IYUEELI 2:22 - Qullaawa Maxaafa

²² Ki'ne uullate aani saadano waajjitinoonte; hossinanni qanchuwano lattino. Haqqeno laaltino; balasenna woyinete laalono lowo geeshsha hala'litino.

IYUEELI 2:22 ပူးပေါင်းရင်းမြစ်များ

KALAQAMA 4:12

Baatto loosi'ratto yannara mitto laalchono diuyitannohe; baattote aana tultaawanna raataawattoha ikkatto» yiisi.

FAARSO 36:6

Keeraanchimmakki jajjabba ilaalla geeshshite; yookkino baaru diime gedeete; Kaaliiqa, ati mannanna saada towatatto.

FAARSO 65:12

Halalla saada wo'mitanno; gaarrano hagiirre uddanote gede uddidhanno.

FAARSO 65:13

Xawu, lowo saada hossannowa ikkanno; laggate gidu wo'manno; baalunku hagiirrunni ilillisanni faarsanno.

FAARSO 67:6

Maganu maassi'rannonke daafira, baatto gide laashshitanno.

ISAYAASI 51:3

«Ani Yerusaalame diggi asseemmose; diigammeseno lae marareemmose. Halallimmase Edenete gedeeta, moolleseno Gannatete gedeeta asseemmo; hagiirrenna qawaaxxo eemmose; giddose galatu faarso macciishshinanni.

HIZIQEELI 36:30

Haqqe'ne laalonna gati'ne gidi bati'ranno gede asseemmo. Hakkunni gedensaanni dagate mereero hudete shollinyi diamaddanno'ne.

HIZIQEELI 36:35

Laihu baalu, ‹Mullicho ona ikkite nooti tini baatto, hiitto ikkite Edeni Gennete labbu! Alba ba'inoti, diigantinotinna mulla darga ikkitino katamma, xa hiitto ikkite qiishonnitanna mannu hee'rannota ikka dandiitu?› yaanno.

HIZIQEELI 36:8

Ki'ne Israeelete ilaallara yeemmohu konneeti. Aana'ne heedhanno haqqe baala galagalte lattanno; gumano uyitanno. Israeeleno rahotenni gobbansa higganno.

YOONAASI 4:11

Bushanna dancha bade afinokkihu 120,000 manninna lowo saada heedhannoha, konne jawa Nennewe katama ani dimarareemmo?» yii.

HAGE 2:16

200 kiilo gide afi'rate gide duunnanniwa martinoonni; kayinnilla, afidhinoonni gidi 100 kiilo calla ikkino; 100 litire woyinete xajje afi'rate hasidhine, woyine huuncinanniwa martinoonni; kayinnilla afidhinoonniti woyinete xajje 40 litire calla ikkitino.

ZAKKAARIYAASI 8:12

Gidensa keerunni wixidhanno; woyinensano lowo laalo amaddanno; lowo xeeni hee'ranno daafira, baatto lowo gide uyitanno; gatino manni'yara konne baala atoote eemmonsa.

UMI QORONTOOSI 3:7

Kunnira, loosoho umo ikkinohu, kaansoonnire lossi Maganooti ikkinnina, kaasihuno waa hayikkisihuno ku'lannori dino.