IYYAASU 1:7 - Qullaawa Maxaafa

⁷ Atilla waajjitooti! Jawaati! Soqqamaanchi'ya Muse uyinohe seera baala seekkite agadhi. Ha'ratto darga baalaho wo'munku coyi qinaannohe gede, kunni seeriwiinni horonta miliqqi yitooti.

IYYAASU 1:7 ပူးပေါင်းရင်းမြစ်များ

UMI MOOTOOLLA 2:2

«Kune ani mannu aalo ikkeemmoti yanna dagginona jawaati; manna ikki!

UMI MOOTOOLLA 2:3

Maganikki Kaaliiqi assattora hasi'rannore baala seekkite afi. Hakkuno: Ha'ratto doogo baalate assi'rittori qinaannohe gede Kaaliiqi Muse widoonni qole uyino seeranna hajajo, woganna halaale baala agadhate.

LAYINKI MOOTOOLLA 22:2

Iyosiyaasi Kaaliiqi baxanno coye assino. Guranna qiniite higikkinni albi annisi Daawiti ha'rino doogo ha'rino.

UMI DUDUWO 22:13

Kaaliiqi Muse widoonni qole Israeelete uyino seera baala wonshittoro, baalunkuri qinaannohe. Jawaati; muratoottoha ikki; waajjitooti; hexxo mudhitooti!

LAYINKI DUDUWO 15:7

Ki'ne kayinni daafuri'ne waaga afidhinannina, daafurtinoontena jawaatte!» yiisi.

LAYINKI DUDUWO 26:5

Zakkaariyaasi lubbotenni noo geeshsha, Kaaliiqa waajjanno gede amaalinosi daafira ammaname hee'rino. Ammanamatenni soqqami deerrinni Maganuno maassi'rinosi.

IYYOOBI 1:8

Kaaliiqino Sheexaaneho, «Halaalinta soqqamaancho'ya Iyyoobi wodana assite laittoni? Isi gede keeraanchunna suwashshu, bushu coyi baalunkuwiinni fafe ane ayirrisanno manchi wolu dinona» yiisi.

FAARSO 80:19

Olantote Magano Kaaliiqa ballo, haaroonsinke! Ganteemmo gede maarokki leellishinke.

LAWISHSHA 4:27

Guranna qiniite yiittokkinni lekkakki bunshetewiinni agadhite qaafi.

LAWISHSHA 8:20

Ane doogo keeraanchimmannite; ha'rumi'yano halaalunniho.

DAANIEELI 10:19

Isino, «Ate Maganu baxannohena, waajjitooti! Jawaati! Kaajji!» yiinoe. Isi coyi'ri yannara jawaante lexxe, «Mooticha'ya, jawaante oottoena yaattore ledde kulie» yoommosi.

KIIRO 27:23

Hakkunni gedensaanni Kaaliiqi hajajino garinni angasi aanaho wore isi darga amadannoha ikkinota egensiisi.

MARRO 11:8

«Techo ani eemmo'ne hajajo baala agadhitiniro, Yordaanoosi tayissine fulatenna baatto ragi'rate wolqa afidhinanni.

MARRO 12:32

«Ani hajajummo'nere baala agadhe; leddinoonte; xeissinoonte.

MARRO 28:14

Wole maganna hoode hadhine insara soqqamatenni techo hajajoommo'ne hajajowiinni ka'anna kawa higginoonte.

MARRO 29:8

Baattonsano adhine Roobeeli gare'ra, Gaadi ilamaranna Minaase ga're daratira iqqa assine uyinoommo.

MARRO 29:9

Kunnira, assitinanniri baalu qinaanno'ne gede, konne gondooru qaale seekkitine agadhe.

MARRO 31:7

«Hakkunni gedensaanni, Muse Iyyaasu woshshe, Israeelete manni baalunku albaanni, Kaaliiqi annuwansara aara xaarino baatto ragi'ranno gede konne manna haadhe massattohu ateetina, jawaati; kaajji.

MARRO 4:2

Eemmo'neta Magani'ne Kaaliiqi hajajo agadhe. Hajajoommo'nehu aana leddinoonte; xeissinoonte.

MARRO 5:32

«Israeelete manna, Magani'ne Kaaliiqi hajajino'nere wonshate qixxaabbe. Ka'anna kawa yitinoonte.

IYYAASU 1:1

Kaaliiqi soqqamaanchi Muse reyihu gedensaanni, Musera muli kaa'laancho ikke noohura, Newe beetti Iyyaasura Kaaliiqi,

IYYAASU 1:8

Konne Seeru Maxaafa aye yannarano nabbawa agurtooti; isi giddo borreessinoonniha baala wonsha dandaatto gede, hashshanna barra wodanchi. Hatto assittoro, baalunku coyi danchu garinni qinaannohe.

IYYAASU 1:9

Ha'ratto darga baalaho ani Kaaliiqi Maganikki ledokki noommona, ‹Bashshi yitooti! Jawaati!› yee hajajummoheta habbooti. Horonta waajjitooti; hexxono mudhitooti» yee coyi'risi.

IYYAASU 11:15

Kaaliiqi hajajosi soqqamaanchisira Musera uyino; Museno Iyyaasura uyino. Iyyaasuno hajajo wonshino. Kaaliiqi Muse hajajino garinni, Iyyaasu baalanka coye assi; mittorichono digatisino.

IYYAASU 23:6

Kunnira, Muse borreessinohura Seeru Maxaafira noo hajajo baala seekkitine jawaattine agadhe. Hajajotewiinni ka'anna kawa higginoonte.