ISAYAASI 9:20 - Qullaawa Maxaafa

²⁰ Mitto widoonni afidhure baala ittanno; ikkeennano hude shitannonsa daafira reyitanno. Kunnira, uminsa ooso maala nafa ittanno.

ISAYAASI 9:20 ပူးပေါင်းရင်းမြစ်များ

ROSIISAANCHO 4:5

Anga xaaxi're ofollannohu cee'maleessu hudetenni reyanno.

ISAYAASI 10:4

Qafadamatenninna reyotenni hiitto ikkitine gattinanni? Kunni baalu coyi giddoonni Kaaliiqi hanqi diqiidanno; angasi ki'ne qorichishara kayisinowiinni dihiggino.

ISAYAASI 14:30

Lowo geeshsha buxinohu irki'rannowa afi'ranno; gadadaammuno fafisidhe heedhanno. Ki'nera kayinni hude abbeemmo'ne; hudeno mittono gatissukkinni guddanno'ne.

ISAYAASI 3:1

Kune Olantote Mootichi Kaaliiqi mannu hexxinore sagale, waanna wole coye baala Yerusaalametenninna Yihudunni haa're hoolanno.

ISAYAASI 49:26

Gadadissannoheri mimmitonsa shitanno gede asseemmo; insano uminsa mundee agge dimbitanno. Hakkunni gedensaanni ani Kaaliiqi gatisaanchokki ikkoommota, wolqaataamo Israeelete Magano ikkoommota daga baala affanno» yii.

ISAYAASI 5:25

Kaaliiqi mannisira lowo geeshsha hanqino; qorichishansara anga kayise no; ilaalla shafantanno; mannu reeshshi ishinu gede doogga baalate uwanno. Tenne giddoonni Kaaliiqi hanqi diqiidanno; xaano qorichishansara qixxaawe no.

ISAYAASI 51:19

Lame ero qarri daannohe; baonna goofo, hudenna bagadu amadannohe. Ledokki manchitannohu nooni? Sheshifachishannohehuno ayeti?

ISAYAASI 8:21

Mannu hexxo mudhe mullawa raataawanno. Hudi'rino daafira iima hige la"anni mootensanna Maganonsa xonanno.

ISAYAASI 8:22

Uulla hige la"anno woyiteno shetto, waajjishannohunna beeshshe amadanno tunsichi callu leellannonsa; insano beebbu tunsichira tugantanno.

ERMIYAASI 13:14

Aja akkala googiddate gede mimmitoho qole ganeemmo; insa hunate dimarareemmo; dimaareemmonsa; yoommotano badhera diqoleemmo» yii.

ERMIYAASI 19:9

Diinu katama doyisse amade shetisannonsa. Hatte yannara sagale hooggeenna mimmitinsa maala ittanno. Wole agurreenna oosonsa maala nafa ittanno› yite kuli» yiie.

ERMIYAASI QURTO 4:10

Manni'ya aana dayino qoomami, jawaata masille abbino: Qaaqquulle mararanno meenti, uminsa qaaqquulle gafe itino.

MIKIYAASI 6:14

Ittinannillana, diduubbinanni; hudeno ki'newiinni diho'litanno. Lowo coye gamba assidhinanni; ikkollana kassi diyitinanni. Gamba assidhinoonni jiro heedhurono olunni huneemmo.

ZAKKAARIYAASI 11:9

Hakkunni gedensaanni ge'reewono, «Ani kunni ka'a allaalaancho'ne di"ikkeemmo; reyannohu reyo; ba"annohu bao; gattinorino mimmitonsa guddo.»

MAARQOOSI 3:24

Isi isiniiwa giwamanno gashshooti kaajje hee're diafanno.