IYYAASU 1:5 - Qullaawa Maxaafa

⁵ Ate Iyyaasu lubbotenni nootto geeshsha qeelannohehu ayino dihee'ranno. Ani Muse ledo hee'rummonte gede, ate ledono hee'reemmo. Wo'manka woyite ate ledo noommo; horontanni diagureemmohe.

IYYAASU 1:5 ပူးပေါင်းရင်းမြစ်များ

KALAQAMA 39:2

Kaaliiqi Yooseefi ledo noo daafira, heeshsho baala qiniitusi. Isino Gibitsaawichu mootichisi mine hee'ri.

UMI MOOTOOLLA 1:37

Moote'ya, Kaaliiqi ate ledo hee'rinte gede Selemooni ledono hee'ro! Gashshootesino ate moote'ya yannanni roore jawaata asso!» yii.

UMI MOOTOOLLA 11:38

Soqqamaanchi'ya Daawiti gede wo'mu wodaninni hajajamittoero, seera'yanna hajajo'ya wonshittoro, ane albaanni halaale ikkino coye assittoro, ani wo'manka woyite ledokki hee'reemmo. Daawitira assummonte gede Israeelete moohatto gedenna oosokkino dargakki amadde gashshitanno gede asseemmo.

UMI MOOTOOLLA 8:57

Maganinke Kaaliiqi akaakkanke ledo hee'rinte gede, ninke ledono hee'ro; aye woyiteno aguroonkenke; tugoonkenke.

UMI DUDUWO 28:20

Moote Daawiti beettisi Selemoonira, «Mitte giddohanna muratoottoha ikki; waajjittokkinninna wolqa baittokkinni looso hanafi. Soqqameemmosihu Magani'ya Kaaliiqi ledokki no. Isi Qullaawa Minesi minte gudatto geeshsha atewiinni dibaxxanno; diagurannohe.

FAARSO 46:11

Olantote Mootichi ledonke no; Yaiqoobi Magani golonkeeti.

FULO 3:12

Maganuno daware, «Ani ledokki hee're kaa'leemmohe; Israeele Gibitsetenni fushshatto yannara, kunni ilaalira magansidhinannie; kunino ani soommoheta egensiisate malaate ikkannohe» yiisi.

ISAYAASI 42:16

Balloota hadhe egentinokki doogo, affe egentinokki faro qole haa're ha'reemmonsa. Albansaanni noo tunsicho xawaabba asseemmo; gudaagundo ikkino darga taashsheemmo. Konne coye baalanka coyi'roommohu aneetina, wonshummokkinni diagureemmo.

ERMIYAASI 1:8

Ani ledokki hee're agareemmohe daafira, manna horontanni waajjitooti; coyi'ranni noommohu ani Kaaliiqaati» yiie.

DAANIEELI 11:16

Aliyyenni daanno hoorraanchi ittisannohu nookkiha hasi'rinore baala assanno. Hexxonnitera biifado Israeelete gobba aana uurre ise hunate wolqano afi'ranno.

MAATEWOOSI 28:20

Hajajoommo'nere baala assitanno gede rosiissensa! Kuneeti, gobbate goofimarchi geeshsha ani ki'ne ledo noommo» yiinsa.

ROOMU SOKKA 8:31

Xa kunni coyira ma yineemmo? Maganu ninke ledo hee'riro, qeelankera dandaannohu ayeti?

ROOMU SOKKA 8:37

Kunni baalunku coyinni kayinni baxinonkehu Kiristoosinni qeeltinore roorreemmo.

MARRO 20:1

«Diinna'ne qassinara olaho fultinanni yannara, faradi gaarensanna faradinsa ki'nerinni roore leelli'nero nafa waajjitinoonte. Gibitsetenni fushshino'nehu Magani'ne Kaaliiqi ki'ne ledo no.

MARRO 20:4

Magani'ne Kaaliiqi ki'ne ledo olaho fule olamanno daafira qeelle afidhinanni› yee coyi'rona.

MARRO 31:23

Kaaliiqino Newe beetto Iyyaasu, «Jawaati, kaajji! Israeelete mannira aammonsara xaaroommo baatto haadhe massattonsana. Anino ledokki hee'reemmo» yee hajajo uyisi.

MARRO 4:31

Magani'ne Kaaliiqi maaranno Magano ikkinohura, diaguranno'ne; diinohunanno'ne. Annuwa'nera xaarotenni dhaawino gondooro dihawanno.

MARRO 7:24

Mootoollansa anga'nera sayise aanno; baattote aaninni su'minsa hawamanno. Insa huntina geeshsha, ittisa'nera dandaannohu mittuno dihee'ranno.

LAYINKI XIMOOTEWOOSI 4:17

Ikkollana ani sokka wonshe kuleenna daga baala macciishshitanno gede Mootichu ledo'ya hee're jawaachishinoe. Doobbiichu afiinnino gatoommo.

IBIRAAWOOTA 13:5

Woxu baxille qorophe; noo'nehu ikko'ne! Maganu, «Horo diagureemmohe; dicallachisheemmohe» yiino.

IYYAASU 1:17

Musera wo'ma woyite hajajammanni hee'nummonte gede, aterano hajajammeemmohe. Kaaliiqi Maganikki Muse ledo hee'rinte gede ate ledono hee'ro!

IYYAASU 1:9

Ha'ratto darga baalaho ani Kaaliiqi Maganikki ledokki noommona, ‹Bashshi yitooti! Jawaati!› yee hajajummoheta habbooti. Horonta waajjitooti; hexxono mudhitooti» yee coyi'risi.

IYYAASU 10:8

Kaaliiqi Iyyaasura, «Insa waajjitooti; ani wo'ma qeelle oommohe. Insa giddonni mittuno ittisannohehu dihee'ranno» yiisi.

IYYAASU 21:44

Kaaliiqi akaakkansara eino gondoori garinni baatto baalate keere uyinsa. Kaaliiqi diininsa aana qeelle uyinonsa daafira, albansaanni uurrara dandiinohu mittuno dino.

IYYAASU 3:7

Kaaliiqi Iyyaasura, «Techo barra ani alba'neenni asseemmo coyinni, Israeele baalanti ate jawu manchi gede assite ayirrissannohe gedenna Muse ledo hee'rummonte gede ate ledono noommota huwattanno gede asseemmo.

IYYAASU 6:27

Kunni garinni, Kaaliiqi ledosi noo daafira, Iyyaasu gobba baalate egennaminoha ikki.

EJJEETTO 2:18

Kaaliiqi albisannoha kayisannonsa kiironni, hakku albisi Kaaliiqi ledosi noo daafira, Israeele diininsa anganni gatisino. Mannu qarru batinyinni kainohunni raaranno woyite, Kaaliiqi mararinonsa.

EJJEETTO 6:16

Kaaliiqino, «Addintanni ani ledokki hee'reemmo. Midiyaamoota mittu manchi gede assite ganatto» yiisi.

UMI SAAMUEELI 10:7

Kuni malaati baalu ikkanno yannara Kaaliiqi ledokki noona, seyanno yaattore baala assi.