IYUEELI 2:26 - Qullaawa Maxaafa

²⁶ Duubbina geeshsha ittinannita, lowo sagale afidhinanni. Lowoha dhaggete coye assoommo'neha, ane Kaaliiqa Magano'ne galaxxitinanni. Manna'ya kunni ka'a saalu diamadanno.

IYUEELI 2:26 ပူးပေါင်းရင်းမြစ်များ

KALAQAMA 33:11

Kunnira, eeggatena konne shiqishoommohe afansha adhie; Maganu shaqqillisinni hasiisannoere baala uyinoena» yii. Yaiqoobi duu're huucci'rino daafira, Eesawu afanshasi adhi.

NEHIMIYA 9:25

Mannikki qiinshoonni katamma, shaqqado baatto, jirote wo'mitino minna, umantinota wayi bu'a, ejersu zayitenna woleno laalannohanna woyinete haqqe baala amadino. Itte duubbe maqayeno du'mitino; shaqqillikkinni oottonsahu danchu coyi baalunni hagiidhitino.

FAARSO 103:5

Lubbo'ya danchu coyinni duushsheenna, wolqa'ya allamurchunnite gede haaroo'mitanno.

FAARSO 116:7

Kaaliiqi danchare assinohe daafira, lubbo'ya, xaanni fooliishshi'ri!

FAARSO 13:6

Assinoe danchummara, Kaaliiqira faarsi'reemmo.

FAARSO 22:26

Buxane duubba geeshsha ittanno; Kaaliiqa hasidhannori galattannosi; insa, heeshshonsa diri baalunkunni qawaaxxidhe heedho!

FAARSO 37:19

Bushu diri dayenna disaalfattanno; hudete yannarano ikkitanno geeshshi sagale afidhanno.

FAARSO 67:5

Magano! Ate gosa galattohe; daga baala galattohe.

FAARSO 72:18

Callisi dhagge assannohu, Israeelete Magani Kaaliiqi galatamo.

LAWISHSHA 13:25

Keeraanchu duuwa geeshsha itanno; bushu kayinni hudi'ranni hee'ranno.

FAARSO ROORE FAARSO 5:1

Ayirrado rodoo'ya, idayicho'ya, kuneeti kaashshi'ya dargira eoommo; kaarbe'yanna shitto'ya daraaro xinqi'roommo; malawi'ya leo qasonte ledo itoommo; woyinete xajje'yanna ado'ya agoommo. Ki'ne baxillaasine, baxillunni kassi yitina geeshsha itte, agge.

ISAYAASI 25:1

Kaaliiqa, ati Magano'yaatina, ayirrisi'reemmohe; galatano uyi'reemmohe. Co'o yitino ammanamakkinni, bi're albanni hedoottoha, dhaggete looso loosootto.

ISAYAASI 29:22

Kunnira Abirihaami qarrunni gatisinohu Kaaliiqi Israeelete mannira, «Manna'ya! Kunni ka'a shollinyunna saalu diamadanno'ne.

ISAYAASI 45:17

Ki'ne Israeele kayinni hegere gatisaanchimma Kaaliiqi aanno'netenni gattinanni; hegerera saalunna shollinyu diamadanno'ne.

ISAYAASI 49:23

Mootoolla annuwa ikkite lossitannonsa; mootete meentino amate gede awuutannonsa. Aterano borojju gede umo heeshshi yee kumbuule, lekkakki buko laaxanno; kunninni ani Kaaliiqa ikkoommota afatta; ane hexxitannori disaalfattanno» yii.

ISAYAASI 54:4

«Saalu diamadannohena waajjitooti; dishollattana saalfattooti. Anjekki shollinyeno hawatta; kunni ka'a gunnittete gede minshannahe hee'ritta yanna diqaagatta.

ISAYAASI 55:2

Kaa'litannori nookki sagalera woxe mayira fushshidhinanni? Duushshitannokki sagalera mayira daafurtinanni? Ani yeemmota macciishshitinoommero, woyyitino sagale afidhine hagiidhitinanni.

