IYUEELI 3:17 - Qullaawa Maxaafa

¹⁷ «Israeele, ki'ne hatte yannara, ani Kaaliiqi Magano'ne ikkoommota affinanni. Qullaawu Ilaali'yara Tsiyooni hee'reemmo. Yerusaalameno qullaawa katama ikkitanno. Kunni ka'a manni gobba manni dikadannose.

IYUEELI 3:17 ပူးပေါင်းရင်းမြစ်များ

IYYOOBI 15:19

Wodanansa Maganuwiinni fafissannori manni gobba manni, Maganu uyinonsa gobbara insa ledo diheedhino.

FAARSO 76:2

Yerusaalamete Katamira Tsiyooni Ilaalira hee'ranno.

FAARSO 9:11

Tsiyooni hee'rannohura Kaaliiqira faarse; assinoreno dagate kulle;

FULO 16:12

«Israeelete manni gunguminoeta macciishshoommona, ‹Hawarro maala ittinanni; soodanno woyiteno hasidhini sagale duubbinanni; ani Magano'ne Kaaliiqa ikkoommotano affinanni yiino› yite kulinsa» yiisi.

ISAYAASI 11:9

Kaaliiqihura Qullaawu Ilaali aana gawajjannori dihee'ranno; wayi baaraho wo'mannonte gede, Kaaliiqa egennino mannino baatto wo'manno.

ISAYAASI 12:6

Ledo'ne noohu Israeelete Qullaawa, lowoha ikkino daafira, Tsiyooni heedhinanniri baalu ilillisse!» yitine faarsitinanni.

ISAYAASI 35:8

Hakkiicho, Jawa doogo heedhanno; iseno, «Qullaawa Doogooti» yinanni. Tini doogo Kaaliiqi mannira ikkitanno; keeraa'minokkihu hakkaanni hige diha'ranno; hawanyu hakkaanni hige sa"ara diuyinannisi.

ISAYAASI 4:3

Kaaliiqi dooreenna Yerusaalamete gattannore baala, qullaawa mannaati yinanninsa.

ISAYAASI 46:13

Keeraanchimma'ya abbanni noommo; barruno dixeerti'rino; gatisaanchimma'yano difaffino. Yerusaalameno gatiseemmo; Israeeleteno ayirrinye'ya uddisiiseemmo» yiino.

ISAYAASI 52:1

Tsiyooni kai! Baqqi yii! Wolqakkino uddi'ri! Qullaawa Katama Yerusaalame, ayirrado imaanakki uddi'ri! Kunni ka'a barcintinokkirinna keeraa'mitinokkiri, huxxikki giddora die'anno.

ISAYAASI 56:7

«Qullaawu Ilaali'yawa Tsiyooni haa're masse, huuccattote mini'ya giddo hagiidhitanno gede asseemmonsa; kakkalo'ya darga shiqishidhanno kakkalono adheemmonsa. Hatto asseemmohuno mine'ya: Mannu baalunkura huuccattote mineeti yinanni daafiraati» yii.

ERMIYAASI 31:23

Israeelete Magani Olantote Mootichi Kaaliiqi, «Manna'ya gobbansa qoleemmo waro Yihudahonna katammansara hee'ranno manni, ‹Kaaliiqi hee'rannohu Qullaawu Ilaali maassamo› yaanno» yii.

ERMIYAASI 31:40

Manna madaarranniwanna buluulo tunganni lagichi geeshsha, soojjaatoonni Faradu Waalchi geeshsha noowi baalu, ane Kaaliiqira qullaawa ikkanno. Yerusaalame hakkunni gedensaanni horonta didiigantanno; diba'anno» yii.

HIZIQEELI 20:40

Hatte gobbara qullaawu jawiidi ilaali'ya Israeelennihura, ki'ne Israeele baalunku magansidhinannie; anino ki'nenni hagiidheemmo. Kakkalo'ne, fila fushshaate'nenna qullaawa afansha'ne adheemmo.

HIZIQEELI 37:6

Diimmichonna maala ee, aanaho goga diweemmo'ne; giddo'ne foole wore, galagaltine lubbotenni heedhinanni gede asseemmo'ne. Hatte yannara, ani Kaaliiqa ikkoommota affinanni› yiino yite kulinsa» yiie.

HIZIQEELI 43:12

Qullaawu Mini noo dargi qullaawu ilaali'ya qoromboonniha ikka hasiissannosi. Kuni Qullaawu Minira lowo geeshsha hasiisanno seeraati» yee coyi'rie.

HIZIQEELI 44:9

«Kunni daafira, anera hajajamannokkihu barciminokki manchi, wole agarranna Israeelete manni mereero hee'rannoha ikkiro nafa, Qullaawu Mini'yara eannokki gede ani Mootichu Kaaliiqi hooloommota egensiiseemmo» yiie.

HIZIQEELI 48:35

Shoolunku ragihu katamunnihu kinchu huxxi seendilli mitteenni, 9,000 qaafooti. Kunni ka'a katamu su'mi, «Kaaliiqi Konniicho No» yinanniha ikkanno.

DAANIEELI 11:45

Mediteraaniyu Baarinna biifadu Tsiyooni Ilaali mereero jajjabba mootete dukkanna uurrisanno. Kuni baalu ikke hee'reenna isi umisi ba"anno; kaa'lannosihuno dihee'ranno» yii.

DAANIEELI 9:16

Mooticha'ya! Kunni albaanni wonqonke ikkite assoottoha dancha coye qaagge eeggatena hanqokkinna aarakki qullaawu ilaali aana noohu katamikki Yerusaalamete aaninni hooli. Ninkenna akaakkanke assitino saonni kainohunni Yerusaalamenna mannikki wole gosa oso'litannoha ikkino.

IYUEELI 2:27

Israeele, ani mereero'ne noommota, ani callu Magano'ne ikkoommotanna, ane ka'a wolu Magani nookkita, hatte yannara affinanni. Manna'ya kunni ka'a saalu diamadannonsa.

MIKIYAASI 4:7

Qarrunni dintinori mereerinni shiimu manni gatanno gede asseemmo. Tugante heedhannore jawaata manna asseemmonsa. Anino Tsiyooni Ilaali aana hattenne yannanni kayise hegerera insa moote ikkeemmo» yaanno.

NAHOOMI 1:15

Kuneeti dancha duduwo kulannohu, keereno lallawanno soqqamaanchi ilaallate aanaanni hige daanni no. Yihudu manna, bushuullu diinnakki co'o yite gooffinona, kunni ka'a gobbakki horonta dihorritanno. Kunni daafira, diru ayyaannakki hagiirrunni ayirrisi'ri. Xanokkino Kaaliiqira uyi'ri.

ZAKKAARIYAASI 8:3

Ani qullaawa katama'ya Yerusaalame galagale hige hakko hee'reemmo; ammanamino manni hee'ranno katamaati yineenna egenname hee'ranno; Mini'ya noowi Tsiyooni Ilaali, qullaawa ilaalaati yineenna egenname hee'ranno» yii.

YOHAANNIS AJUUJA 21:27

Batte ikkino coyi horontanni hakkiira dieanno; batte loosannohunna kapho coyi'rannohu horontanni hakkiira dieanno. Hakkiira e'annori su'mansa heeshshonnihura Ge'rechu maxaafira borreessinoonnireetilla.