IYUEELI 2:27 - Qullaawa Maxaafa

²⁷ Israeele, ani mereero'ne noommota, ani callu Magano'ne ikkoommotanna, ane ka'a wolu Magani nookkita, hatte yannara affinanni. Manna'ya kunni ka'a saalu diamadannonsa.

IYUEELI 2:27 ပူးပေါင်းရင်းမြစ်များ

FAARSO 46:5

Kaaliiqi mereerosi noo daafira katamu dishafamanno; Kaaliiqi konne katama soodo balaxe kaa'lanno.

FAARSO 68:18

Kaaliiqi Maganu qafadonna haxawarrootu uyitino afanshi nafa gatikkinni adhe, hee'rannowa iimira ha'ri.

LAWISHSHA 1:23

Seejjo'ya macciishshe; dancha amaale'ya fane agureemma'ne; egenno'yano beeheemma'nena.

ISAYAASI 12:6

Ledo'ne noohu Israeelete Qullaawa, lowoha ikkino daafira, Tsiyooni heedhinanniri baalu ilillisse!» yitine faarsitinanni.

ISAYAASI 44:3

«Goodhino baattora waa eemmo; moola baattorano xashshu lolahanno gede asseemmo; oosokki aana Ayyaana'ya duneemmo; oosokki oosorano maasso lolaaseemmo.

ISAYAASI 44:8

Ki'ne waajjitinoonte; bi're hundinni kayise balaxe dikuloommo'ne? Hanni ane gedeehu ayeti? Ki'ne anera naqaashshe'yaati; ane agurranna wolu Magani nooni? Ane ka'a golo ikkannohu nooni?» yii.

ISAYAASI 45:18

Gorduwa kalaqinohu Kaaliiqaati; baatto seekke kalaqinohunna xintinohu isooti; kalaqinosehu fano heedhara ikkikkinni, mannu hee'ranno gedeeti. Isino, «Ani Kaaliiqaati; ane agurranna wolu Magani dino.

ISAYAASI 45:5

«Ani Kaaliiqaati; ane agurranna wolu magani dino; ati ane egenna hoogittoro nafa wolqa eemmohe.

ISAYAASI 45:6

Hatto asseemmohuno, soojjaatinni galchimi geeshsha noo gosa, ani callu Kaaliiqa ikkoommotanna, ane agurranna wolu nookkita affanno gedeeti.

ISAYAASI 46:9

Bi're hundinni kayise ikkino coye qaagge; ani callu Maganoho; ane agurranna wolu magani dino; ane gedeeha wole dianfanni.

ISAYAASI 49:23

Mootoolla annuwa ikkite lossitannonsa; mootete meentino amate gede awuutannonsa. Aterano borojju gede umo heeshshi yee kumbuule, lekkakki buko laaxanno; kunninni ani Kaaliiqa ikkoommota afatta; ane hexxitannori disaalfattanno» yii.

ISAYAASI 53:6

Ninke wo'munku ge'reewu gede billaalline ba'noommo; baalunku umi uminke doogo hinge ha'noommo; Kaaliiqi kayinni ninke sao isi aana worino.

HIZIQEELI 37:6

Diimmichonna maala ee, aanaho goga diweemmo'ne; giddo'ne foole wore, galagaltine lubbotenni heedhinanni gede asseemmo'ne. Hatte yannara, ani Kaaliiqa ikkoommota affinanni› yiino yite kulinsa» yiie.

HIZIQEELI 39:22

Israeeleno hatte yannanni kayisse, ani Kaaliiqi Maganonsa ikkoommota affanno.

HIZIQEELI 39:28

Dagate giddora qafadante hadhanno gede assummonsaro nafa, mittuno gatikkinni galagalche gobbansa qoleemmonsa. Kunninni, ani Kaaliiqi Maganonsa ikkoommota manni'ya afanno.

HIZIQEELI 39:29

Ayyaana'ya Israeelete manni aana duneemmo; layinkimeeshsho alba digo'leemmonsa. Ani Mootichu Kaaliiqi konne coye coyi'roommo» yii.

IYUEELI 2:26

Duubbina geeshsha ittinannita, lowo sagale afidhinanni. Lowoha dhaggete coye assoommo'neha, ane Kaaliiqa Magano'ne galaxxitinanni. Manna'ya kunni ka'a saalu diamadanno.

IYUEELI 3:17

«Israeele, ki'ne hatte yannara, ani Kaaliiqi Magano'ne ikkoommota affinanni. Qullaawu Ilaali'yara Tsiyooni hee'reemmo. Yerusaalameno qullaawa katama ikkitanno. Kunni ka'a manni gobba manni dikadannose.

SOFFOONIYAASI 3:11

Boonaleeyyenna naaxxaleeyye mereeri'nenni hooleemmo. Hatte yannara ane aana assitinoonni saora disaalfattinanni. Hakkunni gedensaanni Qullaawu Ilaali'ya aana anera gara digibbinannie.

SOFFOONIYAASI 3:17

Maganikki Kaaliiqi ate ledo no; Wolqasinni qeelle haraqi'risiisannohe. Isino atenni hagiidhanno; baxillisinni heeshshokki haaroonse fooliishshiishannohe. Mannu ayyaanu barra hagiidhannonte gede, isino atenni hagiidhanno» yitannohe.

ZAKKAARIYAASI 2:9

Qoleno, «Kaaliiqi umisi ki'ne qasanno'ne; soqqamanno'ne mannino daware ki'ne mulqi'ranno» yii. Kuni duuchu ikkanno woyite, ane soyinoehu Olantote Mooticha Kaaliiqa ikkinota mannu baalu afanno.

KIIRO 11:29

Museno daware, «Anera qarranteeti? Kaaliiqi mannu baalunkura Ayyaana ee himana coyi'ranno gede assoommero hagiidheemmo gara afootto?» yiisi.

KIIRO 23:21

Israeelete manni aana, bunshenna qarra diafoommo. Kaaliiqi Maganinsa ledonsa no; isi mootensaati.

LAYINKI QORONTOOSI 6:16

Maganunnihu Qullaawu Mini kaphu magani ledo mayi lase afi'rino? Ninke heeshshote Magani hee'ranno Mine Qullaawaho. Maganuno, «Insa giddo hee'reemmo; mereeronsa ha'rameemmo. Ani Maganonsa ikkeemmo; insano gosa'ya ikkitanno» yiino.

MARRO 23:14

Magani'ne Kaaliiqi agara'neranna diina'ne anga'nera sayise aara qachi'nera ha'ramanno daafira, qacha'ne Kaaliiqi ledo xaadira injaanno gede keereense. Kaaliiqi agure ha'ranno'ne gede assannoha busha coye assitinoonte.

UMI PHEEXIROOSI 2:6

Qullaawa Borro giddo, «Kune dooraminohanna ayirrado dhaawate kincho Tsiyooni woreemmo. Iso ammaninohu disaalfatanno» yine borreessinoonni.

YOHAANNIS AJUUJA 21:3

Ayirradu barcimiwiinni, «Kune, Maganu hee'rannowi mannu mereero no! Maganu insa ledo hee'ranno; insano mannasi ikkitanno. Maganu umisi ledonsa hee'ranno; Maganonsano ikkanno.