ISAYAASI 9:3 - Qullaawa Maxaafa

³ Kaaliiqa, mannakki halashshootto; hagiirreno batisoottonsa. Mannikki ati assootto coyinni, gide gudhannohunna, horre abbi'rinore beeqqanno manni gede ikke hagiidhanno.

ISAYAASI 9:3 ပူးပေါင်းရင်းမြစ်များ

NEHIMIYA 9:23

Gordu beeddahe gede batinye ooso oottonsa; akaakkansara aattora xaarootto baatto amadde heedhanno gede assoottonsa.

IYYOOBI 12:23

Gosa jawaatanna wolqaataame assanno; qoleno shollishannonsa; qeelantanno gedeno assannonsa.

FAARSO 107:38

Mannasi maassi'rinsa; insano lowo ooso afidhu; saadansa kiirono xe'annokki gede assi.

FAARSO 119:162

Lowo jajja afi're hagiidhanno manchi gede, hexxote qaalikkinni lowo geeshsha tashshi yaannoe.

FAARSO 4:7

Anera oottoe hagiirri, wolootu lowo gidinninna lowo haaro woyinete xajjenni afidhannohunni rooreho.

ISAYAASI 10:26

Ani Olantote Mootichi Kaaliiqi Asooroota Hereebi Kinchi mule Midiyaamoota assummo gede lichetenni lungaaseemmo. Gibitsete assummonte gede siqqo'ya wayi aana gotti asseemmo.

ISAYAASI 12:1

Hakka waro, «Kaaliiqa, kunni albaanni hanqoottoe; xaa kayinni hanqokki agurte, jawaachishoottoe daafira galaxxeemmohe.

ISAYAASI 14:5

Kaaliiqi busha gashshaano wolqanna roorre haa're hoolino.

ISAYAASI 25:9

Kuni coyi ikkanno waro mannu, «Isi Maganonkeeti; hexxinoommosi daafira gatisinonke. Gatisinonkehu isootina, amme isinni hagiidhinona» yaanno.

ISAYAASI 26:15

Kaaliiqa, manna batisootto; ati manna batisootto; Baattono halashshootto. atino ayirrinye adhootto.

ISAYAASI 35:10

Kaaliiqi wodinonsa manni galagale hige, faarsanni Tsiyooni eanno; hegere hegerera hagiirru ba'latto wodhitanno. Hagiirrenna hisanyoote haraqidhanno; yaaddonna dadillu mulinsanni xooqanno.

ISAYAASI 35:2

Molo baattora daraaro wo'miteenna, hagiirru faarso faarsitanno; Libaanoosi Ilaali gede biifaado ikkitanno; Qermeloosi Ilaalinna Saarooni Lagichi gede ayirrinye uddidhanno. Mannu baalunku, Kaaliiqi gacheenanna ayirrinye la"anno.

ISAYAASI 54:1

Kaaliiqi, «Yerusaalame, ate alba ilaweelo manchooti yinoonnihe; xa kayinni galtesewiinni baxxite egentinokki manchonni roore, lowo ooso afi'rattaraatina hagiirrunni ilillisi.

ISAYAASI 55:12

«Tidhantine fultinanni waro, gobba'ne keerunni higginanni. Ilaallanna gaarra alba'neenni faarsitanni kukkubbitanno; dubbu haqqeno anga gantanno.

ISAYAASI 61:10

Anera Kaaliiqinni tashshi yaannoe; lubbo'ya Magani'yanni lowo geeshsha hagiidhitanno. Uddisiisinoeti gatote uddano, seenne adhanno beetti umoho wodhino ba'lattonna, adhantanno beetto wodhitino irri gede biiffinote; keeraanchimmate seemmano aanaho ledinoe.

ISAYAASI 61:7

Saali'nenna shollinyi'ne hakko gawa'leenna, umi'ne gobbara heedhinanni. Jiro'ne lame ero ikkitanno; hagiirri'neno hegereha ikkanno.

