IYYAASU 13:13 - Qullaawa Maxaafa

¹³ Ikkollana, Israeelootu Geshuurinna Maaka manna fushshite dihuntino. Kunnira, insa techo geeshsha Israeelootu ledo heedhanno.

IYYAASU 13:13 ပူးပေါင်းရင်းမြစ်များ

KALAQAMA 35:22

Israeeli hattenne gobbara hee'ri yannara, Roobeeli mare annisira irkote galte Biliha ledo goxi; Israeelino konne coye macciishshi. Yaiqoobi ooso kiiro tonaa lameho.

LAYINKI SAAMUEELI 10:6

Amooni gosa angansanni Daawiti diina assidhinota affe, Beeti-rehoobinninna Tsoobanni 20,000 lafo olanto, Sooriyunninna Xoobinni 12,000 manna woxunni hidhitu. Moote Maakano 1,000 olanto haa're daye kaa'lannonsa gede assi'ri.

LAYINKI SAAMUEELI 3:3

Layinkihu, Qermeloosichu Naabaali galte Abigiya iltinohu Kiliaabiiti. Sayikkihu, Geshuuri moote Talmayi beetto Maaka iltinohu Abeseloomiiti.

KIIRO 33:55

« ‹Hatte baattora noo manna shorritine fushsha hoogginiro kayinni, ille'nera buuyyicho, midashshi'nera uta ikkitanno'ne. Wo'manka woyite qarra kalaqqanno'nere ikkitanno.

MARRO 3:14

Minaase ga'rehu Yaiiri Geshuurootunna Maikootu danni geeshsha noota Argobbi baatto baala Baasaani adhino. Yaiirino qachuwa su'misinni woshshino. Techo geeshsha Habooti Yaiiri yinanni.)

IYYAASU 12:5

Gashshootisino Hermooni Ilaala, Salekanni kae, Geshuurinna Maaka danni geeshsha iillitannota Baasaani baatto baala mitteenni amade, Geleaadi daratinni kayise, Hasebooni moote Sewooni danni geeshsha iillanno.

IYYAASU 13:11

Kunino Geleaadi, Geshuurinna Maaka awuraajjanna Hermooni Ilaala gudise, hattono Saleka geeshsha nooha Baasaani giddo amadanno.

IYYAASU 13:12

Qoleno, Astaarootinna Edirayi hee're gashshinoha Refootu gedensaanni gatinoha moote Aagi gashshoote Baasaani gudise amadino; Muse konne manna baala qeele shorre hunino.

IYYAASU 13:14

Muse Leewi ga'rera baattote beehacho diuyino. Uyinonsakkihu, Kaaliiqi Muse hajajinosi garinni Israeelete Magani Kaaliiqi shilqote kakkalora shiqinshannihu qeechansa ikkanno gede hexxo uyinonsa daafiraati.

UMI SAAMUEELI 27:8

Hatte yanna giddo Daawitinna mannisi fulte, Geshuuroota, Gerizootanna Amaaleqoota horritu. Tini daga hundunni kayisse, Surinni Gibitsete geeshsha noo baattora heedhinoreeti.