IYYAASU 11:14 - Qullaawa Maxaafa

¹⁴ Israeelootu qafado baalantanna tenne katamma giddonni afidhino saada uminsara adhitu; manna kayinni mittono gatissukkinni baalanka shite guddu.

IYYAASU 11:14 ပူးပေါင်းရင်းမြစ်များ

LAYINKI DUDUWO 20:25

Iyosaafiixinna mannisino diinu jajja gudhitara hakkiichira martu. Lowo saada, sinqenna bagado, imaananna wole ayirrado uduunne afidhu. Afidhinore gudhitanni heedheennanni 3 barra wo'ma ikki. Ikkollana afidhinori lowo geeshsha bati'rino daafira gurte guda didandiitino.

KIIRO 31:9

Midiyaamootu meentonna qaaqquullensano qafaddu; lalo, me"enna ge'reewo baala horritu; jironsa baalano adhitu.

MARRO 20:14

Meentonna qaaqquulle kayinni, qafaddine borojje assidhe; saadanna katamu giddonni afidhinannire baala umi'neha assidhe. Magani'ne Kaaliiqi diinna'newiinni aanno'ne qafado umi'ne qiniite assi'ra dandiitinanni.

MARRO 20:16

«Ikkollana, Magani'ne Kaaliiqi iqqa asse aanno'ne katamma dagannite giddonni mittorichono gatissinikkinni shiiyye.

IYYAASU 10:40

Kunni garinni, Iyyaasu baatto gudise amadi. Ilaalaame gobba, soojjaati eelallittenna gaarrate lekkaalloonni galchimi ragaanni, wodiidoonni noo gobba halallittete geeshsha noo mootoolla qeeli. Mitto mancho nafa gatisikkinni baalanka shee gudi. Israeelete Magani Kaaliiqi uyino hajajo tenneeti.

IYYAASU 11:11

Giddosi noore baala bagadunni shitu; lubbo afi'rinoha mitto nafa gatissukkinni baalanka shakki assitu. Hatsoori katamirano giira qassu.

IYYAASU 11:13

Ikkollana, Iyyaasu giiriha Hatsoori katama agurranna, Israeelootu gaarrate aana noo katamma digiirtino.

IYYAASU 11:15

Kaaliiqi hajajosi soqqamaanchisira Musera uyino; Museno Iyyaasura uyino. Iyyaasuno hajajo wonshino. Kaaliiqi Muse hajajino garinni, Iyyaasu baalanka coye assi; mittorichono digatisino.

IYYAASU 8:2

Kunni albaanni Iyyaarkotenna mootesira iillitino bao Gayinna mootesira iillishatto. Ikkollana, xa giddosi nooha jajjanna saada umi'neta assidhinanni. Katamaho badheenni gaa'lite agartanno bagadaanono wori» yiisi.

IYYAASU 8:27

Kaaliiqino Iyyaasura kulinosi garinni, Israeelootu hakkiichinni adhitino saadanna wole jajja uminsaha assidhu.