IYUEELI 2:5 - Qullaawa Maxaafa

⁵ Ilaalu aana faradi gaarete hirbi gede, galawa ittanno giira gugeette gedenna, jawaate olaho qixxaawino manni gede qoqqobbissanno.

IYUEELI 2:5 ပူးပေါင်းရင်းမြစ်များ

IYYOOBI 39:20

Kanchafaru gede kukkubbanni furrisatenni, manna masisanno gede assattohu ateetini?

FULO 5:12

Mannuno cide hasi'ranni Gibitsete gobba baala tuqi.

ISAYAASI 30:30

Kaaliiqi mannu baalu ayirrado huurosi macciishshanno gede assanno; wolqaataamu qorichisi buwanno hanqinna ittanno giira, wishote, baradatenna kaadete ledo dirranno gede assanno.

ISAYAASI 5:24

Israeelete qullaawa ikkinohu Olantote Mootichi Kaaliiqi uyino seeranna rosiisino woga shotissinohura, giira ittanno galawinna moola hayisso gede insahuno hundinsanna rumushshinsa fugude ba"anno; daraaronsano bukote gede ikkite ba'anno.

ERMIYAASI 50:42

Insa digaananna urde amaxxitinoreeti; kaajjaddahonna marartannokkireeti; faradinsa hirbi dambalu gedeeho. Baabilooni, kune insa ate qassara dagganni no.

MAATEWOOSI 3:12

Isi woowansinanni woowancho anga haa're no. Hatte woowanchonni ayiddummesi co'o asse fee, qamade gamba asse qaldaho woranno. Kura kayinni xo'annokki giirara tuganno» yiinsa.

YOHAANNIS AJUUJA 9:9

Gagasinsara, siwiilu uddano labbannoti gagasu uddano noonsa. Qoolinsa giddonni fulanno luuli, lowo faradinna faradi gaare olunniwa hadhanna macciishshinannihu gedeeho.