IYYAASU 1:6 - Qullaawa Maxaafa

⁶ Bashshi yitooti! Lowo geeshsha jawaati! Kaajji! Ani akaakkansara aammora xaaroommo baatto ragisiisatto gede, kunni mannira albisa ikkatto.

IYYAASU 1:6 ပူးပေါင်းရင်းမြစ်များ

KALAQAMA 12:7

Kaaliiqi Abiraamira leelle, «Tenne baatto sirchikkira eemmohe» yiisi. Kunnira, Abiraami leellinosi Kaaliiqira hakko darga kakkalote darga seekki.

KALAQAMA 26:3

Kawiicho hee'ri; anino ledokki hee'reemmo; maassi'reemmohe; tenne baatto baala ateranna sirchikkira eemmo; annikki Abirihaamira xaaroommo xaarono wonsheemmo.

LAYINKI SAAMUEELI 10:12

Kunnira, xa jawaati! Manninkenna Maganinke katammara jawaante olammo. Baalunku coyi Kaaliiqi yiino gede ikko» yii.

UMI MOOTOOLLA 2:2

«Kune ani mannu aalo ikkeemmoti yanna dagginona jawaati; manna ikki!

UMI DUDUWO 22:13

Kaaliiqi Muse widoonni qole Israeelete uyino seera baala wonshittoro, baalunkuri qinaannohe. Jawaati; muratoottoha ikki; waajjitooti; hexxo mudhitooti!

UMI DUDUWO 28:10

Qullaawa Mine minattosi gede Kaaliiqi doorinoheta habbooti; xa ka'e mittu wodaninni jawaatte mini» yiisi.

UMI DUDUWO 28:20

Moote Daawiti beettisi Selemoonira, «Mitte giddohanna muratoottoha ikki; waajjittokkinninna wolqa baittokkinni looso hanafi. Soqqameemmosihu Magani'ya Kaaliiqi ledokki no. Isi Qullaawa Minesi minte gudatto geeshsha atewiinni dibaxxanno; diagurannohe.

LAYINKI DUDUWO 15:7

Ki'ne kayinni daafuri'ne waaga afidhinannina, daafurtinoontena jawaatte!» yiisi.

LAYINKI DUDUWO 20:11

Insa qoltanni noonke bado kayinni lai! Kune ati iqqa assite oottonke baattonni fushshite huntankera daggino.

LAYINKI DUDUWO 20:7

Maganonke, mannikki Israeele tenne gobba daggu waro, balaxxe konniicho heedhanno daga fushshite baxillaanchikki Abirihaami sirchira oottohu diateeti?

FAARSO 27:14

Kaaliiqa hexxi; jawaati; wodanikkino kaajjo; Kaaliiqa hexxi.

DAANIEELI 10:19

Isino, «Ate Maganu baxannohena, waajjitooti! Jawaati! Kaajji!» yiinoe. Isi coyi'ri yannara jawaante lexxe, «Mooticha'ya, jawaante oottoena yaattore ledde kulie» yoommosi.

HAGE 2:4

‹Xa kayinni baalunku jawaatte! Ani ledo'ne noommona minne!› yaanno Olantote Mootichi Kaaliiqi.

ZAKKAARIYAASI 8:9

Olantote Mootichi Kaaliiqi, «Qullaawu Maganu Mine layinkimeeshsho minate sanfanni yannara, himanaano coyidhinore macciishshitiniri baalunku jawaatte! Waajjitinoonte!

KIIRO 26:53

«Ga're ga'rete manni kiiro garinni baatto beehinsa.

KIIRO 33:53

Baatto iqqa'ne asse oommo'nena ragidhine teessine heedhe.

UMI QORONTOOSI 16:13

Baqqi yitinoonnire ikke; ammanatenni uurre; jawaatte; kaajje.

EFESOONI SOKKA 6:10

Hakkiinni sa'uta, Mootichunninna jawa wolqasinni jawaattine heedhe.

MARRO 1:21

Kuneeti annuwa'ne Magani Magani'ne Kaaliiqi tenne baatto uyino'ne. Xaano isi kulino'ne garinni fultine ragidhe. Waajjitinoonte wodani'neno daaqoonke› yoommo'ne.

MARRO 1:8

Kuneeti tenne baatto oommo'ne. Ani Kaaliiqi annuwa'nera Abirihaamira Yisihaaqiranna Yaiqoobira insa gedensaannino sirchinsara aammora xaaroommo gobba e'ine ragidhe› yiino» yiinsa.

MARRO 11:8

«Techo ani eemmo'ne hajajo baala agadhitiniro, Yordaanoosi tayissine fulatenna baatto ragi'rate wolqa afidhinanni.

MARRO 31:23

Kaaliiqino Newe beetto Iyyaasu, «Jawaati, kaajji! Israeelete mannira aammonsara xaaroommo baatto haadhe massattonsana. Anino ledokki hee'reemmo» yee hajajo uyisi.

LAYINKI XIMOOTEWOOSI 2:1

Xaate ati beetto'ya! Kiristoosi Yesuusinni afi'nanni eltonni jawaati.

IYYAASU 1:18

Ate roore hettisannohunna hajajokki baalanta wonshannokkihu hee'riro reyo. Ati bashshi yitooti! Jawaati!» yitu.

IYYAASU 1:7

Atilla waajjitooti! Jawaati! Soqqamaanchi'ya Muse uyinohe seera baala seekkite agadhi. Ha'ratto darga baalaho wo'munku coyi qinaannohe gede, kunni seeriwiinni horonta miliqqi yitooti.

IYYAASU 1:9

Ha'ratto darga baalaho ani Kaaliiqi Maganikki ledokki noommona, ‹Bashshi yitooti! Jawaati!› yee hajajummoheta habbooti. Horonta waajjitooti; hexxono mudhitooti» yee coyi'risi.

IYYAASU 10:25

Iyyaasu, olu roorrootira, «Kaaliiqi diina'ne baalanka, togo assannona, horonta waajjitinoonte; jawaatte! Murtenna bareende heedho'ne!» yiinsa.

IYYAASU 13:6

Kunino Libaanoosi ilaallanna Misirefotimayimi mereero noota gaaraame gobbara noota Sidoonootu gashshoote baala giddo amadanno. Israeelete manni alba hige ha'ri deerrinni, ani tenne daga shorreemmo. Atino hajajummohente gede baatto baala Israeelootaho beehatto.

IYYAASU 18:3

Kunnira, Iyyaasu Israeelete mannira, «E'ine akaakka'ne Magani Kaaliiqi uyino'ne baatto ragidhinikkinni keeshshitinannihu mamooti geeshshaati?

IYYAASU 21:43

Kunnira, Kaaliiqi akaakkansara aara xaarinonsa baatto baala, Israeelootaho uyinsa. Baatto ragidhuhu gedensaanni, teesse heedhu.

UMI SAAMUEELI 4:9

Filisxeeme, jawaatte! Labballimma'ne xa leelto. Hakkuyi ka'a kayinni ki'ne Ibiraawoota borojjimma gashshitininsante gede, insano ki'ne qolte hatto assitanno'ne. Labballimma'ne xa leelto; jawaattine olamme!» yitu.