IYUEELI 3:7 - Qullaawa Maxaafa

⁷ Kuneeti xa hirtinoonninsa dargi baalunkunni fushshe abbeemmonsa. Insa aana assitinoonni beebba baalanta ki'ne aana daware abbeemmo.

IYUEELI 3:7 ပူးပေါင်းရင်းမြစ်များ

ASTEERI 7:10

Kunnira Haama Merdookiyoosi sutara qixxeessino dawera massine sunti. Hakkunni gedensaanni mootete hanqi qiidi.

ISAYAASI 11:12

Hatte yannara, Mootichu Israeelenna Yihudu manna baala billaallinowiinni shoolente maddenni gamba assinota egensiisate malaate uurrisanno.

ISAYAASI 49:12

Kune manni'ya xeerto gobbanni daanno; aliyyenninna galchiminni, qoleno wodiidinni Asiwaani yinanni kataminni higanno» yii.

ISAYAASI 66:6

Kaaliiqi gibbannosire qorichishanna, katamahonna Qullaawu Mini giddo raare macciishshe!

ERMIYAASI 23:8

Hatto yaa agurre, ‹Israeele aliyyenninna wole billaallisino gobbanni qole abbinonsa Kaaliiqi halaaleeti› yine xaarranni. Hakkunni gedensaanni uminsa gobbara heedhanno» yii.

ERMIYAASI 30:10

«Kunni daafira, soqqamaancho'ya Yaiqoobi, waajjitooti! Israeeli, hexxo mudhitooti! Xeertote gobbanni gatise abbeemmo'ne; ooso'neno qafadantinowiinni qoleemmonsa; waajjishannori nookkiha, keerunni heedhinanni.

ERMIYAASI 30:16

«Guddanni noo'neri kayinni gooffanno; diinna'ne baala qafadantanno; mulqidhu'neri baalu mulqantanno; saantu'nere baala ani saameemo.

ERMIYAASI 31:8

Kune aliyye gobbanni abbeemmonsa; baattote qaccennino gamba asseemmonsa. Illiweelootu, naafootu, godowinni noorinna, gamaa'manni noori baalu ledonsa higanno; lowo gosa ikkite gobbansa higganno.

ERMIYAASI 32:37

Buwanno hanqi'yanninna aari'yanni billaallisoommonsa gobba baalatenni gamba asse abbe, keere heedhanno gede asseemmonsa.

HIZIQEELI 36:24

Dagate giddonni fushsheemmo'ne; gobba baalantenni gamba asse umi'ne gobba qoleemmo'ne.

HIZIQEELI 38:8

Lowo gobbanni galagalte dagge olu yaaddo nookkiha fafisidhe keere heedhannota Israeele horratto gede, lowo diri gedensaanni hajajeemmohe. Lowo diro mullicho ona ikkite keeshshitino. Xa kayinni, mannu baalu keere hee'rannota Israeelete ilaalla horratto.

IYUEELI 3:4

«Ki'ne Xiroosi, Sidoonanna Filisxeemete ga're baala, ane aana ma"assitinara heddinoonni? Ani assoommo coyira rabbisidhinara hasidhinoonnini? Tenne heddinoonniha ikkiro, ani rahotenni balaxe rabbisi'reemmo'ne.

ZAKKAARIYAASI 9:13

Yihuda digaanu gede, Israeeleno worbichu gede asse horoonsi'reemmo. Giriikete bagadaano qasammora, Tsiyooni bagadaano bisete gede asse soyemmo.

MAATEWOOSI 7:2

Woleho yitinoonni yoo garinni Maganu ki'nerano yoo yaanno'ne. Woleho safartine uyitinanni safaraanchinni safarranni'ne.

LAYINKI TESELONQE 1:6

Maganu halaalaancho yoo yaannoha ikkinohura, qarra kalaqqino'nere qarra abbe qorichishanno.

YAIQOOBI 2:13

Maganu yoo, sao agurannokkihura saosi diagurtanno; ikkirono maaro yoo qeeltanno.

YOHAANNIS AJUUJA 13:10

Qafadamanno gede hendoonnihu qafadamanno; bagadunni reyanno gede hendoonnihu bagadunni reyanno. Hatto yaa, Maganu manni cincanna amma'na hasiissannosi yaate.

YOHAANNIS AJUUJA 16:6

Qullaawu mannitanna himanaanote mundee duntino daafira mundee hayikkisoottonsa; kuni insara malinoho» yaanna macciishshummo.

YOHAANNIS AJUUJA 19:2

Yoosi halaalaanchotenna taalote; foorresenni baatto batteessitinota, foortannota bati'ra Baabilooni qorichishino. Soqqamaanosi mundeera rabbisino» yitannota lowo huuro macciishshummo.

EJJEETTO 1:7

Hakkunni gedensaanni Adonibezeeqi, «Anguwansanna lekkuwansa qubbe murmurroonniri 70 mootoolla ani itanna giggilino giggilo xinqidhino. Xa kayinni, Maganu insa assoommo beebba anera qolinoe» yii. Insano haadhe Yerusaalame abbiteenna hakkiicho reyi.

UMI SAAMUEELI 15:33

Saamueelino, «Bagadikkinni meento ilaweeloota asittonte gede, amakkino meentu giddo ilaweelo ikkitanno» yee Agaagi Galgalaho kakkalote dargira albaanni doddoli.