ISAYAASI 9:13 - Qullaawa Maxaafa

¹³ Qorichisheennansano Israeelete manni diaagintaawino; Olantote Mooticha Kaaliiqano dihasi'rino.

ISAYAASI 9:13 ပူးပေါင်းရင်းမြစ်များ

LAYINKI DUDUWO 28:22

Akaazi qarru aana qarru lexxanni hee'reennasinni roore cubbo loosatenni Kaaliiqa dadillisi.

IYYOOBI 36:13

«Maganiweelu mannira kayinni, wodanaho hanqu dihooganno; ganannonsa woyite nafa, kaa'lansara dihasidhanno.

ISAYAASI 1:5

Bunshete aana bunshe leddinanni lende qorichinshanni'ne gede mayira ikkitinanni? Manninati'ne baalu dhiwamaancho ikkino; wodani'neno daaqino.

ISAYAASI 19:15

Gibitsete dureessu woy buxichu, maccahu woy moofu mittoreno asse diafanno.

ISAYAASI 26:11

Kaaliiqa, angakki bushuulle qorichishate ka'e no; insa kayinni diaffino; mannikkira mageeshshi laala noohero affe waajjito; insa diinnakkira qixxeessootto giira itto.

ISAYAASI 31:1

Lowo farado, faradi gaarenna gaaddo afidhinota Gibitse hexxite, kaa'lote hakkiichira hadhannorira aanne'e! Israeelete Qullaawa ikkinoha hexxa agurtino; isi kaa'lono dihasidhino.

ISAYAASI 57:17

Cubbinsanninna hagaagansanni kainohunni hanqoommonsa; hanqe alba'ya insawiinni shawwu assoommo; insa kayinni hadhanni noo doogo aaninni higa gibbino.

ISAYAASI 7:20

Hatte yannara, Kaaliiqi Efiraaxisi Wayi widiidinni kirunni haa're abbanno milaacenni Asoori mootenni umo'ne, ereeda'nenna bisi'nera noo danancho baala meedanno.

ERMIYAASI 15:7

Bubbe fincitanno kuri gede, gobbate aana noo katamma baalate billaalliseemmo'ne. Bushu loosi'nenni kainohunni, ki'ne manna'ya huneemmo; ooso'neno reyitanno gede asseemmo.

ERMIYAASI 29:11

Ki'nera hedeemmore ani egennoommo; hedo'yano hexxonna albillittete ikkitanno'ne gede, keerunnite ikkinnina bunshennita di"ikkitino.

ERMIYAASI 5:3

Anino, ‹Illekki halaale la'annota ikkitinota afoommo; kaphinsa daafira mannakki qorichishatto. Insa kayinni be'eno diyitanno. Ati insa cancanoottonna qoomootto; insa kayinni roorenka haxawarroota ikkite, cubbinsawiinni higa gibbino› yoommo.

HIZIQEELI 22:24

«Koo manchi beetto, baattonsa battaabbinohura, hanqi'yanni xeena ho'le qorichishammonsara kaoommota Israeelete kulinsa.

HIZIQEELI 24:13

Yerusaalame! Foorrekki batteessitinohe; ani keereensammohera hasi're hee'reennanni, ati kayinni keeraa'ma giwootta. Wolqa'ya leellishammohe geeshsha horonta dikeeraa'matta.

DAANIEELI 9:13

Muse seerira borreessinoonni garinni konne baala qoricha ninke aana abbootto. Kaaliiqa Maganonke! Kuni baalu ikke hee'reenna cubbinkenni higatenna halaalu hoode ha'rate maarokki daafira ate dihuucci'noommo.

HOOSEI 5:15

«Loossino sao egente anewa higga geeshsha insawiinni horonta fafe ha'reemmo. Assitino saonni qarru bati'rinsaro, miteekkite hasidhannoeha ikkanno» yii.

HOOSEI 7:10

Israeelete mannira uminsa adawarshi naqqasanno. Kuni baalu ikke hee'reennanni ane Kaaliiqi Maganinsawa dihiggino; horontanni dihasidhinoe.

HOOSEI 7:16

Anewiinni faffe kapho magansi'rate higgino; alaama so'rinohu shokkashshu digaani gede ikkitino. Roorrootinsano busha coye coyi'ratenni kainohunni bisetenni ganneenna reyitanno. Gibitsootuno qacifattannonsa» yii.

AMOOTSI 4:10

«Gibitsete gobbara soommohu gedee qoomama soommo'ne; wedella'ne bise shitanno gede, faradi'neno qafadamanno gede assoommo. Nafara'ne reyino manni reeshshi boshshino. Ki'ne kayinni gaabbitine, galagaltine anewa dihigginoonni. Konne coye coyi'roommohu ani Kaaliiqaati.

AMOOTSI 4:6

Kaaliiqi qole, «Hinkotenni qassinanni sagale ho'le, katamma'ne baalate qarra facci asse agureemmo. Ki'ne kayinni gaabbitine, galagaltine anewa dihigginoonni.

SOFFOONIYAASI 1:6

Anewiinni faffinore, ane hoode ha'ra agurtinorenna anewa dagge albiseemmonsa gede xa'midhannokkire huneemmo» yii.

MARRO 4:29

Ikkollana, hakkiicho heedhine Magano'ne Kaaliiqa wo'mu wodani'nenna wo'ma lubbo'nenni hasidhinisiro afidhinannisi.