IYUEELI 3:18 - Qullaawa Maxaafa

¹⁸ «Hatte yannara ilaalla baalanta, woyinete kaashshi guggushshanno. Gaarrate aanano lowo ado uyitanno saada hossanno. Yihudu baattora heedhanno lagga baalate, wayi wo'manno. Maganu Mini Qullaawu giddo buicho lolakkanno. Shixiimi Lagichano hayikkissanno.

IYUEELI 3:18 ပူးပေါင်းရင်းမြစ်များ

IYYOOBI 29:6

buuro kakkaxxanni ha'reemmo; ejedhete zayite ilaalu hundi wayi gede lolakkannoe.

FAARSO 46:4

Maganu katamira, Wo'munkura Aliidihu hee'rannowa qullaawa darga, tashshi assannohu daadanno wayi no.

FULO 3:8

Gibitsootu anganni gatisammonsara dirroommo. Gibitsetenni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'minota hala'ladonna shaqqado baatto eemmonsa.

ISAYAASI 30:25

Diini'nera goofo iillitanno yannara, jajjabba ilaallanninna gaarratenni bu'a lolakkanno'ne.

ISAYAASI 35:6

Naafichu bullichi gede kubbanno; danqichu arrawino hagiirrunni faarsanno; halallitte gobbara wayi lolahanno.

ISAYAASI 44:3

«Goodhino baattora waa eemmo; moola baattorano xashshu lolahanno gede asseemmo; oosokki aana Ayyaana'ya duneemmo; oosokki oosorano maasso lolaaseemmo.

ISAYAASI 45:8

Ki'ne gorduwa, keeraanchimma xeenu gede iiminni dirrisse! Gomichuno kikkiifona. Baattono fa'nanto; gatonna keeraanchimma lophito. Konne baala asseemmohu ani Kaaliiqaati» yii.

ISAYAASI 55:1

Kaaliiqi, «Ki'ne goodhinoonniri baalu wayinniwa amme! Woxu noo'nekkiri daggine calla hidhitine itte! Daggine mittoreno uyitinikkinni, woxiweello adonna woyinete xajje hidhe.

ISAYAASI 66:11

Amasi unuuna qane duuwe hagiidhanno qaaqqi gede, ki'neno Yerusaalamete jironni qawaaxxidhinanni.

ERMIYAASI 31:12

Galagalte higge Tsiyooni Ilaali aana, hagiirrunni faarsitanno. Ani gide, haaro woyinete xajjenna ejersu zayite, hooffille saadanna lalo aatenni maassi'reemmonsa. Waa duuwino gati gedeere ikkitanno; yaaddannori mitturino dihee'ranno.

MIKIYAASI 6:5

Manna'ya, Moaabi moote Baalaaqi maricho hedino'neronna Bioori beetti Beleaami mayee qolinosiro wodanche. Konne duuchanka qaagge. Shixiiminni ka'ine Galgala hadhini doogora ikkinore baala qaagge. Konne duuchanka qaagginiro gatisammo'nera assoommore baala wodanchitinanni» yaanno.

ZAKKAARIYAASI 14:8

Hakko barra, Yerusaalametenni haaru heeshshote wayi fule, taalootu Reyino Baari widira, taalootu Mediteraaniyu Baari widira hige lolahanno; arro hawado yiikkinni diro wo'ma lolahanni hee'ranno.

KIIRO 25:1

Israeele Shixiimi Lagichira noo yannara, manninsa Moaabi meenti ledo foori.