ISAYAASI 9:12 - Qullaawa Maxaafa

¹² Isino soojjaatinni Sooriyoota, galchiminni Filisxeemoota soye egemmitannonsa gede assi. Kunni baalu giddoonni hanqisi kayinni diqiidino. Angasi insa qorichishate ka'inowiinni dihiggino.

ISAYAASI 9:12 ပူးပေါင်းရင်းမြစ်များ

LAYINKI MOOTOOLLA 16:6

Hatte yannara Sooriyu moote Retsiini Elaati Katama galagalche qo'le hakkiicho hee'rannoha Yihudu manna giddonni fushshi. Hakka waro Edoomootu Elaati Katama e'ino; insano techo geeshsha hakkiicho heedhanno.

LAYINKI DUDUWO 28:18

Hatte yannaranni, Filisxeemootu galchimi gaarra hundanna wodiidoonni noo katamma qasse, Beetesaamisa, Ayalooni, Gederooti, Sooko, Temina, Gimizo katammanna qooxeessaho noo qachuwa baala amadde hakko heedhu.

FAARSO 79:7

ate egentinohekki daganna, magansidhannohekki gosa aana aarakki dirrisi.

ISAYAASI 10:4

Qafadamatenninna reyotenni hiitto ikkitine gattinanni? Kunni baalu coyi giddoonni Kaaliiqi hanqi diqiidanno; angasi ki'ne qorichishara kayisinowiinni dihiggino.

ISAYAASI 11:14

Lamunku xaadde galchimaanni Filisxeeme qassanno; soojjaatoonni noo gosaha jajjansa gudhitanno; Edoominna Moaabi gosa qeeltanno; Amooni gosano insa angara higganno.

ISAYAASI 31:1

Lowo farado, faradi gaarenna gaaddo afidhinota Gibitse hexxite, kaa'lote hakkiichira hadhannorira aanne'e! Israeelete Qullaawa ikkinoha hexxa agurtino; isi kaa'lono dihasidhino.

ISAYAASI 5:25

Kaaliiqi mannisira lowo geeshsha hanqino; qorichishansara anga kayise no; ilaalla shafantanno; mannu reeshshi ishinu gede doogga baalate uwanno. Tenne giddoonni Kaaliiqi hanqi diqiidanno; xaano qorichishansara qixxaawe no.

ISAYAASI 9:17

Kunnira, Mootichu wedellansa qorichishanno; galte shii'rino meentonna annanna ama afidhinokki ooso dimararanno; baalunku Kaaliiqira badhe wodhino. Afiinsanni fulanno coyi baalu xagarrote. Insa qorichishate angasi ka'inowiinni dihiggino; tenne giddoonnino hanqisi diqiidino.

ISAYAASI 9:21

Minaasenna Efireemi ilama mimmito gawajjitanno; mitteenni gamba yite Yihudaho gaaddanno. Kunni baalunni Kaaliiqi hanqi diqiidanno; insa qorichishate angasi ka'inowiinni dihiggino.

ERMIYAASI 10:25

Hanqokki ate egentinokki daganna, ate magansidhannokkiri aana dirrisi. Insa mannakki guddino; ninke baalanaka co'o assite gudde, baattonke mulla assitino.

ERMIYAASI 15:7

Bubbe fincitanno kuri gede, gobbate aana noo katamma baalate billaalliseemmo'ne. Bushu loosi'nenni kainohunni, ki'ne manna'ya huneemmo; ooso'neno reyitanno gede asseemmo.

ERMIYAASI 35:11

Ikkollana Baabilooni moote Nabukadanatsoori daye tenne gobba amadi yannara, Baabilooninna Sooriyu olantowiinni xoonqe Yerusaalame daate hendoommo. Kunnira, kune dange Yerusaalamete hee'noommo» yitu.

ERMIYAASI 4:8

Ani Ermiyaasi Israeelete mannira, «Xaa geeshsha Kaaliiqi hanqe noonkena, xiddu imaana uddidhine, dadillitine wi'le» yoommonsa.

HIZIQEELI 16:27

«Xa kayinni, ate qorichishatenna qeechakki ikkinoha atoote'ya atewiinni haa're hoolate anga'ya diriirsoommo. Foorrekkinni kainohunni gibbannoheriranna tiyyidhannoherira Filisxeemootaho sayise oommohe.

HIZIQEELI 6:14

Halaaleho, anga'ya diriirse gobbansa huneemmo; wodiidoonni noo baatto moolatenni kayise, aliyye ragaanni Dibila katami geeshsha noo baatto mullicho asseemmo. Israeelootu heedhanno base baala co'o asse huneemmo; hatte yannara, ani Kaaliiqa ikkoommota mannu baalu afanno» yee coyi'rie.

HOOSEI 7:10

Israeelete mannira uminsa adawarshi naqqasanno. Kuni baalu ikke hee'reennanni ane Kaaliiqi Maganinsawa dihiggino; horontanni dihasidhinoe.

AMOOTSI 4:10

«Gibitsete gobbara soommohu gedee qoomama soommo'ne; wedella'ne bise shitanno gede, faradi'neno qafadamanno gede assoommo. Nafara'ne reyino manni reeshshi boshshino. Ki'ne kayinni gaabbitine, galagaltine anewa dihigginoonni. Konne coye coyi'roommohu ani Kaaliiqaati.

AMOOTSI 4:11

«Soddoomanna Gomoora hunummonte gede ki'ne giddonnino lowo manna hunoommo. Ki'ne giddonnino gattinoonnire giira ittuhu gedensaanni gate fulino haqqichi gedeere ikkitinoonni. Kuni baalu ikke hee'reennanni gaabbitine anewa dihigginoonni. «Konne coye coyi'roommohu ani Kaaliiqaati.

AMOOTSI 4:6

Kaaliiqi qole, «Hinkotenni qassinanni sagale ho'le, katamma'ne baalate qarra facci asse agureemmo. Ki'ne kayinni gaabbitine, galagaltine anewa dihigginoonni.

AMOOTSI 4:8

Mannu aganno waa hasi'ranni, katamunni katama saino. Ikkollana goo'ro fushshanno waa diafi'rino. Ki'ne kayinni gaabbitine, galagaltine anewa dihigginoonni. Konne coye coyi'roommohu ani Mootichu Kaaliiqaati.

AMOOTSI 4:9

«Jajja'ne mooshshitannota, wolqaataame bubbe soommo; kaashsho'nenna woyine'ne, balase'nenna zayitete ejedhe'ne baala, kanchafaru itino. Ki'ne kayinni gaabbitine, galagaltine anewa dihigginoonni. Konne coye coyi'roommohu ani Kaaliiqaati.

SOFFOONIYAASI 1:6

Anewiinni faffinore, ane hoode ha'ra agurtinorenna anewa dagge albiseemmonsa gede xa'midhannokkire huneemmo» yii.

SOFFOONIYAASI 3:2

Kuni katami yinoonnita dimacciishshanno; seejjo diadhanno. Kaaliiqa hexxa agurino; kaa'lannosi gedeno isiwa dishiqino.

MARRO 31:17

Hatte yannara hanqi'ya aanansa buwanno. Anino callachisheemmonsa; alba'ya insawiinni shawwu asseemmo; insano ba'anno. Lowo qarrinna lowo shetto iillitannonsa. Hakko barra, ‹Tini bao iillitinonkehu Maganinke ledonke nookkihuraati› yitanno.