IYYAASU 13:14 - Qullaawa Maxaafa

¹⁴ Muse Leewi ga'rera baattote beehacho diuyino. Uyinonsakkihu, Kaaliiqi Muse hajajinosi garinni Israeelete Magani Kaaliiqi shilqote kakkalora shiqinshannihu qeechansa ikkanno gede hexxo uyinonsa daafiraati.

IYYAASU 13:14 ပူးပေါင်းရင်းမြစ်များ

HIZIQEELI 44:28

«Ani Israeelete mannira beettunni beettoho sa'anno baatto beehanni, qeesootaho oommo iqqi qeesimmate soqqansho callate. Insara Israeelete mereero baattote iqqi dihasiisannonsa; ani umi'ya insara iqqansaati.

HIZIQEELI 44:29

Gidu kakkalo, cubbonna sao agursiisate kakkalo insara sagale ikkitonsa. Israeelete baattora anera baxxe qullaawa ikkino afansha baala adhitona.

MARRO 10:9

Leewaawootaho roduuwinsa mereero beehachu woy baattote iqqi noonsakkihu kunniraati. Magani'ne Kaaliiqi kulinonsa garinni iqqinsa Kaaliiqaati.)

MARRO 12:12

Hakkiicho ki'ne, ooso'ne, soqqamaano'ne, hattono katamma'nera heedhannori uminsa baatto afidhinokki Leewaawooti ledo mitteenni hagiidhe.

MARRO 12:19

Tenne baatto aana heedhinoonni geeshsha Leewaawoota de'inoontensa.

IYYAASU 13:13

Ikkollana, Israeelootu Geshuurinna Maaka manna fushshite dihuntino. Kunnira, insa techo geeshsha Israeelootu ledo heedhanno.

IYYAASU 13:15

Muse boosaalli boosaallinsa garinni Roobeeli ga'rera beehino baatto aante noote.

IYYAASU 13:33

Muse Leewi ga'rera kayinni baattote qeecha difushshinonsa. Insa iqqi Israeelete Magano Kaaliiqa ikkinohura, qeechansa Kaaliiqira shiqinshanni kakkalonni afidhannota kulinonsa.

IYYAASU 18:7

Ikkollana, Leewaawootaho qeechinsa qeesoota ikkite Kaaliiqira soqqama ikkitino daafira, wolootu ledo baattote iqqi dihee'rannonsa. Roobeelinna Gaadi, hattono Minaase ga're darateho Yordaanoosi Wayira soojjaati ragaanni Kaaliiqi soqqamaanchi Muse uyinonsa baatto balaxxe ragidhino» yii.