IYUEELI 3:16 - Qullaawa Maxaafa

¹⁶ Kaaliiqi Tsiyooni Ilaalira, Yerusaalamete hee're harqanno; gordunna baatto shafantanno. Isi kayinni mannisira Israeelete, gaa'linanni qiisho ikkanno.

IYUEELI 3:16 ပူးပေါင်းရင်းမြစ်များ

FAARSO 18:2

Kaaliiqi golo'yaati; qiisho'yaatinna gatisaancho'yaati; Magani'ya maaxameemmo godaati; wonqo ikke gargarannoe; ha'leno gatisannoe; isi anera seeda shaeeti.

FAARSO 29:11

Kaaliiqi mannisira wolqa aanno; Kaaliiqi mannasi maassi're keere woranno.

LAWISHSHA 18:10

Kaaliiqi su'mi kinchu huxxaati; keeraanchu manchi hakkiira xooqe keere hee'ranno.

ISAYAASI 33:16

hattoo manchi keere hee'ranno; jawu kinchi qiisho ikkeennasi, itanno sagalenna aganno waano hoogikkinni hee'ranno.

ISAYAASI 33:21

Diininke yowolonna markaawe hadhannokkiwa, daadanno wayinna jajjabba xashshuwa gama, Kaaliiqi ayirrinyisinni ninke ledo hee'ranno.

ISAYAASI 42:13

Kaaliiqi wolqaataamu manchi gede olaho fulanno; bagadaanchu gede hanqe ka"anno; qoonqosi naggi asse alaakanno; diinasino qeelanno.

ISAYAASI 51:16

Gorduwa diriirsoommohunna baatto xintoommohu aneeti. Tsiyoonino, ‹Ati manna'yaati› yeemmo; qaale'ya afiikkira woroommo; ateno anga'ya caalinni goloommo» yii.

ERMIYAASI 16:19

Kaaliiqa, ati jawaante'yaatinna golo'yaati; ati qarru barra maaxameemmowaati. Gobba baalantenni gosa atewa shiqqe, «Akaakkankera kaphu maganna agurranna noonsari dino; misilla baalanti mittoreno dikaa'litannoreeti» yitanno.

ERMIYAASI 17:17

Qarru barra ati golo'yaatina, waajjishshootie.

HIZIQEELI 38:19

Hakka waro, hanqi'yanni Israeelete baatto qece yite huxidhannota kuleemmo.

HOOSEI 11:10

«Ani doobbiichimma ittaneemmo yannara, manni'ya Israeele hoode'ya hadhanno; galchiminni huxidhanni anewa dagganno.

AMOOTSI 1:2

Amootsi, «Kaaliiqi Tsiyooni Ilaalira hee're, ittananno doobbiichi gede ikke rooddanno. Qoonqosi Yerusaalametenni beleqqanno; allaalaasine saada hosiisidhannowi moolanno; Qermeloosi Ilaali aana noo hayisso qoortanno» yii.

AMOOTSI 3:8

Doobbiichu ittananna macciishshe, waajjannokkihu ayeti? Mootichu Kaaliiqi go'lino coye kuleennasi, himana coyi'rannokkihu nooni?

NAHOOMI 1:7

Kaaliiqi shaqqadoho, qarru yannarano mannisira dancha kaajjado maaxammanni dargaati. Isiwa eeggo e'annore baalanka agarannonsa.

HAGE 2:6

Olantote Mootichi Kaaliiqi, «Harancho yanna giddo, galagale gordonna gobba baaranna baatto shafeemmo;

HAGE 2:7

gashshoote baala galcheemmo; jironsa baalantano kawiira dagganno gede asseenna, Qullaawa Mine jiro wo'mitanno.

ZAKKAARIYAASI 10:12

Ani manna'ya dhaabbachisheemmo; insano qaali'yara hajajantanni su'ma'ya ayirrissanno. Konne coyi'roommohu ani Kaaliiqaati» yaanno.

ZAKKAARIYAASI 10:6

«Ani Yihudu manna jawaata asseemmo; Israeelete mannano gatiseemmo; marareemmonsa daafira galagalche gobbansa qoleemmonsa. Ani Kaaliiqi Maganinsa huuccattonsa macciishsheemmo daafira, kunni albaanni horonta agure egennoommonsakkiri gedeere ikkitanno.

ZAKKAARIYAASI 9:12

Qafadantine heedhinoonniri hexxote annuwa! Kaajjado qiisho ikkiteenna keerunni heedhinanni gobba higge; xaa geeshsha iillino'ne qarri daafira erote ero maasso eemmo'ne.

IBIRAAWOOTA 12:26

Hatte yannara huurosi baatto shaffino. Xa kayinni, «Baatto calla ikkitukkinni, layinkimeeshsho gordono shafeemmo» yee coyi'rino.

YOHAANNIS AJUUJA 11:13

Hakko mereero baatto lowo geeshsha huxidhu. Katamunniti tonnikki anga diigantu. Baattote huxi'ranni kainohunni 7,000 manni reyi; reyotenni gatinohu lowo geeshsha waajje gordu Magano ayirrisi.

YOHAANNIS AJUUJA 11:19

Gordoho noohu Qullaawu Mini fa'nami; isihu gondooru taabootino hakkiicho leelli. Hatte yanna giddo banqo, belequ, gugatto, baattote huxi'ranna jajjabba kaade no.

YOHAANNIS AJUUJA 16:18

Belequ, banqonna gugatto fultu. Baatto jaddote garinni huxidhu. Mannu baattote aana kalaqamihunni kayise anfe egenninoonnikki garinni huxidhu.

UMI SAAMUEELI 15:29

Ayirradu Israeelete Magani dikaphanno; yiinoreno disoorranno. Yiinore soorrate isi mannu gedeeha di"ikkino» yiisi.