IYYAASU 12:6 - Qullaawa Maxaafa

⁶ Tenne lamenta mootoolla Musenna Israeelete manni olunni qeeltino. Kaaliiqi soqqamaanchi Muse tenne baatto Roobeeliranna Gaadi sirchira, qoleno Minaase sirchira darateho beehe iqqa asse uyino.

IYYAASU 12:6 ပူးပေါင်းရင်းမြစ်များ

UMI MOOTOOLLA 4:19

Uuri beetti Gibeeri, Amooraawootu moote Sewooninna Baasaani moote Aagi amaddinota Geleaadi gobba gashshino. Kuri baalankura aliidihu mittu roorrichi no.

KIIRO 32:29

«Gaadinna Roobeeli manni labballu baalu, Kaaliiqi albisanna olaho qixxaabbe ki'ne ledo Yordaanoosi fultannoha ikkiro, baattono anga'nera qo'litinanni yannara, insara Geleaadi baatto iqqa assitine uuyyensa.

KIIRO 32:32

Kaaliiqi albisanna olaho qixxaambe Kana"aani fulleemmo. Iqqinke kayinni Yordaanoosira kawaanniiti» yitu.

KIIRO 32:33

Hakkunni gedensaanni Muse, Amooraawootu moote Sewoonihanna Baasaani moote Aagi gashshoote, katammasinna qooxeessaho noo gashshoote baala Gaadinna Roobeeli ga'rera qoleno Yooseefi beetti Minaase ga're daratira uyinsa.

IYYAASU 14:3

Yordaanoosi Wayira soojjaatoonni noo baatto kayinni, Muse 2 ga'reranna mitte ga're daratira balaxe beehinonsa. Yooseefi ilama Minaasenna Efireemi yine lamewa beenkoonni. Muse Leewaawootaho baattote beehacho di"iillishinonsa. Ikkollana, konne darga heedhanno katammanna saada hosiisidhanno baatto adhitino.

IYYAASU 18:7

Ikkollana, Leewaawootaho qeechinsa qeesoota ikkite Kaaliiqira soqqama ikkitino daafira, wolootu ledo baattote iqqi dihee'rannonsa. Roobeelinna Gaadi, hattono Minaase ga're darateho Yordaanoosi Wayira soojjaati ragaanni Kaaliiqi soqqamaanchi Muse uyinonsa baatto balaxxe ragidhino» yii.

IYYAASU 22:4

Kuneeti xa Magani'ne Kaaliiqi uyino'nehu hexxote qaali garinni, fiixi'nera Israeelete keere uyinonsa. Kunnira, Kaaliiqi soqqamaanchi Muse uyino'ne gobba Yordaanoosi Wayira widoonni soojjaato nootewanna iqqa assidhine ragidhinoonnitewa higgine hadhe.