ISAYAASI 8:8 - Qullaawa Maxaafa

⁸ Wolqatenni lolahe Yihudu gobba eanno; baalanka coye egemme kokke iillanno» yiie. Ikkollana Maganu ninke ledo no; lukkicho caacurrese qoolisenni hanqaffe gatissannohu gede, isino baattonke hatto asse agaranno.

ISAYAASI 8:8 ပူးပေါင်းရင်းမြစ်များ

LAYINKI MOOTOOLLA 17:3

Asoori moote Seliminaasoori daye qasisi yannara qeelame anga ee, diru dirunkunni isira gabbaranni hee'rino.

LAYINKI DUDUWO 12:4

Yihudunnita qiinshoonni katamma amade Yerusaalamete geeshsha iilli.

ISAYAASI 10:6

Ane hanqissinoonnirira maganiweelootaho, jajja'ne saante gudde ki'ne doogote sabbi gede assite ceellagganno'nere Asooroota soyemmo'ne» yaanno.

ISAYAASI 30:28

Foolisino wo'me kokke iillino wayi gedeeho; gashshoote baala woowanchote wore woowansanno; insano, afiinsara bixaala qase hunanno.

ISAYAASI 43:2

Wayi giddoonni higgine sa'inanni woyite, ani ledo'ne noommo; giddoonni sa'inanni woyite wayi diegemmanno'ne. Giirate giddoonni sa'ineennano giira di"ittanno'ne; buwanuno digudanno'ne.

ISAYAASI 7:14

Kunnira, Mootichu umisi malaate aanno'ne; kuneeti seemo godobbe labbaa beetto iltanno. Su'mano, ‹Amaanueeli› yite fushshitannosi.

ISAYAASI 7:17

Israeele Yihuduwiinni baxxituhunni kayise anfe egenninoonnikki qarri ate, mannikkinna mootete mini annikkihu aana daanno. Kaaliiqino Sooriyu moote ki'ne gawajjanno gede soyanno» yii.

ISAYAASI 8:10

Malano ma'le! Heddinoonniri kayinni di"ikkanno'ne. Hasidhini gede qixxaabbe! Maganu ledonke noo daafira hedo'ne diwo'mitanno.

ERMIYAASI 47:2

«Kune wayi aliyyenni kae, wo'me dayinohu gede ikke lolahanno; baattonna aanase noore baala, katammanna giddonsa noo manna baala egemmanno. Mannu baalu kaa'lote raaranno; baattote aana noohu baalu hururame wi'lanno.

ERMIYAASI 48:40

Kaaliiqi, «Qoola fane eela hige buuwanno allamurchi gede Moaabi aana doyanno diini daanno.

ERMIYAASI 51:42

Baabilooni, diinu baaru dambali gede ikke egemmi.

HIZIQEELI 17:3

Ani Mootichu Kaaliiqi insara yeemmore affanno gede kulinsa: Xuma baalluwanna hala'lado qoolla noosihu mittu jawu allamurchi no. Kuni allamurchino Libaanoosi Ilaallawa hige buuwi; mitte dagucho aana ofolle birxese hiiqqe haa'ri.

HIZIQEELI 26:19

Mootichu Kaaliiqi, «Ayino hee'rara dandaannokki katamma diigantinote gede, mullicho asseemmohe; lowo baari egemmannohe gede asseemmo.

DAANIEELI 11:10

«Sooriyu moote ooso olaho qixxaabbanno. Oososi giddonni mittu lolahu gede jige mare Wodiidi gashshooti qiisho gawajjanno.

MIKIYAASI 1:9

Samaariyu manni mada hurtannokkite. Kuni qarri Yihudahono iillanno; manni'ya nafarano kisanno» yii.

MIKIYAASI 5:5

Isino keerensa ikkanno. Asoori manni gobbanke horranno woyitenna qiishonke kade eanno woyite, manna agartannore 7 woy 8 olantote roorroota sonke olammeemmo.

MAATEWOOSI 1:23

«Kuneeti, seemo godobbe labbaa beetto iltanno; su'masino Amaanueeli yinanni» Amaanueeli yaa, «Maganu ninke ledo no» yaate.