IYUEELI 3:9 - Qullaawa Maxaafa

⁹ «Konne coye daga baalantera dudubbe. Olaho qixxaabbe; bareedda'ne baalanta woshshe. Olamaasine'ne baalanti gamba yite olaho fulto.

IYUEELI 3:9 ပူးပေါင်းရင်းမြစ်များ

FAARSO 96:10

Daga baalate, «Kaaliiqi mootete; kalqe shashshafantannokki gede kaajjite uurritino; dagano taashshe gashshanno» yitine kulle.

ISAYAASI 34:1

Ki'ne daga, amme macciishshe! Ki'ne manna, wodana asse! Baattonna aanase noori, uullanna uullate giddonni fulannori baalu macciishsho!

ERMIYAASI 31:10

Ki'ne daga! Ani coyi'reemmore macciishshe! Yeemmore qaccete fafowa noorira, ‹Manna'ya billaallisoommo; xa kayinni gamba asse, allaalaanchu gede allaaleemmonsa› yiino, yitine lallabbe.

ERMIYAASI 50:2

«Daga baalate duduwo kulle; ge'recho qassine lallabbe. Mittoreno gatissinikkinni, ‹Kune Baabilooni amadamaraati; maganinsa Marduki hiiqqamaraati; tiyyi'nanniti misillansano cancanantaraati.

ERMIYAASI 51:11

Kaaliiqi Qullaawu Minisi daafira rabbisi'rate yee, Baabilooni huntanno gede Medooni mootoolla kayisino. Kunni daafira, maxxa'ne quxidhe; wonqo'ne amaxxe.

ERMIYAASI 51:27

«Ki'ne gosa baala, bala tugate malaatisse; xurumba ufuuffe; Baabilooni qasanno manna qixxeesse. Araaraati, Mininna Ashikenaazi gashshaano, bala tugganno gede kullensa; gaadaannuwano doorre. Kanchafaru gede kiiro bati'rino farado haadhine abbe.

ERMIYAASI 6:4

Mootoollano, «Yerusaalame qasate qixxaabbe! Barru taalo bala tungeemmona ka'e! Keeshshanke gara di"ikkitino; yanna hawarritanni no; arrishshono e'araati.

HIZIQEELI 38:17

Yanna iillituro, manni'ya Israeelete aana bala tuge horrannoha mitto kayiseemmo gede soqqamaano'ya Israeelete himanaano widoonni qole, seeda yannara albaanni himannanni gede assummohe manchi ateeti. Ani Mootichu Kaaliiqi konne coye coyi'roommo› yiino yite kulisi» yee hajajie.

HIZIQEELI 38:7

« ‹Kunni daafira, atino qixxaawi; olantokki baala qixxaabbanno gede hajaji.

MIKIYAASI 3:5

Kaphu himanaano hasidhinore afidhannoha ikkiro, «Keeru dirranno'ne» yitanni dudubbanno. Hasidhinore afi'ra hoogganno woyite kayinni, «Dartu danno'ne» yitanni manna so'risiissanno. Kaaliiqi hatto assitanno himanaano,

HAGE 2:7

gashshoote baala galcheemmo; jironsa baalantano kawiira dagganno gede asseenna, Qullaawa Mine jiro wo'mitanno.

ZAKKAARIYAASI 14:2

Yerusaalame qassanno gede daga gamba asse abbeemmo; katama amaddanno; minna soqqanno; meentono amadde shollishshanno; mannu giddonni daratu qafadame ha'ranno; gatinohu kayinni katamunni difulanno» yaanno.

ZAKKAARIYAASI 14:3

Hakkunni gedensaanni, Kaaliiqi sa'u yannara assinte gede, hattenne daga qasara ka"anno.