IYYAASU 10:3 - Qullaawa Maxaafa

³ Kunnira, Adonitsedeqi Hohaami yinannihura Kebirooni mootera, Piraami yinannihura Yarmuuti mootera, Yaafia yinannihura Lakiishi mooteranna Debiiri yinannihura Egilooni mootera,

IYYAASU 10:3 ပူးပေါင်းရင်းမြစ်များ

KALAQAMA 23:2

Kana"aani baattora, Qiriyaati Arbai yinannihura Kebirooni Katamira reyitu; Abirihaamino Saarara wi'le lowo geeshsha manchiti.

KALAQAMA 37:14

Annuno, «Hadhe roduuwikkinna saada keere noo gedeenni la'e, duduwonsano haadhe abbie» yiisi. Yooseefino Kebirooni Lagichinni fushshe soyi. Yooseefino mare Sekeemi iilli.

LAYINKI SAAMUEELI 2:11

Daawiti Kebirooni teesso assi're Yihudu mannira 7 dironna darate moohi.

LAYINKI MOOTOOLLA 18:14

Hiziqiyaasino Lakiishi noohura Senaakireemira, «Anewa sa'inona, yoottore baala eemmona ballo eeggatena agurie» yee manna soqqi. Senaakireemino, «Ani 10,000 kiilo birranna 1,000 kiilo culka soyattoera hasi'reemmo» yii.

LAYINKI MOOTOOLLA 18:17

Hatto assanni hee'reennanni Senaakireemi 3 jawaata bagadaano lowo olanto Lakiishinni haadhe hadhe Hiziqiyaasi qassanno gede Yerusaalame soyi. Insano Yerusaalame iillite aliidi kofamenni wayi ha'ranno gede fannoonni doogora imaana hayishshinanni darga massitanno doogora marte uurritu.

LAYINKI DUDUWO 11:9

Adoorayimi, Lakiishi, Azeqa,

ERMIYAASI 34:7

Baabilooni moote olanto katama gawajjitu. Hakkiinni sa'e 2 qiinshoonnire Yihudu katamma Lakiishinna Azeqa miiccu.

MIKIYAASI 1:13

Ki'ne Lakiishi heedhinanniri faradu gaare qixxeessidhe. Israeelete cubbi balaxe ki'newa leellinona, kunnira Yerusaalame sao assitanno gede kaima ikkitinoonniri ki'neeti.

KIIRO 13:22

Negebi widoonni higge sa'e Akimaani, Sesiininna Talmayi yinanniti jajjabba Enaaqi ilama heedhannoha Kebirooni Katama iillitu. (Kebirooni Tsoaani Katami Gibitsennihu minamara lamalu dirira albaanni xintaminoho.)

IYYAASU 10:1

Iyyaasu Gayi katama olame amadihu gedensaanni, Iyyaarkonna mootese assinte gede co'o asse huninotanna mooteseno shiinota Yerusaalamete moote Adonitsedeqi macciishshi. Qoleno, Gebaooni manni Israeelootu ledo namoome keerunni hee'ransa buuxi'ri.

IYYAASU 10:23

Kunni daafira, goda fanne hakkore 5 Yerusaalamete, Kebirooni, Yarmuuti, Lakiishinna Egilooni mootoolla fultanno gede assini.

IYYAASU 10:34

Qolteno Iyyaasunna olantosi Lakiishinni gaadde Egilooni gaangeessite bala tuggu.

IYYAASU 10:5

Hakkunni gedensaanni, Amooraawootu mootoolla: Yerusaalamete moote, Kebirooni moote, Yarmuuti moote, Lakiishi mootenna Egelooni moote noonsa wolqanni olantonsa baala adhite fulte Gebaooni qassu.

IYYAASU 14:15

Kunni albaanni, Kebirooni Arbai su'minni woshshinanni. Kuni Arbai Enaaqoota baala roorino manchooti. Hakkunni gedensaanni, olu uurreenna baatto fooliishshidhu.

IYYAASU 15:54

Humixa, Kebirooninna Tsioori yinanniri mitteenni 9 katamma ikkitanna, gaangaawinsara noore shiimmaadda katamma giddo amaddanno.

IYYAASU 15:63

Kayinnilla, Yihudu manni Yerusaalamete heedhannore Iyaabuusoota shorre huna didandiino. Kunnira, Iyaabuusootu techo geeshsha Yerusaalamete Yihudu manni ledo heedhanno.

IYYAASU 18:28

Seelai, Eleefi, Yabuusi (Yerusaalame) Gibianna Qiriyaati-Yiariimi Yinanniri kiironsa mitteenni 14 katamma ikkitanna, gaangaawinsara noore shiimmaadda katammano giddo amaddanno. Kunnira, Biiniyaami ga're iqqa assidhe adhitino baatto tenneeti.