IYYAASU 1:17 - Qullaawa Maxaafa

¹⁷ Musera wo'ma woyite hajajammanni hee'nummonte gede, aterano hajajammeemmohe. Kaaliiqi Maganikki Muse ledo hee'rinte gede ate ledono hee'ro!

IYYAASU 1:17 ပူးပေါင်းရင်းမြစ်များ

LAYINKI SAAMUEELI 14:17

Anino, «Danchanna busha bade kulate ati moote mootichi'ya Maganu sokkaasinchi gedeehona, coyi'rattori jawaachishannoe» yee hedeeti. Maganikki Kaaliiqi ate ledo hee'ro› » yitu.

UMI MOOTOOLLA 1:37

Moote'ya, Kaaliiqi ate ledo hee'rinte gede Selemooni ledono hee'ro! Gashshootesino ate moote'ya yannanni roore jawaata asso!» yii.

UMI DUDUWO 28:20

Moote Daawiti beettisi Selemoonira, «Mitte giddohanna muratoottoha ikki; waajjittokkinninna wolqa baittokkinni looso hanafi. Soqqameemmosihu Magani'ya Kaaliiqi ledokki no. Isi Qullaawa Minesi minte gudatto geeshsha atewiinni dibaxxanno; diagurannohe.

FAARSO 20:1

Qarrikki barra Kaaliiqi macciishshohe; Yaiqoobi Magani agarohe.

FAARSO 20:4

Wodanikki halcho gede oohe; hedokki baalanta wonshohe.

FAARSO 20:9

Kaaliiqa ballo, buuramino mootera qeelle uyisi; woshshi'neemmohe barrano macciishshinke.

KIIRO 27:18

Kaaliiqino Musera, «Ayyaani'ya noosihura Newe beettira Iyyaasura angakki aanaho wori.

KIIRO 27:20

Israeelete manni baalunku atera hajajaminte gede, isirano hajajamannosi gede assi.

MAATEWOOSI 21:9

Albasiinninna badhesiinni ha'ranni noo manni, «Hosaina! Daawiti Beettira galata ikko; Mootichu su'minni daannohu maassaminoho! Hosaina! Galatu Gordoho hee'rannohura Maganoho ikko!» yaanni qeexaa'li.

MARRO 34:9

Muse dargasi amadanno gede angasi aanaho worinosi daafira, Kaaliiqi Newe beettira Iyyaasura egenno wonshisi. Israeeleno macciishshitusi; Maganu Muse widoonni qole hajajinonsare baalano wonshitu.

IYYAASU 1:16

Insano Iyyaasura, «Kuloottonkere baala wonshineemmo; soyattonkewa baala ha'neemmo.

IYYAASU 1:18

Ate roore hettisannohunna hajajokki baalanta wonshannokkihu hee'riro reyo. Ati bashshi yitooti! Jawaati!» yitu.

IYYAASU 1:5

Ate Iyyaasu lubbotenni nootto geeshsha qeelannohehu ayino dihee'ranno. Ani Muse ledo hee'rummonte gede, ate ledono hee'reemmo. Wo'manka woyite ate ledo noommo; horontanni diagureemmohe.

IYYAASU 1:9

Ha'ratto darga baalaho ani Kaaliiqi Maganikki ledokki noommona, ‹Bashshi yitooti! Jawaati!› yee hajajummoheta habbooti. Horonta waajjitooti; hexxono mudhitooti» yee coyi'risi.

IYYAASU 4:14

Hakko barra, Kaaliiqi assinohu dhaggete coyi Israeelete manni, Iyyaasu jawa albisa ikkinota wodanchanno gede assinsa. Muse ayirrisinte gede, Iyyaasuno lubbotenni hee'ri yanna baalantera ayirrisisi.

UMI SAAMUEELI 17:37

Doobbiichu kottenninna wolu moyichi keltinni gatisinoehu Kaaliiqi xaano kunni Filisxeemichi anganni gatisannoe» yiisi. Saaoolino, «Maahoyye, Kaaliiqi ledokki hee'rona marixa» yiisi.

UMI SAAMUEELI 20:13

Atera busha hedinoheta afe, maaxummoheronna gatatto gede assa hoogummohero, Kaaliiqi afoe. Kaaliiqi anni'ya ledo hee'rinte gede, ate ledono hee'ro.