IYUEELI 3:13 - Qullaawa Maxaafa

¹³ Insa bunshe lowo geeshsha batidhino; kunni daafira, insa iillino gide mindannihu gede assitine midde. Kooffichoho wonshine kandanni woyine gede assitine kadde.

IYUEELI 3:13 ပူးပေါင်းရင်းမြစ်များ

KALAQAMA 13:13

Soddoomu manni kayinni lowo geeshsha bushahonna Kaaliiqi giwanno coye assannoho.

KALAQAMA 15:16

Sirchikki kawiichira galagale higannohu 400 diri gedensaanniiti; hakkeeshsha keeshshitannohuno Amooraawoota cubbinsa bati'reenna qorichishe tenne gobbanni fushshe hunammo geeshshaati» yiisi.

KALAQAMA 18:20

Kaaliiqino, «Soddoomunna Gomooru bunshenni kainohunni raaranno manni raare lowo geeshsha batidhino; cubbinsano quwa saino.

ISAYAASI 17:5

Gide gamba assine ka'neenna fano gattino qarme gede ikkitanno. Gide gamba assinihu gedensaanni fano noo Lagicha Refayimiha labbanno.

ISAYAASI 63:3

Kaaliiqi, «Daga ani calli'ya woyinete laalo gede huuncoommo; togo asseemmo woyite, dagate giddonni ane ledo noohu dino. Insa hanqi'yanni kadanna, aari'yanni ceellaganna, mundeensa kaatte uddano'ya huntino.

ERMIYAASI 51:33

Israeelete Magani Olantote Mootichi Kaaliiqi, «Ayiddummete aana gannanni gide, mannunna saada kakkaddannohu gede, Baabiloonino diinu hatto asse sibbiiqanno. Gannanni gidi gede, gamba assinannisi barri rahe daanno.

ERMIYAASI QURTO 1:15

Kaaliiqi wolqaataamma gaaddo'ya oso'lino; wedella'ya guddanno olanto soyino; manna'ya daankoonni gidi gede asse maniissino.

HOOSEI 6:11

«Ki'ne Yihudu manna! Wixidhinoonniha mixxitinanni yanna dagganni no.

MAATEWOOSI 13:39

Santaata wixinohu baarigaaru Sheexaaneho. Gide murrannihu alamete goofimarchiraati; murtannori Maganu sokkaasineeti.

MAARQOOSI 4:29

Gidu laale iillanni hee'reennanni, manchu haanto haa're midanno» yii.

MARRO 16:9

«Gide'ne gamba assidhinanni barrinni kayissine 7 higgine 7 barra kiirre.

YOHAANNIS AJUUJA 14:14

Hakkunni gedensaanni laeemmo woyite, waajjo gomicho afummo. Gomichu aana manchi beetto lawannohu ofolle no; umoho culku worraaqa wodhino; iibbitino haanto haa're no.

YOHAANNIS AJUUJA 19:15

Gosa ganannoti iibbitino bise afiisinni fultanno; isi siwiilu siqqonni gashshannonsa. Wo'manka Dandaanno Maganiha kaajjado hanqo leellishannoha, woyinete xajje huuncinanni koofficho kadanno.