ISAYAASI 9:5 - Qullaawa Maxaafa

⁵ Horritannori wodhitanno koattenna, mundeetenni burduuqaminohu imaaninsa baalu, haqqete gede giiramanno.

ISAYAASI 9:5 ပူးပေါင်းရင်းမြစ်များ

KALAQAMA 32:30

Yaiqoobi, «Magano ille'yanni lae, xaa geeshsha lubbotenni noommo» yee, hakkonne darga su'ma, «Phiinieeli» yii.

FAARSO 46:9

Baattote qacce geeshsha nooha ola uurrisanno; digaana hiiqqanno; amaxxo cancananno; wonqono giire hunanno.

FAARSO 72:3

Mannikkira ilaalla jiro, gaarrano keeraanchimmate guma uyitanno.

FULO 23:21

Ane su'minni daannoha ikkino daafira, yaanno'neta seekkitine macciishshe; isira gara gibbinoonte. Gara gibbiniro dimararanno'ne.

ISAYAASI 13:4

Ilaallate aana raare macciishshe! Kuni luulino, mittowa gamba yitino gosahonna gashshootuwaho. Olantote Mootichino olantosi olaho qixxeessanni no.

ISAYAASI 2:4

Isi lowo gosara gibbo hoolanno; kunnira bisensa maarashaho, urdensa haantote soorritanno. Gashshootu gashshootu aana ola dikayisanno; hakkunni gedensaanni olaho qixxaawannohu dihee'ranno.

ISAYAASI 30:33

Lowo dirira albaanni, Asoori moote giirrannihu, giirate dargi qixxaawe no. Hakko hala'ladonna diime ikkino dargano, lowo haqqe duunnoonni; haqqeno ruqanu gedeehu Kaaliiqi fooli itanno.

ISAYAASI 37:36

Hakko hashsha Kaaliiqi sokkaasinchi Asoorootu qacha e"e, 185,000 olanto shii. Israeelete manni soodo goxinowiinni ka"anno woyite base baala diinu reeshshaati.

ISAYAASI 4:4

Kaaliiqi wolqasinni Yerusaalamete xurenna mundee hayishshe hoole keereensanno.

ISAYAASI 9:4

Midiyaamoota qeelitto yanna gede, xaano mannikki aana duunamino qambaranna, gadadissannonsarita siwiilu siqqo hiiqqootto.

ISAYAASI 9:6

Kuneeti qaaqqu ilaminonke! Labbaa beettono uyinoonninke! Isino gashshaancho ikkanno; su'masino, «Dhaggete Amaalaancho, Wolqaataamo Magano, Hegere Anna, Keeru Roorricha» yinanni.

ERMIYAASI 23:5

«Daawiti sirchi giddonni, ammanaminoha moohiseemmo yanna dagganno; isino gobba hayyotenninna halaalunni gashshanno.

ERMIYAASI 47:3

Gulunfanni faradi hirbi, lami-qalete luulinna, faradi gaarete gugatto masisseenna wolqansa ba'ino daafira, annuwa oosonsa nafa caaqqi yite dila'anno.

IYUEELI 2:5

Ilaalu aana faradi gaarete hirbi gede, galawa ittanno giira gugeette gedenna, jawaate olaho qixxaawino manni gede qoqqobbissanno.

LEEWAAWOOTA 3:11

Qeesichu konne baala ane Kaaliiqira sagalete fushshaate asse kakkallanni darga masse shilqishona.

LEEWAAWOOTA 3:16

Qeesichu konne baala sagalete kakkalo asse shilqishoena; tenne kakkalo foolino anera tashshi yaannoha ikkanno. Coomu baalunku aneho.

MIKIYAASI 5:1

Ki'ne Yerusaalamete manna! Kuneeti diinu gaangeesse noonkena, Israeelete gashshaanchi baqqaallasi siqqotenni ganaraatina, olanto'ne mitteenni qixxeessidhe.

NAHOOMI 3:2

Lichetenna gongo'mitanno qale luulo, faradu gulufanna faradi gaarete hirba macciishshinanni.

ZAKKAARIYAASI 6:13

Qullaawa Mine'ya minannohunna mootimmate hasiisanno ayirrinye adhe, manna'ya gashshannohu isooti; mittu qeesichi isi barcimi mule uurranno; lamunku mitteenni sumuu yite keerunni loossanno.›

MAATEWOOSI 3:11

Ani aagintaabbinanni gede wayinni cuueemmo'ne. Ane gedensaanni daannohu kayinni Qullaawu Ayyaaninninna giiratenni cuuanno'ne. Isi ane lowo geeshsha rooranno; ani lekkasi koatte nafa duhate di"ikkoommoho.

SOQQAMAASINETE LOOSO 2:19

Iima gordoho dhagge, uulla baattote aana malaate leellisheemmo; mundee, giiranna wiliilete tunnuuqi leellanno.

SOQQAMAASINETE LOOSO 2:3

Giirate buwani arrawo lawannori leellinsa; hakkiinni beehame mittu mittunku aana dirri.

LAYINKI TESELONQE 1:8

Hatte yannara, Magano egentinokkirenna Danchu Duduwi Mootichu Yesuusihura hajajantannokkire qorichishanno.

EJJEETTO 13:18

Isino, «Su'mi'ya afate didandiinannihona xa'mitootie?» yiisi.

UMI SAAMUEELI 14:19

Saaooli qeesichaho kulanni hee'reenna, Filisxeemete qachira luulu bati'ranni ha'ri. Kunnira Saaooli qeesicha, «Kaaliiqa xa'mi'rate xa yanna diuyitinonke» yiisi.