ISAYAASI 9:6 - Qullaawa Maxaafa

⁶ Kuneeti qaaqqu ilaminonke! Labbaa beettono uyinoonninke! Isino gashshaancho ikkanno; su'masino, «Dhaggete Amaalaancho, Wolqaataamo Magano, Hegere Anna, Keeru Roorricha» yinanni.

ISAYAASI 9:6 ပူးပေါင်းရင်းမြစ်များ

LAYINKI SAAMUEELI 7:13

Mine'yano isi minanno; gashshootesino muramannokki gede geedonniha asseemmo.

LAYINKI SAAMUEELI 7:16

Aye yannarano sirchikki giddonni gashshootekki ragi'rannohu dihooganno; qoleno gashshootekki geedonniha asseemmo› yiino yite kulisi» yii.

UMI MOOTOOLLA 10:9

Maganikki Kaaliiqi galatamo! Isi ate doore Israeelete moote assasinni atenni hagiidhinota leellishino. Israeelete noosihu baxillu hegereha ikkino daafira, taalonna halaale agaratto gede ate Israeelete moote assinohe» yitu.

UMI MOOTOOLLA 2:33

Konne manna shiino daafira, isira uyinanni qorichi isinna oososi aaninni kaoonke! Daawitira, minisiranna isi darga amadde mookkannorira sirchisira kayinni, hegerehu Kaaliiqi keeri ledonsa hee'ro!

UMI MOOTOOLLA 2:45

Ane kayinni Kaaliiqi maassi'rannoe. Daawiti gashshootino Kaaliiqi albaanni hegerera kaajje hee'ranno» yii.

NEHIMIYA 9:32

«Maganonke Kaaliiqa ballo, ati jawaho, wolqaataamohonna ayirradoho! Baxillunniha gondoorokkino hegere geeshsha disoorratto. Asoori mootoolla ninke gadadisa hanaffu yannanni kayise, xaa geeshsha iillinonke qarri bati'rahona, ajishshe la'ooti. Mootoollankenna albisootinke qeesootinkenna himanaanonke, akaakkankenna manninke baalu addintanni shetino; ninke baalunku shentoommo garano qaagi.

FAARSO 45:3

Ati bareedu! Xirchikkinninna gaacheenikkinni, bagadokki amaxxi.

FAARSO 45:6

Magano! Mootimmakki hegerete; mannakki halaalunni gashshatto.

FAARSO 45:7

Ati halaale baxatto; bunshe giwatto; kunnira, wole mootoollanni rooratto gede, Maganu Maganikki hagiirru buuro buurinohe.

FAARSO 50:1

Magannate Magani Kaaliiqi coyi'ranno; soojjaatinni galchimira baattote aaninni manna baala woshshanno.

FAARSO 72:17

Su'misi hegerera maassaminoha ikko; su'misi arrishsho heedhanno geeshsha hee'ro; baattote aani daga baala isinni maassanto; daga baala, «Isi maassammoho» yitanno.

FAARSO 72:3

Mannikkira ilaalla jiro, gaarrano keeraanchimmate guma uyitanno.

FAARSO 72:7

Isi gashshooti yannara keeraano qawaaxxidho; aganu ba"a geeshsha jiro batidho.

FAARSO 85:10

Bagamannokkihu baxillikkinna halaalu xaaddanno; keeraanchimmanna keeru sunqantanno.

FAARSO 89:5

Kaaliiqa, assootto dhaggera gordu galatohe; halaalaanchimmakki daafira keeraano songonsara faarsitohe.

LAWISHSHA 8:23

Kalqe kalaqantara albaanni, bi're hundanni seekkinoonnie.

ISAYAASI 10:21

Israeelete manni giddonni gatinohu shiimu manni addintanni wolqaataamu Maganiwa higanno.

ISAYAASI 11:5

Mannasi taashshatenninna halaalunni gashshanno.

ISAYAASI 16:5

Hatte yannara mittu gashshooti hegere baxillinni uurranno. Daawiti sirchinni mittu ammanaminohu moohanno. Isi rahe halaale hasannohonna taashshe gashshanno mooteeti.)

ISAYAASI 26:12

Kaaliiqa, keere oottonkehu ateeti; loosonkeno ati qineessoottonke.

ISAYAASI 26:3

Kaaliiqa, ate hexxatenni kaajjite heedhannorira, wo'ma keere aattonsa.

