IYUEELI 2:19 - Qullaawa Maxaafa

¹⁹ Kunni daafira Maganu, «Kuneeti gide, haaro woyinete xajjenna ejersu zayite, duubbina geeshsha eemmo'ne. Kunni ka'a daga arrassitanno gede diasseemmo'ne.

IYUEELI 2:19 ပူးပေါင်းရင်းမြစ်များ

ERMIYAASI 31:12

Galagalte higge Tsiyooni Ilaali aana, hagiirrunni faarsitanno. Ani gide, haaro woyinete xajjenna ejersu zayite, hooffille saadanna lalo aatenni maassi'reemmonsa. Waa duuwino gati gedeere ikkitanno; yaaddannori mitturino dihee'ranno.

HIZIQEELI 34:29

Shaqqado loosidhanno darga eemmonsa; baattonsa aaninnino hude huneemmo; hakkunni gedensaanni, wole daga diqacifattannonsa.

HIZIQEELI 36:15

Ki'ne kunni ka'a dagate haariimo di"ikkitinanni; baatto'neno manna guddannota di"ikkitanno. Ani Mootichu Kaaliiqi konne coye coyi'roommo» yii.

HIZIQEELI 36:29

Batteessanno'ne coyi baaluwiinni gatiseemmo'ne; kunni ka'a hudidhinannikki gede gide halashsheemmo'ne.

HIZIQEELI 36:30

Haqqe'ne laalonna gati'ne gidi bati'ranno gede asseemmo. Hakkunni gedensaanni dagate mereero hudete shollinyi diamaddanno'ne.

HIZIQEELI 39:29

Ayyaana'ya Israeelete manni aana duneemmo; layinkimeeshsho alba digo'leemmonsa. Ani Mootichu Kaaliiqi konne coye coyi'roommo» yii.

HOOSEI 2:15

Albiha woyinete kaashsho qoleemmose. Qarru Lagichino Hexxote Waalcho ikkannose gede asseemmo. Hakkiichono Gibitsete gobbanni fultu waro seennimmate yannara baxxue garinni qolte baxxannoe.

HOOSEI 2:21

Hatte yannara manni'ya Israeelete huuccatto macciishsheemmo; xeenano baattote dirranno gede asseemmo; baattono gide, woyinennitanna ejersu laalo aatenni, Iyiziraeelira dawaro qoltanno.

IYUEELI 1:10

Gatu mullicho ikkino. Gidu baino. Woyinete kaashshi moolino. Zayitete ejedheno qoortino; kunni daafira baatto wi'litanno.

IYUEELI 2:24

Ayiddummete gidu wo'manno; haaro woyinete xajjenna ejersu zayite, huuncinanni kooffichuwara wo'mite lolakkanno.

LEEWAAWOOTA 26:5

Gide ga'nitinanni heedhineennanni, woyinete laalo gudhitinanni yanna iillitanno; woyinete laalono gudhitinanni heedhineennanni, gide gamba assidhinanni yanna iillitanno; sagale duubbina geeshsha ittinanni; baatto'ne aana harshammi yitine heedhinanni.

ZAKKAARIYAASI 8:12

Gidensa keerunni wixidhanno; woyinensano lowo laalo amaddanno; lowo xeeni hee'ranno daafira, baatto lowo gide uyitanno; gatino manni'yara konne baala atoote eemmonsa.

MAATEWOOSI 6:33

Ki'ne kayinni balaxxine Maganu Gashshootenna keeraanchimmasi hasidhe; hakkuyi ka'ire baala lendanni'nena.

MARRO 11:14

gide, haaro woyinenna zayite gamba assidhinanni gede badheessinna hawadi xeena baatto'nera yanna yannasira aanno'ne.

RUUTI 1:6

Naoomi Moaabi gobbara heedhe Kaaliiqi Israeelete manna towatinotanna lowo jajja uyinonsata macciishshitu. Kunnira, lamente oosose seenni ledo Moaabi agurte Israeelete gobba hadhara ka'u.