IYYAASU 10:8 - Qullaawa Maxaafa

⁸ Kaaliiqi Iyyaasura, «Insa waajjitooti; ani wo'ma qeelle oommohe. Insa giddonni mittuno ittisannohehu dihee'ranno» yiisi.

IYYAASU 10:8 ပူးပေါင်းရင်းမြစ်များ

UMI MOOTOOLLA 20:13

Hatte yanna giddo mittu himanaanchi Akiaabiwa daye, «Kaaliiqi, ‹Olantote batinye la'e waajjitooti! Ani techo insa qeelatto gede asseemmohe. Atino ani Kaaliiqa ikkoommota afatto› yiinohe» yiisi.

ROOMU SOKKA 8:31

Xa kunni coyira ma yineemmo? Maganu ninke ledo hee'riro, qeelankera dandaannohu ayeti?

MARRO 3:2

Kaaliiqi kayinni, «Iso, olantosi baalantanna baattosi angakkira sayise oommohena, waajjitooti. Isono Hasebooni gashshinoha Amooraawootu moote Sewooni assitto gede assi» yiie.

MARRO 7:24

Mootoollansa anga'nera sayise aanno; baattote aaninni su'minsa hawamanno. Insa huntina geeshsha, ittisa'nera dandaannohu mittuno dihee'ranno.

IYYAASU 10:25

Iyyaasu, olu roorrootira, «Kaaliiqi diina'ne baalanka, togo assannona, horonta waajjitinoonte; jawaatte! Murtenna bareende heedho'ne!» yiinsa.

IYYAASU 10:9

Iyyaasunna olantosi hashsha wo'ma Galgalunni ka'e Gebaoonira hadhanni galte Amooraawootu aana hedeweelcho bala tuggu.

IYYAASU 11:6

Kaaliiqi Iyyaasura, «Waajjitooti; Israeelete manni daafira gaarame, ga'a tenne yannara, baalanka gudeemmonsa. Atino faraddansa dagaado muratto; gaarensano giiratto» yiisi.

IYYAASU 8:1

Hakkunni gedensaanni, Kaaliiqi Iyyaasura, «Olaho gaaddokki baalanta haadhe Gayi katama gaadoho fuli; horonta be'e yitooti! Waajjitooti! Ani Gayi moote qeelatto gede asseemmohe. Mannu, katamunna baatto ateta ikkitanno.

EJJEETTO 6:16

Kaaliiqino, «Addintanni ani ledokki hee'reemmo. Midiyaamoota mittu manchi gede assite ganatto» yiisi.

EJJEETTO 7:9

Hakko hashsha Kaaliiqi Gedewooni, «Angakkira sayise oommohena, dirrite kunni qachira bala tugi.

UMI SAAMUEELI 17:47

Konne noori baalunkuno, Kaaliiqi bisetenni woy urdetenni gatisannoha ikkinokkita affanno. Olu Kaaliiqiha ikkino daafira baalanka angankera sayise aanno» yiisi.