IYUEELI 2:16 - Qullaawa Maxaafa

¹⁶ Mannano xaadoho woshshe; mannano gamba asse. Qullaawu xaadira manna qixxeesse; geerrano xaadisse. Oosonna qaaqquulle gamba asse; haarote adhinohunna adhantinoti holginni fulto.

IYUEELI 2:16 ပူးပေါင်းရင်းမြစ်များ

LAYINKI DUDUWO 20:13

Hatte yannara, Yihudu manni baalu meentinsa, oosonsanna qaaqquullinsa ledo Qullaawu Minira albaanni uurre hee'reenna,

LAYINKI DUDUWO 29:5

«Ki'ne Leewaawootu macciishshe! Umo'ne keereensidhe; akaakka'ne Magani Kaaliiqiha Qullaawa Mineno keereense. Qullaawa Mine batteessannore baala fushshitine hunne.

LAYINKI DUDUWO 30:17

Mannu giddo lowo manni keeraa'minokkihu noo daafira, Mararrote Ayyaanira ge'reewu wilii'le gorra difajjinoonninsa. Kunnira Leewaawootu insa su'minni ge'reewu wilii'le gorrite Kaaliiqira shiqishshu.

LAYINKI DUDUWO 35:6

Fiixi'ne Israeele Kaaliiqi Muse widoonni qole uyino biddishsha wonshitanno gede umo'ne keereensitine Mararrote Ayyaanira ge'reewu gocca gorre» yii.

IYYOOBI 1:5

Jilu yanna sa'uhu gedensaanni, Iyyoobi barru barrunkunni soodo gute kae, mittu mittunku oososi su'minni shilqote kakkalo shiqishanno. Hatto assannohuno, «Miteekkite ooso'ya duubbe Kaaliiqa wodaninsanni xontinoha ikkanno» yee waajjinohura insa keereensateeti. Iyyoobi konne coye agurikkinni wo'manka woyite assanno.

FAARSO 19:5

Arrishsho holginni fultanno idayicho labbanno; hagiidhanni qolchamannoha jawaata mancho labbanno.

FULO 19:10

Kaaliiqi Musera, «Mannunniwa marte techonna ga'a keeraa'mitanno gedenna imaanansano hayishshidhanno gede kulinsa.

FULO 19:15

Qoleno, «Sayikki barrira qixxaabbe; meyatenniwano shiqqi yitinoonte» yiinsa.

FULO 19:22

Anewa shiqqanno qeese nafa, gudeemmonsakki gede insanaa keereensidhona» yiisi.

IYUEELI 1:14

Mannu itanna aga agure huucci'ranno gede lallabbe! Manna baala xaado woshshe! Geerranna gobbate manna wo'manka, Maganu Kaaliiqi Minira gamba asse. Kaaliiqi widirano raarre.

MAATEWOOSI 21:16

Yesuusa, «Kuni qaaqquullu yaannore macciishshatto?» yitu. Isi qole, «Ee, ‹Oosotenna danquullu afiira galata qixxeessootto› yaannoha horontanni dinabbabbinoonni?» yiinsa.

MAATEWOOSI 9:15

Yesuusi daware, «Seenne adhannohu ledonsa hee'reenna albisootu qatuntannoni? Adhannoha insawiinni haa'ne hoollanni yanna dagganno; hakka waro kayinni qatuntanno.

UMI QORONTOOSI 7:5

Huuccatto assi'rate yitine ma'litinoonni yannara agurranna, wole woyite mimmiti'nera qakkinoonte. Tenne yortonni umo'ne qee'la hooggineenna Sheexaanu jifanno'nekki gede galagaltine mitteenni heedhe.

IYYAASU 7:13

Ka'e manna keereensite, kawa anewa shiqanno gede assi; ga'ara qixxaawanno gede kuli. Ani Israeelete Magani Kaaliiqi yeemmore, ‹Israeele! Huntinanni gede hajajoommo'neri giddonni gamare adhitinoonni. Konne coye huna hoogginiro, diina'ne ittissinara horonta didandiitinanni› yite kulinsa.

IYYAASU 8:35

Meentu, qaaqquullunna giddonsa heedhannori manni gobba manni noowa Israeelete songora Iyyaasu Muse hajajino qaali mittuno gatikkinni nabbawi.

UMI SAAMUEELI 16:5

Saamueelino, «Ee, keerunkunnilla dayommona, Kaaliiqira kakkalo shiqishammoraati. Ki'neno umo'ne keereensidhine ane ledo kakkalonniwa amme» yiinsa. Hakkunni gedensaanni Isseyinna oososi keereense, kakkalonniwa dagganno gede koyisinsa.