ISAYAASI 28:29

Tenne baalanta egenno aannohu Olantote Mootichaati; isi dhaggete amaalaanchooti; egennosino guutate.

ISAYAASI 32:1

Taashshe gashshanno moote daannoti yanna iillitino; ledosi gashshaanono halaalu yoo yitanno.

ISAYAASI 37:32

Olantote Mootichi Kaaliiqi laalanni Yerusaalamete Katamira Tsiyooni Ilaali aana gattannori heedhanno» yii.

ISAYAASI 53:10

Kaaliiqi, «Ikkirono xissannosi gedenna qarramanno gede assoommohu aneeti; lubbosi sao agursiisate kakkalo assino. Dirisi seedeenna laalchosi illetenni la"anno; ani hedoommorino isi widoonni hige wo'manno.

ISAYAASI 53:2

Kaaliiqi soqqamaanchi albasiinni, moola baattora mu'rino haqqichi rumushshi gedeeho. Illetenni la"ate xummenna gaamaarre diafi'rino; mootete gede la'ne banxanni dani dinosi.

ISAYAASI 53:5

Isi qasaminohu kayinni saonke daafiraati; ganaminohu ninke assinoommo sarxiraati. Ninke gantoommohu isi qorichishameennaati; hurroommohuno isi madi'reennaati.

ISAYAASI 63:16

Abirihaami afa hooginkerono, Israeeli egenna hooginkerono, ati annankeeti. Maganonke, bi're albinte gede ati annankeeti; bi're albinni kayisse gatisaanchonkeeti.

ISAYAASI 66:12

Kaaliiqi, «Gooffannokki jiro eemmo'ne; dagate jirono xo'annokki buicho gede asse lolaaseemmo'ne; ama giwoodisera hanqaffe qansitanni lossidhanno qaaqqi gedeere ikkitinanni.

ISAYAASI 7:14

Kunnira, Mootichu umisi malaate aanno'ne; kuneeti seemo godobbe labbaa beetto iltanno. Su'mano, ‹Amaanueeli› yite fushshitannosi.

ISAYAASI 8:18

Kuneeti, Tsiyooni Ilaalira hee'rannohu Olantote Mootichi Kaaliiqi, anenna uyinoe ooso Israeelete malaatenna qorophishiishsha asse soyinonke» yii.

ERMIYAASI 31:22

Ki'ne ammana xe'ino'neri! Raataabbinanni heedhinannihu mamooti geeshshaati? Ani Kaaliiqi baattote aana haaro coye kalaqeemmo; labbaaha meyati agartanno» yii.

DAANIEELI 2:44

Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.

DAANIEELI 7:14

Addi addi gobbara hee'rannohu, addi addi afiinni coyi'ranno manni soqqamannosi gede, roorre, ayirrinyunna wolqa aamantusi. Roorresino hegere hegerete; gashshootisirano gawalo dino.

HAGE 2:9

Haaru Qullaawu Mini albihunni roore xu'minoha ikkanno. Kunni katamira keere eemmo; manna'yano duroonseemmo» yaanno.

MAATEWOOSI 1:1

Daawitinna Abirihaami sircho ikkinohu Yesuusi Kiristoositi ilamate kiiro aante noote.

MAATEWOOSI 1:23

«Kuneeti, seemo godobbe labbaa beetto iltanno; su'masino Amaanueeli yinanni» Amaanueeli yaa, «Maganu ninke ledo no» yaate.

MAATEWOOSI 11:27

Anni'ya baalanka coye uyinoe. Annu ka'a Beetto egenninohu ayino dino. Beettu ka'a Anna afinohu ayino dino. Beettu leellishinonsare agurranna Anna afinohu dino.

MAATEWOOSI 28:18

Yesuusi insawa shiqqi yee, «Roorre baala gordohonna baattote uyinoonnie.

LUQAASI 1:35

Sokkaasinchu qole, «Qullaawu Ayyaani ate aana dirranno; Wo'munkura Aliidi Magani wolqa caalshiishshannohe. Kunnira ati ilatta qaaqqo Qullaawu Maganu Beetti yinanni.

LUQAASI 2:11

Kuneeti, techo Daawiti katamira Gatisaanchu ilamino'ne. Isi Mooticha Kiristoosaati.

