ISAYAASI 9:4 - Qullaawa Maxaafa

⁴ Midiyaamoota qeelitto yanna gede, xaano mannikki aana duunamino qambaranna, gadadissannonsarita siwiilu siqqo hiiqqootto.

ISAYAASI 9:4 ပူးပေါင်းရင်းမြစ်များ

KALAQAMA 27:40

Bagadaancho ikkatto; rodiikkirano borojjicho ikkatto; giwittoro kayinni gadadishshisiwiinni fulatto» yiisi.

FAARSO 125:3

Haxawarrootu danchu manni baatto aana, lowo yanna gashshite diheedhanno; hatto ikkannoha ikkiro danchu mannino, insa gede bunshe loosa rosanno.

FAARSO 81:6

Kunino, «Haxo'nera noo duha hooloommo'ne; kinna wonshinoonni gimboolano aaninni dirrisoommo'ne.

ISAYAASI 10:16

Kunnira, Olantote Mootichi Kaaliiqi olantosira laansheessanno dhibba soyanno. Asoori mooterano bisoho giirate gedee fooggalo soyanno.

ISAYAASI 10:5

Kaaliiqi, «Hanqi'ya siqqora, aari'ya damira Asoorira aanne'e!

ISAYAASI 14:25

Asooroota baatto'ya aaninni gudeemmo; ilaali'ya aana kadeemmonsa; manna'yano qambarinsa giddonni fushsheemmo. Duhisiissinonsa duhano haxonsa aaninni hooleemmo.

ISAYAASI 16:4

Darame dayinohu manninke ki'ne ledo hee'ro; huntara hasidhannoriwiinni goltine gatissenke» yitanno. (Mararannokki diini ba"anno; kunni ka'a digawajjanno; gobbano dihunanno.

ISAYAASI 47:6

Ani manni'yara hanqoommo; insa battete gede kiire, angakkira sayise oommo. Ati kayinni dimararoottansa; geerraho nafa ayirrino duha duhisiisootta.

ISAYAASI 49:26

Gadadissannoheri mimmitonsa shitanno gede asseemmo; insano uminsa mundee agge dimbitanno. Hakkunni gedensaanni ani Kaaliiqi gatisaanchokki ikkoommota, wolqaataamo Israeelete Magano ikkoommota daga baala affanno» yii.

ISAYAASI 51:13

Baatto xintoommohanna gorduwa diriirsoommoha, kalaqaancho'ne ane Kaaliiqa habbinoonni. Gudda'nera ka'inoriha kaajjaddu hanqo waajjitinoonni; kunni ka'a insa hanqi assanno'neri dino.

ISAYAASI 52:2

Qafadamoottati Yerusaalame, ka'e buko giggishshi'ri; ayirrinyu barcimira ofolli; ki'ne Tsiyooninni qafadantinoonniri, usurroonni'ne cagaage goowunni fushshitine tugge!

ISAYAASI 54:14

Halaalunna taashshate aana xinteemmohe; beebbanna gadadishshu atewiinni fafanno; waajjishannoherinna masisannoheri dihee'ranno.

ISAYAASI 9:5

Horritannori wodhitanno koattenna, mundeetenni burduuqaminohu imaaninsa baalu, haqqete gede giiramanno.

ERMIYAASI 30:8

«Hakko barri daanno waro, ani Olantote Mootichi Kaaliiqi, haxo'ne qambara hiiqqeemmo. Usura'neno tattayiseemmo; hakkunni gedensaanni wole gosara borojje di"ikkitinanni.

ERMIYAASI 48:17

Maccaha ikkasi egentinoonniri, qarqarisira heedhinanni gosa baala, ‹Gashshootikki wolqa ayirrado, hiitto ikkite hiiqqantu?› yitinanni wi'lesi.

LEEWAAWOOTA 26:13

Gibitsootaho borojje ikkitinannikki gede Gibitsete gobbanni fushshoommo'nehu ani Kaaliiqi Magano'neeti; borojjimma'ne qambara hiiqqe, gotti yitine hadhinanni gede assoommo'ne» yii.

NAHOOMI 1:13

Asoori gosa duhisiissino'neha gadadu gashshoote hooleemmo'ne; lekka'ne usurroonnita siwiilu cagaage tattayiseemmo» yii.