IYYAASU 10:1 - Qullaawa Maxaafa

¹ Iyyaasu Gayi katama olame amadihu gedensaanni, Iyyaarkonna mootese assinte gede co'o asse huninotanna mooteseno shiinota Yerusaalamete moote Adonitsedeqi macciishshi. Qoleno, Gebaooni manni Israeelootu ledo namoome keerunni hee'ransa buuxi'ri.

IYYAASU 10:1 ပူးပေါင်းရင်းမြစ်များ

KALAQAMA 14:18

Wo'munkura Aliidi Magani qeesichi Saaleemi moote Melketsedeqi Abiraamira sagalenna woyinete xajje abbisi.

IBIRAAWOOTA 7:1

Melketsedeqi Saalemi yinanni katami mooteetinna Wo'munkura Aliidi Magani qeesichaati; kuni Melketsedeqi Abirihaami mootoolla qeele higi yannara doogo xaade maassi'rinosi.

IYYAASU 10:3

Kunnira, Adonitsedeqi Hohaami yinannihura Kebirooni mootera, Piraami yinannihura Yarmuuti mootera, Yaafia yinannihura Lakiishi mooteranna Debiiri yinannihura Egilooni mootera,

IYYAASU 6:21

Bisensa fushshite katamu giddo nooha labbaahanna meyata, wedellanna geerra baala shitu. Lalo, ge'reewonna harre baala guddu.

IYYAASU 8:2

Kunni albaanni Iyyaarkotenna mootesira iillitino bao Gayinna mootesira iillishatto. Ikkollana, xa giddosi nooha jajjanna saada umi'neta assidhinanni. Katamaho badheenni gaa'lite agartanno bagadaanono wori» yiisi.

IYYAASU 8:21

Iyyaasunna ledosi noo olanto balaxxe qixxeessite wortino gaaddono katama angansara qo'lite giira qassinota affu yannara, badhera kamballi yite Gayi kataminni daggino olamaano shaa hanaffu.

IYYAASU 9:3

Hiwootu garo ikkitinori Gebaooni manni kayinni, Iyyaasu Iyyaarkotanna Gayi katamma assinota baala macciishshitinohura,