IYUEELI 3:8 - Qullaawa Maxaafa

⁸ Ooso'nenna seenne'ne sayise Yihudu mannira eemmo. Insano xeertote noorira Saabaawootaho hirtannonsa. Konne coye coyi'roommohu ani Kaaliiqaati.

IYUEELI 3:8 ပူးပေါင်းရင်းမြစ်များ

IYYOOBI 1:15

Saabaawootu hedeweelcho bala tugge, saada adhite hadhino. Soqqamaanokki baalanta shite guddino. Ani calli'ya gate fule kulammohera dayommo» yiisi.

FAARSO 72:10

Terseesinna giddichuwate mootoolla giwire abbitosi; Arabetenna Saaba mootoolla afansha haadhe daggosi.

ISAYAASI 60:14

Gadadissannoheri ooso atewa dagganno yannara, umo heeshshi yite ayirrissannohe. Mishshinoheri baalu lekkakki hunda guluphitanno; ateno, ‹Israeelete Qullaawa ikkinohunnihu Kaaliiqi Katami Tsiyooni› yitannohe.

ERMIYAASI 30:16

«Guddanni noo'neri kayinni gooffanno; diinna'ne baala qafadantanno; mulqidhu'neri baalu mulqantanno; saantu'nere baala ani saameemo.

ERMIYAASI 6:20

Ki'ne Yihudu manna! Saaba gobbanni hixaana, fafo gobbannino su'niitanno qimame abbitinoonnie; addi addi kakkalono kakkaltinoonnie; kuni anera ma assannoe? Konne abbitinoonnie afansha baala giwoommo.

HIZIQEELI 23:42

Halallitte gobbanni koyinseenna dayino labballi mitteenni gamba yee, cancanni agino; insano meentoho angansara gume wortino. Lamentera umoho biiffino ba'latto wortinonsa.

HIZIQEELI 38:13

Saabanna Dedaani gosa, Terseesi daddalaasine ledo ate garooti. Insano, olantokki Israeeletenni adhitanno birranna culka, saadanna wole jajja beeqqitara hasidhanno» yii.

MARRO 32:30

Wolqaataamu Magani callachisha hoogoommensaro, Kaaliiqi facci asse agura hoogoommensaro, kume manna mittu manchi, tonne kume lamu manchi, hiitto asse qeelara dandaanno?

EJJEETTO 2:14

Kaaliiqi Israeelete lowo geeshsha hanqe saantannorira sayise uyinsa. Wolqansara aleenni ikkitinorira gaangaawinsa diinnara sayise hirinsa.

EJJEETTO 4:2

Kunnira Kaaliiqi Hatsoori gashshe noohura Kana"aani mootera Yaabiinira sayise hirinsa. Yaabiini olanto hajajaanchi Sisaara, Harosheti-Hagoyimi hee'ranno.

EJJEETTO 4:9

Diboorano dawarte, «Maahoyye, ha'ra ledokki ha'reemma. Ani ledokki ha'reemmaha ikkiro kayinni ayirrinyu ateha di"ikkanno. Kaaliiqi Sisaara meyate angara sayise aanno» yitusi. Hakkunni gedensaanni, Diboora Baaraaqi ledo Qedeeshi hadhu.