IYUEELI 2:20 - Qullaawa Maxaafa

²⁰ Aliyyenni dagganno'neta olantote biite hoole, halallittenna molo gobba widira qole shorreemmo. Albaanni nooha, Reyino Baari soojjaatihu giddo, badheenni nooha, Mediteraaniyu Baari galchimihu giddo huneemmo. Reeshshinsano hakko bowanno. Kuni duuchunku coyi ikkannohu, ki'ne aana assitino bunsheraati.

IYUEELI 2:20 ပူးပေါင်းရင်းမြစ်များ

LAYINKI MOOTOOLLA 8:13

Azaheelino, «Ani mittoreno ditidhoommoho! Hattoo coye assammora hiitto ikke dandeemmo?» yii. Elsaino daware, «Ati Sooriyu moote ikkattota Kaaliiqi leellishinoe» yiisi.

FAARSO 126:3

Kaaliiqi jajjabba coye assinonke; lowo geeshshano tashshi yiinonke.

FULO 10:19

Kaaliiqino kanchafare fiite haadhe hadhe Duumu Baari giddo huntannota kaajjado galchimi bubbe kayisi; Gibitsete baattora mittu kanchafarchi nafa digatino.

FULO 8:14

Gibitsootuno beche'naama baalanta gamba assite base basete duuntu; bowanyeno gobba wo'mitu.

ISAYAASI 34:3

Reeshshinsa base baalate uwe, bowannota ikkinnina dimadaaramanno; ilaallano mundee calla ikkitanno.

HIZIQEELI 47:18

«Soojjaati danni Demaasiqotenna Hawuraani gashshooti mereero noohunni mittu darginni kae, galchimaanni Israeele, soojjaatoonni Geleaadi nooha Yordaanoosi danna assi're, Reyote Baari mule noohuwa Taamaari Katami geeshsha iillanno.

AMOOTSI 4:10

«Gibitsete gobbara soommohu gedee qoomama soommo'ne; wedella'ne bise shitanno gede, faradi'neno qafadamanno gede assoommo. Nafara'ne reyino manni reeshshi boshshino. Ki'ne kayinni gaabbitine, galagaltine anewa dihigginoonni. Konne coye coyi'roommohu ani Kaaliiqaati.

ZAKKAARIYAASI 14:8

Hakko barra, Yerusaalametenni haaru heeshshote wayi fule, taalootu Reyino Baari widira, taalootu Mediteraaniyu Baari widira hige lolahanno; arro hawado yiikkinni diro wo'ma lolahanni hee'ranno.

MILKIYAASI 3:11

Gidi'ne aaninni sixa hooleemmo. Woyine'ne laalo dixe'anno. Konne coye coyi'roommohu ani Olantote Mootichi Kaaliiqaati.

MARRO 11:24

Lekka'nenni kaddinanni dargi baalunku ki'neha ikkanno. Gashshooti'neno wodiidoonni halallitte baatto, aliyyeenni Libaanoosi Ilaali, soojjaatoonni Efiraaxisi Wayi, galchimaanni Mediteraaniyu Baari geeshsha iillanno.