IYYAASU 12:2 - Qullaawa Maxaafa

² Lame mootoolla giddonni mittu, Hasebooni hee're gashshinohu Amooraawootu moote Sewooniiti. Gashshootisi Geleaadiha darate amade, Arnooni lagichi qaccera nootenni Aroeeri kataminni kayise hakko lagichi mereero noo katama giddo amade, Amoonootu danni Yaabooqi Wayi geeshsha iillanno.

IYYAASU 12:2 ပူးပေါင်းရင်းမြစ်များ

KALAQAMA 32:22

Hakkonne hashshanni Yaiqoobi kae, lamenta meentosi, lamenta irkote meentosi, tonaa mitenta oososi adhe Yaabooqi waa widoonni fuli.

UMI DUDUWO 5:8

Iyueeli boosaallinni Shemaira beettu beetti Azaazi ilinohu Beelaiiti. Kuni boosaalli Aroeerinna hakkiinnino sae aliyyeenni Nebonna Ba"aalimeooni gashshooti giddo hee'ranno.

NEHIMIYA 9:22

«Dagate gashshootenna mootoolla qeelte, baattonsara aantino gobba amaddanno gede assootto. Moote Sewooni gashshinota Hasebooni baatto qeelte amaddino; moote Aagi gashshinota Baasaani baatto ragidhino.

FAARSO 135:11

Amoorawootu moote Sewooni, Baasaani moote Aaginna Kana"aani mootoolla baala shee gudino.

ERMIYAASI 48:19

Aroeeri katamira heedhinanniri, doogote uurritine la'e; xooqanni noo mannanna, fule ba"anni noo meento xa'mitine ikkanni noore buuxxe.

MARRO 1:4

Kuni ikkinohu Hasebooni gashshe nooha Amooraawootu moote Sewooninna Astaarooti gashshe nooha Aagi moote Baasaani Edirayi yinanni darga Kaaliiqi qeelihu gedensaanniiti.

EJJEETTO 11:13

Amoonootu mooteno Yofitahe sokkaanora, «Konne assoommohu Israeele Gibitsetenni fultu yannara Arinooni Wayira wodiidoonninna Yaabooqi Wayira aliyyeenni Yordaanoosi Wayira soojjaatoonni noota gobba'ya adhitinoehuraati. Xaano elletenni gobbanke qollenke» yiinsa.

EJJEETTO 11:22

Arnooni Wayinni Yaabooqi Wayi geeshsha, soojjaatoonni halallitte gobbanni kayisse galchimaanni Yordaanoosi Wayi geeshsha noo baatto gudisse ragidhu.