IYUEELI 1:2 - Qullaawa Maxaafa

² Ki'ne geerru konne coye macciishshe! Baattote aana heedhinanniri baalunku macca'ne kawa qolle! Togoo coyi yanna'nera, woy akaakka'ne yannara ikke egenninoni?

IYUEELI 1:2 ပူးပေါင်းရင်းမြစ်များ

IYYOOBI 12:12

Egenno geerruwiinni afi'nanni; wodanchano seeda diro hee'ratenni dagganno.

IYYOOBI 15:10

Ninke annikkira nafa bayirtannorinna, awuubbino geerriwiinni egenno afi'noommo.

IYYOOBI 21:7

«Maganu busha manna mayira wore, lowo diro hee'ranno gedenna, jirotenni bati'ranno gede assi?

IYYOOBI 8:8

«Heeshshonke haranchote; ninkeno be'rooreeti; anfoommorino dino. Baattote aaninni caalu gede ikkine sa'neemmoreeti; kunni daafira, albi egenno rosi; annuwanke rossino halaaleno buuxi.

FAARSO 49:1

Ki'ne gosa baala konne coye macciishshe; baattote aana heedhinoonniri baalu wodana asse;

ISAYAASI 34:1

Ki'ne daga, amme macciishshe! Ki'ne manna, wodana asse! Baattonna aanase noori, uullanna uullate giddonni fulannori baalu macciishsho!

ISAYAASI 7:17

Israeele Yihuduwiinni baxxituhunni kayise anfe egenninoonnikki qarri ate, mannikkinna mootete mini annikkihu aana daanno. Kaaliiqino Sooriyu moote ki'ne gawajjanno gede soyanno» yii.

ERMIYAASI 30:7

Bayisibao! Hakku shettote barri daanni no! Hakko barri gedeehu wolu dino. Ki'ne Yaiqoobi ilamara qarru barraati; ani kayinni hakkiinni gatiseemmo'ne» yii.

ERMIYAASI 5:21

‹Gowwootunna balalootu, hanni wodanche! Ille heedheennanni affinannikkiri, macca heedheennanni macciishshitinannikkiri, konne coye macciishshe› yite kuli.

DAANIEELI 12:1

Shaalado seesallitte uddano uddi'rino sokkaasinchi, «Mannakki agarannohu jawu sokkaasinchi Mikaaeeli hatte yannara leellanno. Mannu kalaqantunkunni ikke egenninokkihu lowo qarri ikkanno. Su'mansa Maganu maxaafira borreessinoonnihu gobbakki manni kayinni hatte yannara gatanno.

HOOSEI 4:1

Kaaliiqi, tenne baattora hee'ranno manna baala abbooshshi'rino. Kunni daafira Israeele, isi yaannohere baala macciishshi! Isi, «Baattote aaninni ammanama, baxillunna ane Kaaliiqa egenna ba'ino.

HOOSEI 5:1

«Ki'ne qeesootu konne macciishshe! Ki'ne Israeelete mannino wodanche! Ki'ne mootoollate minino konne coye macciishshe! Kuneeti yoo aana'ne daggino; kaimuno, Mitsipha woshshaadote gede, Taaboori Ilaalirano qoxu gede ikkitinoonni.

IYUEELI 1:14

Mannu itanna aga agure huucci'ranno gede lallabbe! Manna baala xaado woshshe! Geerranna gobbate manna wo'manka, Maganu Kaaliiqi Minira gamba asse. Kaaliiqi widirano raarre.

IYUEELI 2:2

Hakku barri tunsichunna limixete barraati; gomichunna dhi'mote tunsichi barraati. Lowotinna jawaata bagadaano, soodimari tunsichi gede ikkite ilaalla guggushshitanno. Bi're hundinni kayise hattoo coyi ikke diegennino; hakkunni gedensaannino dihee'ranno.

AMOOTSI 3:1

Israeelete manna! Gibitsetenni fushshoommo'nerira baalaho ani Kaaliiqi coyi'roommo coye macciishshe:

AMOOTSI 4:1

Maqalloonnihu Baasaani lali gede missinoonniri, Samaariyu meenti, konne coye macciishshe. Ki'ne wolqa hoogginore raateessitinanni; buxane gawajjitinanni; wo'manka woyite ayyiddaanna'ne, dimbisanno ago abbanno'ne gede qarrissinanni.

AMOOTSI 5:1

Israeelete manna, ki'ne daafira wi'leemmo wi'la macciishshe.

MIKIYAASI 1:2

Ki'ne daga konne coye macciishshe. Uullate aana heedhinanniri baalunku wodanche. Ayirradu Kaaliiqi ki'ne aana naqqasanno. Qullaawu Minisi giddo hee're coyi'ranno.

MIKIYAASI 3:1

Ki'ne Israeelete gashshaano, konne coye macciishshe! Halaalaancho yoo afa dihasiissanno'ne?

MIKIYAASI 3:9

Ki'ne halaalaanchimma gibbinanniri, halaale kaphoho soorritinanniri Israeelete gashshaano konne coye macciishshe.

MAATEWOOSI 13:9

Macca noohu macciishsho!» yiinsa.

MAATEWOOSI 24:21

Hatte yannara kalaqamunni kayise xaa geeshsha ikke egenninokkihu gedensaannino ikkannokkihu lowo qarri daanno.

YOHAANNIS AJUUJA 2:7

« ‹Qullaawu Ayyaani beetekiristaannate yaannore macca noohu macciishsho. Qeelinohura Maganu qixxeessino gannatera noota heeshshote haqqicho laalo itara fajjeemmosi› yiino» yite borreessite soyi.