IYUEELI 2:1 - Qullaawa Maxaafa

¹ Kaaliiqi barri dayinona, barruno gambisinona, Tsiyooni Ilaali aana xurumba ufuuffe! Qullaawu Ilaali'ya aana raarre! Kaaliiqi barri dayinona, baattote aana heedhannori baalu huxidho!

IYUEELI 2:1 ပူးပေါင်းရင်းမြစ်များ

UMI DUDUWO 15:28

Kunni garinni Israeelete manni baalunku buudunnihanna siwiilu xurumba ufuufanni, tsenaatsile gananni, maasinqonna bagana gananni hagiidhanninna ilillisanni Gondooru Taaboota duhe Yerusaalame abbi.

FAARSO 119:120

Ate waajjatenni kainohunni mannimma'ya huxidhino; yookkino lowo geeshsha waajjoommo.

FAARSO 87:1

Kaaliiqi katamasi, Qullaawu Ilaalira mini;

FULO 10:14

Kanchafaruno fule, Gibitsete gobba baala wo'mi; hakkeeshshi kanchafare hakkuyira albaanni anfe diegenninoonni; albillitteno hakkeeshshi kanchafare dianfanni.

ISAYAASI 13:6

Kaaliiqi barri iillino; Wo'manka Dandaannohu bao abbaraatina wi'le!

ISAYAASI 13:9

Kuneeti, cubbaataamma baala gude baatto mullicho assannohu, mararannokkihu Kaaliiqi barri, hanqonna aara uddi're daanni no.

ISAYAASI 2:12

«Ani wolqaataamoho» yee naaxxannoha baala hatte yannara Olantote Mootichi Kaaliiqi shollishanno.

ISAYAASI 66:2

Konne baala kalaqoommohu aneeti; kuni baalunku aneho. Ani kayinni umosi heeshshi assinohuwa, masanno wodana afi'rinohuwanna, qaale'ya huxi're waajjannohu widira hige laeemmo.

ISAYAASI 66:5

Ki'ne waajjitinannisirinna hajajantinannisiri, Kaaliiqi yaannore macciishshe: «Ki'ne ammanantinoonnire ikkitinoonni daafira, gamu manni'ne ki'ne giwe, ledo'ne xaadara dihasi'ranno. ‹Hagiidhitinanna la'neemmona, hanni Kaaliiqi lowimmasinni gatiso'ne› yitanni qacifattanno'ne. Ikkollana insa uminsa irraabbe gattanno.

ERMIYAASI 16:10

«Konne coye kulattonsa yannara, ‹Maganinke Kaaliiqi konne busha kaajjado coye mayira hedinke? Ma sao assinummo? Ma cubbo loonsummo?› yite xa'mitannohe.

ERMIYAASI 16:7

Shii'rinoha sheshifachishate sagale qishe abbannohu dihee'rannonsa. Annanna ama shii'rinoha nafa sheshifachishannoha dianfanni.

ERMIYAASI 4:5

Kaaliiqi, «Baatto baalate aana xurumba ufuuffe; qoonqo'ne naggi assitine raarre; Yihudunna Yerusaalamete manni, qiinshoonni katamma widira hige xooqanno gede kulle.

ERMIYAASI 5:22

Ane Kaaliiqa waajja mayira gibbini? Ane albaanni qece yaa mayira hooggini? Ani waa sae ha'rannokki gede assoommo. Wayi ayee geeshshano shafamiro, dambaluno kae luuliro, danna sa"ara didandaanno.

HIZIQEELI 12:23

Ani Mootichu Kaaliiqi kunni daafira yeemmore kulinsa; kuni maammaashshi kawiinni sa"annokki gede asseemmo. Layinkimeeshsho Israeelete gobbara tenne dimaammaankanni. Hattenne agurte, ‹Kuneeti yanna iillitino; himanu baalu wo'maraati!› yite kulinsa.

HIZIQEELI 21:12

Koo manchi beetto, tenne bise qixxeessinoonnihu, manna'yanna Israeelete albisoota guddaraatina raari. Insano gatino manni'ya ledo reyitanno; kunnira, hexxo mudhite umo ga'ni.

