IYUEELI 1:10 - Qullaawa Maxaafa

¹⁰ Gatu mullicho ikkino. Gidu baino. Woyinete kaashshi moolino. Zayitete ejedheno qoortino; kunni daafira baatto wi'litanno.

IYUEELI 1:10 ပူးပေါင်းရင်းမြစ်များ

KALAQAMA 4:12

Baatto loosi'ratto yannara mitto laalchono diuyitannohe; baattote aana tultaawanna raataawattoha ikkatto» yiisi.

ISAYAASI 15:6

Nimiriimi Xashshi xoanno; mule noo hayissono co'o yite mooltanno.

ISAYAASI 24:11

Woyinete xajje hoogge, doogga baalate raartanno; hagiirru horonta dihee'ranno; hisanyootu baattote aaninni ba"anno.

ISAYAASI 24:7

Woyinete kaashshi moolino; haaro woyinete xajjeno ajjanno. Kunnira, alba hagiidhannohu baalu, xa dadillaamo ikkino.

ERMIYAASI 12:11

Mullicho darga assite agurtino daafira, ane albaanni ona ikkino; isi daafira mitii'mannohu mittu nafa dino.

ERMIYAASI 12:4

«Assineemmore Kaaliiqi diafino» yaannohunni, bushu tenne gobbara hee'ranno manninni kainohunni, baattonke kooaartannohu, hayisso mooltannonna, saada gooffannohu mamari geeshshaati?

ERMIYAASI 48:33

Shaqqado Moaabi gobbanni hagiirrunna hisanyootu baino; woyinete xajje huuncinanni darga mooshsheemmo; woyinete xajjeno hagiirrunni kukkubbanni huuncannohu dihee'ranno; hagiirru huurono diheedhanno.

HOOSEI 4:3

Kunninni kainohunni baattote aana moolle dagganno. Aanase hee'rannori baalu goofanno. Saada ceanna baaru giddo qulxu'mi baalu reyanno» yiino.

HOOSEI 9:2

Kunni daafira, kunni ka'a ayiddumme'nera gidu, kooffichi'nerano woyinete xajje horonta diheedhanno. Woyinete kaashshi'neno guma diaanno'ne.

IYUEELI 1:12

Woyinete kaashshinna balase qoortino. Saattunna laaltanno haqqe baala mooltino. Kunninni kainohunni hagiirru mannuwiinni baino.

IYUEELI 1:5

Woyinete haqqe baalanti ba'ino daafira, kunni ka'a haaro woyinete xajje suumetenni dikissinanni. Kunni daafira ki'ne dimbaano, baqqi yitine ka'ine wi'le. Ki'ne woyinete xajje agginanniri, heqqifattinanni wi'le.

IYUEELI 2:19

Kunni daafira Maganu, «Kuneeti gide, haaro woyinete xajjenna ejersu zayite, duubbina geeshsha eemmo'ne. Kunni ka'a daga arrassitanno gede diasseemmo'ne.

LEEWAAWOOTA 26:20

Wolqa'ne beebba gooffanno; baatto gide, haqqeno laalo diuyitanno'ne.

IMBAAQOOMI 3:17

Haqqicho laala gibburono, woyinete haqqichora gumu hoogirono, zayitete ejersi gumu nookkiha ikkirono, baatto gide laashsha gibburono, ge'reewu goo'raanunni goofirono, hoowete giddo saada hooggurono,

HAGE 1:11

Anino loosi'nanni gatira, ilaallate, gidehonna haaro woyinete xajjera, zayitete ejedhera, baatto fushshitannorira baalaho, mannunna saadate, hattono loosidhinoonniri baalu aana moolle abboommo» yii.

MILKIYAASI 2:3

Ooso'neno rufeemmo. Kakkalote abbitinoonniha saadate cuma albi'nera wixeemmo. Ki'neno cumunku ledo ishine tunganniwa massine hunnanni'ne.