LUQAASI 2:14

«Iima gordoho Maganoho ayirrinyu ikkosi! Baattote aanano Maganu hagiidhannonsa baalira keeru iillo» yitu.

LUQAASI 21:15

Ani, baarigaarra'ne garta'nera dandiitannokki hayyonna egenno eemmo'nena.

YOHAANNISI 1:14

Qaalu manna ikki; eltonna halaale haraqi're ninke giddo gali. Mittichu ilamino Beetti Annuwiinni adhinohu gedeeha ayirrinyesi la'noommo.

YOHAANNISI 1:16

Wo'ma eltosi aaninni ninke baalunkura eltote aana elto uyinonke.

YOHAANNISI 14:27

«Keere'ya ki'newa woreemmo; keere'ya eemmo'ne. Ani eemmo'ne keeri tini gobba uyitanno'nehu gedeeha di"ikkino. Wodani'ne masoonke; waajjitinoonte!

SOQQAMAASINETE LOOSO 10:36

Maganu soyino qaali, baalunku Mooticha ikkinohu Yesuusi Kiristoosi widoonni hige keerunnihu Danchu Duduwi kulamanna Israeelete mannira iillanno gede sonkoonniha ikkinota egentinoonni.

SOQQAMAASINETE LOOSO 20:28

Qullaawu Ayyaani ki'ne hoshshate allaalaasine asse worino'nena, umi'neranna hoshshate seekkitine qorophe. Isi mundeesinni woxxinota Maganu Beetekiristaane allaalle.

ROOMU SOKKA 8:32

Mitto Beettosi mararikkinni sayise uyinonke Magani, Beettisi ledo wole coye baala aa hiikke hoogannonke?

ROOMU SOKKA 9:5

Insa albi annuwawiinni dagginoreeti. Kiristoosino maalunni dayinohu insawiinniiti; wo'munkura aliidi Magani Kiristoosi, hegere geeshsha galatamo! Hamii'ni.

UMI QORONTOOSI 1:30

Maganu kayinni ki'nera Yesuusi Kiristoosi ledo mittimma heedhanno'ne gede assino. Kunnira, Maganu Yesuusi Kiristoosi ninkera egennonke, keeraanchimmanke, qullaambenkenna wodonke ikkanno gede assino.

UMI QORONTOOSI 15:25

Maganu baarigaarrasi baala angasira qola geeshsha, Kiristoosi mooha hasiissanno.

LAYINKI QORONTOOSI 5:19

Hatto yaa, Maganu Kiristoosi widoonni qole kalqe isinii ledo araarsino yaate. Saonsa dikiirino; ninkerano araarsate sokka uyinonke.

MARRO 10:17

Magani'ne Kaaliiqi magannate Maganooti; mootoollate Mootichaati. Jawa Maganooti; wolqaataamohonna waajjishannoho. Godowa dihosannoho; gubbono di"itannoho.

QOLASIYAASI SOKKA 2:3

Hayyotenna egennote jiro dahaabbe noohu Kiristoosiwaati.

UMI XIMOOTEWOOSI 3:16

Amma'nonke halaali, huluullo nookkiha jawaho. Hakku halaalino, «Manna ikke leellinohu; halaalaanchimmasi Qullaawu Ayyaaninni egennantinohu; sokkaasinete leellinohu; manna baalaho kulloonnihu; alamete aana noo manni ammaninosihu; ayirrinyunni gordo ha'rinohu» yaannoho.

TIITO 2:13

Kunni garinni maassantinota hexxonke, jawa Maganonke, Mootichinke Yesuusi Kiristoosita ayirrinyunni leella agadhineemmo.

IBIRAAWOOTA 1:8

Beettisire qole, «Magano! Mootimmakki barcimi hegerera hee'rannoho; keeraanchimma gashshootikki siqqichooti.

IBIRAAWOOTA 13:20

Maganu Mootichanke Yesuusa reyotenni kayisino. Isi jawa ge'reewu Allaalaancho ikkinohu, hegere gondooro sumundoonnitenni kakkalamino mundee widoonni higeeti.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.

YOHAANNIS AJUUJA 19:16

Uddanosinna giwoodisi aana, «Mootoollate Mootenna Mootoollete Mootichi» yinanni su'mi borreessame no.

EJJEETTO 13:18

Isino, «Su'mi'ya afate didandiinannihona xa'mitootie?» yiisi.