ISAYAASI 65:14

Soqqamaano'ya wodanunni hagiidhite faarsitanno woyite, ki'ne kayinni wodani'ne dadillinni kainohunni woo woo yitine wi'litinanni.

ISAYAASI 65:18

Ani kalaqeemmori baalunni, hegere geeshsha tashshi yoo'nena hagiidhe! Ani kalaqeemmoti haaro Yerusaalame hagiirru wo'minota ikkitanno; manniseno hagiirraamo ikkanno.

ISAYAASI 66:10

Yerusaalame baxxinanniri tashshi yoo'ne! Ise daafira wi'litinanniri ledose hagiidhe!

ERMIYAASI 31:7

Kaaliiqi qole, «Daga baala roortino Israeele daafira, ilillissinanni faarse; Israeelete taraare ikkinoha mannasi gatisino.

HOOSEI 4:7

«Ki'ne qeesootu kiiro'ne batidhu deerrinni, cubbi'ne ane albaanni bati'rino. Kunni daafira ayirrinye'ne mulqe shollisheemmo'ne.

LEEWAAWOOTA 26:13

Gibitsootaho borojje ikkitinannikki gede Gibitsete gobbanni fushshoommo'nehu ani Kaaliiqi Magano'neeti; borojjimma'ne qambara hiiqqe, gotti yitine hadhinanni gede assoommo'ne» yii.

ZAKKAARIYAASI 10:8

Manna'ya fiiqattotenni woshshe gamba asseemmo; gatise fushshe, kiironsa albinte gede batiseemmo.

ZAKKAARIYAASI 2:11

Hatte yannara, lowo daga Kaaliiqiwa dagge mannasi ikkitanno. Isino mereero'ne hee'ranno; ane ki'newa soyinoehuno Olantote Mooticha Kaaliiqa ikkinota affinanni.

ZAKKAARIYAASI 8:23

Hakka waro, tonnu wole gobba manni mittu Yihudichiwa mare, uddanosi handaara amade, ‹Maganu ki'ne ledo noota macciishshinoommona, ninkeno ledo'ne ha'noni?› yite xa'midhanno» yii.

LUQAASI 11:22

Iso roorino jawaati daye gawajje qeelisiro kayinni, hexxinoha bagadosi adhanno. Qeele adhinoreno woleho beehanno.

SOQQAMAASINETE LOOSO 8:8

Kunnira hakko katamira lowo hagiirre ikki.

FILIPHISIYUSI SOKKA 4:4

Wo'manka woyite Mootichunni hagiidhe. Lede yeemmona, hagiidhe!

UMI PHEEXIROOSI 1:8

Yesuusa Kiristoosa la'inoonnikkiha ikkirono baxxinannisi. Xa la'inoonnisikkiha ikkirono, ammantinannisi; kulle dandiinannikkihanna ayirrado hagiirre hagiidhitinanni.

EJJEETTO 5:3

Ki'ne mootoolla tenne macciishshe! gashshaanono qonteesse; Kaaliiqira faarseemma. Ledeno faarseemma; Israeelete Maganira Kaaliiqira geeweemma.

EJJEETTO 7:22

Kaaliiqi, sasunku xibbi xurumbi luulo macciishshanni hee'renni, qachaho noo manni baalunku mimmitoho bagado qo'lanno gede assi. Diinu olanto Tsaritaani ragaanni Beete Shiixi geeshsha, gamisu kayinni Xebaati mule noohu Abeeli-Mehola danni geeshsha xooqqu.

EJJEETTO 8:12

Lamunku Midiyaami mootoolla Zaabiheelinna Silmanano xooqqu. Gedewooni kayinni insa shorre amadi; olantonsa baalanta billaallisi.

UMI SAAMUEELI 30:16

Hakkunni gedensaanni beettu Daawiti haa're horrituri noowa massi. Marte iillitanno woyite horrituri gudhite hadhinori daafira hagiidhite base basete farsha yite ittanninna agganni qeexaa'litanni no.