HIZIQEELI 30:3

Kaaliiqi loososi loosanno barri iillino! Hakku barrino daga baalate, gomichu guggushshannohanna, qarru bati'rannoha ikkanno.

HIZIQEELI 33:3

agaraanchuno diinu daanna afiro, mannu baalunku agadhanno gede xurumba ufuufanno.

HIZIQEELI 33:6

Kayinnilla, agaraanchu diinu daanna afe hee'renni qorophisiisa hoogiro, diinu daye hakkore cubbaataamma shaanno. Ani kayinni insa reyora iso xa'meemmo.

HIZIQEELI 7:10

«Israeelete aana baote barri daa rahino; barshu, haxawarrimmanna boo'na gobba wo'mitino.

HIZIQEELI 7:12

Kuneeti yanna iillitino; barruno gambisino. Qorichi'ya baalunku aana daannohura, hirannohu gaabboonke; hidhannohuno hagiidhoonke.

DAANIEELI 6:26

Gashshooti'ya giddo hee'ranno manni baalu, Daanieeli Magano waajjanno gedenna, ayirrisanno gede lallawunni hajajoommo. Maganisi heeshshonnihonna hegerera hee'rannoho; isi hegere hegerera mootete; gashshootisirano gawalo dino.

DAANIEELI 9:16

Mooticha'ya! Kunni albaanni wonqonke ikkite assoottoha dancha coye qaagge eeggatena hanqokkinna aarakki qullaawu ilaali aana noohu katamikki Yerusaalamete aaninni hooli. Ninkenna akaakkanke assitino saonni kainohunni Yerusaalamenna mannikki wole gosa oso'litannoha ikkino.

DAANIEELI 9:20

Umi'yahanna gosa'ya Israeelete cubbo aagintaawanni, Qullaawa Mine gatamaranno gede Kaaliiqa Magano'ya lede huucci'roommo.

HOOSEI 5:8

Olaho fultanno gede Gebaooni buudu xurumbi luulo, Raama siwiilu xurumbi luulo macciishshiishshe. Beetiaweeni, «Biiniyaami ga're! Ate ledo hee'noommo» yitinanni raarre.

HOOSEI 8:1

Kaaliiqi, «Manni'ya gondooro'ya diigino; hajajo'ya hunino. Kunnira, diinu manni'yara allamurchimma qoqqobbisanni noo daafira, qorophishiishshaho buudu xurumba ufuuffe!

IYUEELI 1:15

Kaaliiqi barri gambisino. Wo'munkura Aliidi Magani bao abbanno barri iillino. Hakkunni barrira aanne'e!

IYUEELI 2:11

Kaaliiqino olantosira belequnni hajajo uyino; olantosino batinyete. Yiinore wonshannohu isi wolqaataamohona, Kaaliiqi barrino lowo geeshsha waajjishannohona, ayi dandaannosi?

IYUEELI 2:15

Tsiyooni buudu xurumba ufuuffe! Gamba yine ita aga agurre, huucci'nanni gedeno lallabbe!

IYUEELI 2:31

Jawunna waajjishannohu Kaaliiqi barri dayikkinni, arrishsho tunsitanno; aganuno mundeete soorramanno.

IYUEELI 3:14

Kaaliiqi barri yoote lagichira leellanno yanna iillitino! Kunni daafira, kiiro lowo geeshsha bati'rino manni, hakkiicho gamba yee no.

IYUEELI 3:17

«Israeele, ki'ne hatte yannara, ani Kaaliiqi Magano'ne ikkoommota affinanni. Qullaawu Ilaali'yara Tsiyooni hee'reemmo. Yerusaalameno qullaawa katama ikkitanno. Kunni ka'a manni gobba manni dikadannose.

AMOOTSI 3:6

Katamu giddo, olaho kakkayisate, xurumba ufuunfanna macciishshe, waajje huxi'rannokkihu nooni? Kaaliiqi hajajikkinni qarru daannoni?

