IYYAASU 10:13 - Qullaawa Maxaafa

¹³ Kunnira, Israeelete manni diinnansa qeela geeshsha, arrishsho uurritu; aganuno noo darginni milli yiikkinni keeshshi. Kuni coyino, Yashaari Maxaafira borreessineenna no; arrishsho milli yitukkinni, gordu mereero uurritu; barra wo'ma e'ukkinni hossu.

IYYAASU 10:13 ပူးပေါင်းရင်းမြစ်များ

LAYINKI SAAMUEELI 1:18

Tenneno Yihudu manni rosanno gede hajajino. Kuni coyino Yashaari Maxaafira borreessame no. Daawiti,

LAYINKI MOOTOOLLA 20:10

Hiziqiyaasi daware, «Caalu 10 dirima albaanni sa"a diqarrissannona, 10 dirima badheenni higanno gede assie» yii.

ASTEERI 8:13

Hajajono gobba baalate seeru gede assine lallambeenna mannu baalu afanno gede ikkitu. Kunni garinni Ayihudootu hakko barra diinansa rabbisi'rate qixxaabbu.

IYYOOBI 9:7

Maganu arrishsho, ‹Fultooti!› beeddaheno, ‹Xabbooti!› yaanno.

FAARSO 148:3

Arrishshonna aganu galattesi; xabbinanni beeddahe baala galattesi;

FAARSO 19:4

Ikkirono, sokka baatto baala, qaalinsa gobbate qacce geeshsha iilli. Maganu gordoho arrishshote dukkana qasi.

ISAYAASI 24:23

Olantote Mootichi Kaaliiqi, Tsiyooni Ilaalira Yerusaalamete moohanno daafira, aganu tunsanno; arrishsho xo'anno; gashshaano baala ayirrinyesi la'anno.

ISAYAASI 38:8

Moote Akaazi yanna bikkate seekkisiisino dirimi aana uwanno caale, Kaaliiqi 10 dirima galagale badhera higanno gede assanno» yoommosi. Caaluno tonnenka dirima sae galagale badhera higi.

IYUEELI 2:10

Baatto albansaanni shafantanno; gorduno huxi'ranno; arrishshonna aganu tunsanno; beeddaheno xo'anno.

IYUEELI 2:31

Jawunna waajjishannohu Kaaliiqi barri dayikkinni, arrishsho tunsitanno; aganuno mundeete soorramanno.

IYUEELI 3:15

Hakko barra arrishshonna aganu tunsanno; beeddaheno xo'anno.

IMBAAQOOMI 3:11

Worbichu gede kaattannotenna urdete gede bilicci yitanno banqonni kainohunni, arrishshonna aganu darga dargansa uurritu.

KIIRO 21:14

Kaaliiqi ola kulanno maxaafira, «Suufa Qoqqowa, laggate giddo nooha Waheebi Katama, Ornooni Waa,

KIIRO 31:2

«Israeelete aana assitino beebbara Midiyaamoota rabbisi. Hakkunni gedensaanni reyatto» yiisi.

MAATEWOOSI 24:29

Yesuusi lede, «Hattenne qarru barrubba gedensaanni hakkawoyintenni, arrishsho tunsitanno; aganuno dixawanno. Beeddahe gordunni giggiltanno; gordu wolqubbano shafantanno.

MAATEWOOSI 5:45

Hatto assitiniro gordoho hee'ranno Anni'nera oososi ikkitinanni. Isi bushuullehonna danchuulleho arrishsho fushshanno; keeraanotenna cubbaataammaho xeena gananno.

LUQAASI 18:7

Maganu hashsha barra Isiwa higge raartannorira roorse halaalu yoo diyaannonsa? Lashshi asse agureenna kaa'lo keeshshitannonsani?

SOQQAMAASINETE LOOSO 2:20

Jawunna dhaggennihu Mootichu barri daara albaanni, arrishsho tunsitanno; aganu mundeete soorramanno.

IYYAASU 10:11

Amooraawootu, Israeelootu olantowiinni Beetihorooninni Azeqa eelallitte higge xooqqanni heedheenna, Kaaliiqi gordunni lowiddaanna kaade dirrisi. Kunnira, Israeelootu shitinorinni roore kaade shitinori kiiro lowo geeshsha batidhu.

IYYAASU 10:14

Kaaliiqi Israeelete qote uurre gaaraminonsahura, Kaaliiqi mannaho hajajaminoha hattoo barra hakkuyira albaannino, hakkuyi kawano anfe diegenninoonni.

YOHAANNIS AJUUJA 21:23

Maganu ayirrinyi xawanno daafiranna Ge'rechu caabbicho ikkino daafira, katamaho aganu woy arrishshote xawaabbi dihasiisanno.

YOHAANNIS AJUUJA 6:10

Tini lubbuwa qoonqonsa naggi assite, «Qullaawunna halaalaanchu, Wo'manka Dandaatto Mootichi, baattote aana hee'ranno manna qorichishattokkihunna mundeenke daafira rabbisattokkihu mamooti geeshshaati?» yitanni raartu.

YOHAANNIS AJUUJA 6:12

Leelki sumuda tiri woyiteno laummo. Hatte yannara baatto milli yitu; arrishshono xitu gede kolishshidhu; aganuno co'o yee mundeete gede duu'mi.

YOHAANNIS AJUUJA 8:12

Shoolki sokkaasinchino xurumba ufuufi. Arrishsho sayikki anga, aganu sayikki anga, beeddaheno sayikki anga ganantu. Kunnira, insatino sayikki anga tunsitu. Kunni garinni barru giddonni sayikki anga, hashshuno sayikki anga tunsi.

EJJEETTO 16:28

Samisoni Kaaliiqa, «Kaaliiqa Mooticha'ya ballo qaagie; ba'ino ille'ya daafira Filisxeemoota rabbisi'reemmona Magano'ya ballo mitte higge calla jawaachishie» yee huucci'ri.

EJJEETTO 5:2

Israeelete noo ejjeetto albissanna, mannuno baxe umisinni ka"anna, Kaaliiqi galatamo.