LEEWAAWOOTA 25:19

Baatto gumase uyitanno'ne; duubbine ittinanni; hakkiichono keerunni heedhinanni.

LEEWAAWOOTA 26:26

Ittinannire hoogginanni gede asseemmo'ne yannara, 10 meenti 1 mixashshora raisi'ranno; sagaleno keenaasinchunni keentine ittinanni; ikkeennano diduubbinanni.

LEEWAAWOOTA 26:5

Gide ga'nitinanni heedhineennanni, woyinete laalo gudhitinanni yanna iillitanno; woyinete laalono gudhitinanni heedhineennanni, gide gamba assidhinanni yanna iillitanno; sagale duubbina geeshsha ittinanni; baatto'ne aana harshammi yitine heedhinanni.

MIKIYAASI 6:14

Ittinannillana, diduubbinanni; hudeno ki'newiinni diho'litanno. Lowo coye gamba assidhinanni; ikkollana kassi diyitinanni. Gamba assidhinoonni jiro heedhurono olunni huneemmo.

SOFFOONIYAASI 3:11

Boonaleeyyenna naaxxaleeyye mereeri'nenni hooleemmo. Hatte yannara ane aana assitinoonni saora disaalfattinanni. Hakkunni gedensaanni Qullaawu Ilaali'ya aana anera gara digibbinannie.

ZAKKAARIYAASI 9:15

Olantote Mootichi Kaaliiqi mannisira gargaraancho ikkanno; insano diinnansa corqaayyete worroonni kinnanni guddanno. Kakkalote mundee kakkalote darga dunnannihu gede, diininsa mundee ga'nite dimbinohu gede ikkite alaakkanno.

ZAKKAARIYAASI 9:17

Mannu gobbate danchummanna biinfille maala'lanno; aju manni tenne dancha gobba sagalenninna, haaro woyinete xajjenni kaajje lophanno.

ROOMU SOKKA 10:11

Qullaawu Maxaafira, «Iso hexxannohu baalu disaalfatanno» yine borreessinoonni.

ROOMU SOKKA 5:5

Uyinoonninkehu Qullaawu Ayyaani widoonni Maganu baxilli wodaninkera wo'minohura, hexxo di"irraawissannonke.

ROOMU SOKKA 9:33

Kunino, «Kuneeti Tsiyooni kincho woreemmo. Kuni kinchi, manna gufi'ranno gede assanno; manna gane karanno. Ikkollana iso amma'nannohu disaalfatanno» yine borreessinoonni gedeeti.

MARRO 11:15

Saada'ne ittanno hayisso xawoho afidhanno. Ki'nerano ittine duubbinanni geeshshi sagale aanno'ne.

MARRO 12:12

Hakkiicho ki'ne, ooso'ne, soqqamaano'ne, hattono katamma'nera heedhannori uminsa baatto afidhinokki Leewaawooti ledo mitteenni hagiidhe.

MARRO 12:18

Magani'ne Kaaliiqi doodhanno darga ki'ne, ooso'ne, soqqamaano'ne, katamma'nera heedhanno Leewaawooti ledo Magani'ne Kaaliiqi albaanni ittinanni. Anga'nenni loossinoonni loosi baalunkunni Magani'ne Kaaliiqi albaanni hagiidhitinanni.

MARRO 12:7

Hakkiicho Magani'ne Kaaliiqi albaanni ittinanni hagiidhitinanni. Magani'ne Kaaliiqi assidhinoonnihu baalunkunni maassi'ranno'ne daafira, ki'nenna mini'ne manni baalunku hagiidhitinanni.

MARRO 8:10

«Ittine duubbinanni yannara, tenne shaqqado baatto uyino'neha Magano'ne Kaaliiqa galatte.

UMI XIMOOTEWOOSI 6:17

Tenne gobba dureeyye naaxxa woy hawaqi'nannikki coye hexxa agurte, ninke hagiirsiisate yee baalanka coye halashshe aannonke Magano hexxitanno gede hajajinsa.

UMI YOHAANNISI 2:28

Ooso! Xaate kunni ka'a isi daanno yannara komo yinummokkinni albisira addaxxine shinqeemmo gede, isinni heedhe.