AMOOTSI 5:18

Kaaliiqi barra, hasidhinannirira ki'nera aanne'e! Hakku barri tunsichoho ikkinnina, xawaabba di"ikkinona, konne barra mayira hasidhinanni?

AMOOTSI 8:2

Kaaliiqino, «Kuni la'anni noottohu maati?» yee xa'mie. Anino, «Le'ino laalo wo'mitino gimboola la"anni noommo» yoommo. Kaaliiqi qole, «Manni'ya Israeelete goofimarchu iillino. Kunni ka'a insa qorichishummokkinni diagureemmo.

ABIDIYU 1:15

Lede, «Ani Kaaliiqi dagate yoo yeemmo barri mule no. Ki'ne Edoomi gosa, woloota assitinoonni beebba, ki'nerano iillitanno; assitinoonniri qole amadanno'ne.

SOFFOONIYAASI 1:14

Jawu Mootichu barri gambisino; daasino addintanni rakkino. Hakko barri addintanni waajjishannoho. Hakko barra bareedda nafa hexxo mudhite qoonqonsa naggi assite raartanno.

SOFFOONIYAASI 1:16

Hakko barra, qiinshoonni katammanna seeddaanna kinchu huxxuwa amaddara dagganno gaaddo olu xurumba ufuuffanni roqonsitanno.

SOFFOONIYAASI 1:7

Kaaliiqi yoo barri gambisinona, Mootichu Kaaliiqi albaanni sammi yiiyye. Kaaliiqi manna, kakkalote gorrinanni saada gede gorrara qixxaawanni no. Wosinasino kakkalote sagalera keereensino.

SOFFOONIYAASI 3:11

Boonaleeyyenna naaxxaleeyye mereeri'nenni hooleemmo. Hatte yannara ane aana assitinoonni saora disaalfattinanni. Hakkunni gedensaanni Qullaawu Ilaali'ya aana anera gara digibbinannie.

ZAKKAARIYAASI 14:1

Kaaliiqi, «Anehu yoote barri iillino; hatte yannara, diinna'ne Yerusaalame saantanno. Jajja'neno ki'ne la'inanna beeqqitanno.

ZAKKAARIYAASI 8:3

Ani qullaawa katama'ya Yerusaalame galagale hige hakko hee'reemmo; ammanamino manni hee'ranno katamaati yineenna egenname hee'ranno; Mini'ya noowi Tsiyooni Ilaali, qullaawa ilaalaati yineenna egenname hee'ranno» yii.

MILKIYAASI 4:1

Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.

KIIRO 10:2

«Manna woshshite gamba assatenna kakkayisate birra daashshine seekkinoonniha 2 xurumba qixxeessi.

KIIRO 10:3

Lamenka xurumba ufuunfanni yannara, mannu baalunku ati noottowa Qullaawu Dukkani xullicho shiqona.

UMI QORONTOOSI 14:8

Xurumba leellanno garinni ufuufa hoongiro, olaho ayi qixxaawanno?

FILIPHISIYUSI SOKKA 2:12

Kunnira, ki'ne baxillaasine'ya! Ani ledo'ne noommo yannara wo'ma woyite hajajantinanni heedhinoonni. Xa ki'newiinni fafe hee'reenna kayinni albinni roore hajajantinanni gede qaagiisseemmo'ne. Waajjatenninna huxi'ratenni gato'ne wo'ma ikkitanno gede assidhe.

UMI TESELONQE 5:2

Mootichu barri, hashshi mooraanchi gede ikke daannota ki'nenni seekkitine egentinoonni.

YAIQOOBI 5:8

Ki'neno hatto cince; Mootichu daanno yanna gamba yitino daafira kaajjitine uurre.

UMI PHEEXIROOSI 4:7

Xaate baalunku coyira goofimarchu iillino; jaattine huuccidhinanni gede geino wodani hee'ro'ne; jilbunni heedhe.

YOHAANNIS AJUUJA 6:17

Rooriidihu hanqinsa barri dayinona, gate afannohu nooni?» yitu.