IYYAASU 11:12 - Qullaawa Maxaafa

¹² Iyyaasu tenne katamma baalantanna mootoollansa baala amadi; bagadunnino gudi. Kaaliiqi soqqamaanchi Muse hajajino gede assino.

IYYAASU 11:12 ပူးပေါင်းရင်းမြစ်များ

MARRO 7:2

Magani'ne Kaaliiqi anga'nera sayise aanno'ne yannaranna ki'neno insa qeeltinanni yannara, baalanka co'o assitine hunne. Insa ledo namoontinoonte; marartinoontensa.

MARRO 9:3

Ikkollana, uyino'ne hexxo garinni Magani'ne Kaaliiqi ittanno giira gede ikke balaxe alba'neenni fulannoha ikkinota xa affinanni. Insano hunanno; ille'nenni la'inanna qeelannonsa. Ki'neno insa rahotenni shorritine huntinanni.

IYYAASU 10:20

Shiimu manni callu katammansara noo huxxi kinnannihu giddo maaxame reyotenni gatirono, Iyyaasunna Israeelete manni, gattinore baalanka gorrite guddu.

IYYAASU 10:28

Hakko barra Iyyaasu, Maqeda bala tuge, mootensa qafadi; katamu giddo noo manna baala mittuno gatikkinni gudi; Maqeda mooteno alba Iyyaarko moote assino gede asse shii.

IYYAASU 10:30

Kaaliiqi qole, konne katamanna mootesi, Israeelootu angara sayise uyi. Mitto mancho nafa gatissukkinni katamu giddo noo manna baalanka bisetenni shite guddu. Mooteno albaanni Iyyaarko moote assitunte gede assite shitu.

IYYAASU 10:32

Kaaliiqi olu kaihunni layinki barra, Israeelootu Lakiishi qeeltanno gede assi. Libina assitunte gede katamu giddo affu manna baala shite guddu.

IYYAASU 10:35

Hakko barranni katama amaddu; Lakiishi assitunte gede manna baalanka shite guddu.

IYYAASU 10:37

Katama amadde, mootenna shiimmaadda qarqaru katammara noo manna baala shitu. Iyyaasu Egilooni assinte gede katama co'o yee ba"anno gede assi. Kunni katamira reyikkinni gatinohu mittu manchi nafa dino.

IYYAASU 11:13

Ikkollana, Iyyaasu giiriha Hatsoori katama agurranna, Israeelootu gaarrate aana noo katamma digiirtino.

IYYAASU 11:15

Kaaliiqi hajajosi soqqamaanchisira Musera uyino; Museno Iyyaasura uyino. Iyyaasuno hajajo wonshino. Kaaliiqi Muse hajajino garinni, Iyyaasu baalanka coye assi; mittorichono digatisino.

IYYAASU 13:6

Kunino Libaanoosi ilaallanna Misirefotimayimi mereero noota gaaraame gobbara noota Sidoonootu gashshoote baala giddo amadanno. Israeelete manni alba hige ha'ri deerrinni, ani tenne daga shorreemmo. Atino hajajummohente gede baatto baala Israeelootaho beehatto.

IYYAASU 21:44

Kaaliiqi akaakkansara eino gondoori garinni baatto baalate keere uyinsa. Kaaliiqi diininsa aana qeelle uyinonsa daafira, albansaanni uurrara dandiinohu mittuno dino.

IYYAASU 8:31

Konne seekkinohuno, Kaaliiqi soqqamaanchi Muse Israeelootaho uyino Seerira, «Kinchunni kakkalote darga seekkatto yannara, siwiilu uduunnichinni boncoonniha ikkoonke» yine hajanjoonni garinniiti. Konne darga, shilqonnitanna mittimmate kakkalo Kaaliiqira shiqishshe.

IYYAASU 8:8

Katama amaddinihu gedensaanni, Maganu hajajino garinni, co'o yee giirame ba"anno gede asse. Kuneeti hajajoommo'nena yoommo gede asse» yiinsa.

IYYAASU 9:24

Insano, «Mooticha! Magani'ne Kaaliiqi ki'ne alba higgine qaaffini deerrinni, hakkiicho hee'ranno manna shaatenni baatto ragisiisa'nera soqqamaanchosi Muse hajajino gede anfoommo. Togo assinoommohuno, ki'ne waajjatenni kainohunni lubbonke gatisi'rate yineeti.