni lowohu Efiraaxisi Wayi geeshsha noo baatto sirchikkira eemmo.

UMI MOOTOOLLA 8:65

Hakkiicho Qullaawa Mine Selemooninna Israeelete manni baalu 7 barra Daasu Ayyaana ayirrissu. Aliyyeenni Hamaati faronni kayise wodiidoonni Gibitsete danni geeshshinni lowo manni dayino.

UMI DUDUWO 13:5

Daawitino Gondooru Taaboota Qiriyaati-Yiariiminni Yerusaalame abbate wodiidoonni Gibitsete danni geeshsha, aliyyeenni Hamaati sa'nanni faro geeshsha nooha Israeelete manna baala gamba assi.

ISAYAASI 23:3

Gibitsete gobbara loonsanni gide, Baaru aanaanni qolle abbinanna, Xiroosira lowo qiniite uyinosi; Xiroosino gobba baalate dikko uurritannowa ikkino.

ERMIYAASI 2:18

Xa Gibitse mayira addaxxitini? Abbayi Waa aga hasidhineetini? Asoori mayira addaxxitini? Efiraaxisi Waa aga hasidhineetini?

MARRO 2:23

Kereeti yinanni giddichonni dagginori Gaazu geeshsha noo qachuwara heedhanno Awiimoota hunte gobbansa baalanta adhite hakkiicho heedhino.)

IYYAASU 13:13

Ikkollana, Israeelootu Geshuurinna Maaka manna fushshite dihuntino. Kunnira, insa techo geeshsha Israeelootu ledo heedhanno.

EJJEETTO 16:5

Filisxeemete jajjabbi isewa marte, «Ninke mittu mittunku 1,100 kinchu birra uyineemmohena, iso usurre angankera qo'lineemmo gede aanasi noo wolqa maminni afi'rinotero dogisiisse xa'minke» yituse.

EJJEETTO 3:3

Hatti gosano: Filisxeeme 5 gashshaanonsa ledo, Kana"aanootu gudisante, Sidoonootahonna Libaanoosi Ilaalira Ba"aalihermooninna Hamaati Lawo mereero heedhanno Hiwootaati.

UMI SAAMUEELI 5:1

Filisxeeme Maganu Taaboota qafadduhu gedensaanni, Abeeniezeerinni kayisse Ashidoodi Katama haadhe hadhu.

UMI SAAMUEELI 5:10

Hakkunni gedensaannino Maganu Taaboota Eqirooni Katama haa'ne ha'nanni gede assitu. Maganu Taabooti massinoonni katamira noo manni, «Israeelete Magani Taaboota kawiira abbitinohu ninke gudisiissaraati» yee raari.

UMI SAAMUEELI 5:8

Hakkunni gedensaanni Filisxeemete manni gashshaanonsa baala woshshe, «Israeelete Magani Taaboota hiissino?» yee xa'mi. Insano, «Israeelete Magani Taaboota haadhine Gaati yinanniwa masse» yitunsa. Mannuno Taaboota yitinowa haa're ha'ri.

UMI SAAMUEELI 6:4

Filisxeemootuno, «Saote kakkalora ikkannori maati?» yite xa'mitu. Insano dawarte, «Manninkenna sooreeyyenke aana uwino qoomami mitto ikkino daafira, gashshaanonke kiiro bikkinni onte culka darshete suudinninna onte culka yemahu suudinni seekkitine sokke.