IYUEELI 2:31 - Qullaawa Maxaafa

³¹ Jawunna waajjishannohu Kaaliiqi barri dayikkinni, arrishsho tunsitanno; aganuno mundeete soorramanno.

IYUEELI 2:31 ပူးပေါင်းရင်းမြစ်များ

ERMIYAASI 4:28

Ani Kaaliiqi coyi'roommo; hedoommo coyeno disoorreemmo; kunninni kainohunni baatto wi'litanno; gorduno tunsicho ikkanno. Ani murci'roommo daafira horonta hedo'ya disoorreemmo» yii.

HIZIQEELI 32:7

Ani ate huneemmo yannara gordo diweemmo; beeddaheno tunsiiseemmo. Arrishsho gomichu giddo maaxantanno; aganuno dixawanno.

IYUEELI 2:1

Kaaliiqi barri dayinona, barruno gambisinona, Tsiyooni Ilaali aana xurumba ufuuffe! Qullaawu Ilaali'ya aana raarre! Kaaliiqi barri dayinona, baattote aana heedhannori baalu huxidho!

IYUEELI 2:10

Baatto albansaanni shafantanno; gorduno huxi'ranno; arrishshonna aganu tunsanno; beeddaheno xo'anno.

IYUEELI 2:11

Kaaliiqino olantosira belequnni hajajo uyino; olantosino batinyete. Yiinore wonshannohu isi wolqaataamohona, Kaaliiqi barrino lowo geeshsha waajjishannohona, ayi dandaannosi?

IYUEELI 2:2

Hakku barri tunsichunna limixete barraati; gomichunna dhi'mote tunsichi barraati. Lowotinna jawaata bagadaano, soodimari tunsichi gede ikkite ilaalla guggushshitanno. Bi're hundinni kayise hattoo coyi ikke diegennino; hakkunni gedensaannino dihee'ranno.

IYUEELI 3:1

«Hatte yannara, Yihudunnitanna Yerusaalamete qafado qoleemmo.

IYUEELI 3:15

Hakko barra arrishshonna aganu tunsanno; beeddaheno xo'anno.

ZAKKAARIYAASI 14:6

Hakka waro, qorrunna kaade horontanni diheedhanno.

MILKIYAASI 4:1

Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.

MILKIYAASI 4:5

«Kune jawunna waajjishannohu yoo'ya barri daara albaanni himanaancho Eeliyaasi ki'newa soyemmo'ne.

MAATEWOOSI 24:29

Yesuusi lede, «Hattenne qarru barrubba gedensaanni hakkawoyintenni, arrishsho tunsitanno; aganuno dixawanno. Beeddahe gordunni giggiltanno; gordu wolqubbano shafantanno.

MAATEWOOSI 27:45

Barra lee saatenni kayise honse saate geeshsha baatto baala tunsitu.

LUQAASI 21:25

Yesuusi lede, «Arrishshote, aganunna beeddahete aana maala'linanni malaati leellanno; baattote aana noo manni baalu, baarunna dambalu luulinni kainohunni waajje gara hawanno.

SOQQAMAASINETE LOOSO 2:20

Jawunna dhaggennihu Mootichu barri daara albaanni, arrishsho tunsitanno; aganu mundeete soorramanno.

YOHAANNIS AJUUJA 8:12

Shoolki sokkaasinchino xurumba ufuufi. Arrishsho sayikki anga, aganu sayikki anga, beeddaheno sayikki anga ganantu. Kunnira, insatino sayikki anga tunsitu. Kunni garinni barru giddonni sayikki anga, hashshuno sayikki anga tunsi.