ISAYAASI 8:20 - Qullaawa Maxaafa

²⁰ Kunni mannira Kaaliiqi Seera kulle! Insano Kaaliiqi qaali garinni coyi'ra hoogguro illetenni xawaabba diaffanno.

ISAYAASI 8:20 ပူးပေါင်းရင်းမြစ်များ

IZIRA 10:3

Xaano ate seejjonna Maganinke hajajo waajjanno manni gede, konne meento oosonsa ledo ha'risate Maganinke albaanni xaarro. Konne coye Maganu seeri yaanno gede assino.

FAARSO 119:130

Qaalikki tiro xawaabba uyitanno; afa afidhinokkirirano wodancha uyitanno.

FAARSO 78:5

Yaiqoobira hajajo, Israeelete seera uyino; annuwankeno oosonsara rosiissanno gede hajajino.

LAWISHSHA 4:18

«Keeraanote doogo, soodo arrishsho gedeete; barri taalooti geeshsha lexxitanni hadhanno.

ISAYAASI 1:10

Ki'ne gashshaanonna Yerusaalamete manni baalu Soddoomunna Gomooru manni gedeereeti. Ani Kaaliiqi Magani'ne yeemmore wodana assitine macciishshe:

ISAYAASI 8:16

Isayaasino, «Ki'ne ane rosaano, Kaaliiqi uyinoe sokkanna seera seekkitine macciishshe.

ISAYAASI 8:22

Uulla hige la"anno woyiteno shetto, waajjishannohunna beeshshe amadanno tunsichi callu leellannonsa; insano beebbu tunsichira tugantanno.

ERMIYAASI 6:16

Kaaliiqi Israeelete mannira, «Lame doogo xaaddannowa uurritine la'e! Albitinna woyyitanno doogo hiittenneetiro xa'mitine affe! Affinihu gedensaanni, hattenne doogo higgine hadhe! Lubbo'nera fooliishsho afidhinannina» yiinsa. Mannu kayinni, «Tenne doogo hinge diha'neemmo» yii. Kaaliiqi,

ERMIYAASI 8:9

Egennaammi'ne saalfattanno; amaddannore habbe tultaabbanno; ane qaale gibbuna, mayi egenno heedhannonsayya?

HOOSEI 6:3

Amme, Kaaliiqa afate lowo geeshsha diinaggaambona. Isino soodimari xawaabbinna baatto duushshannohu badheessi xeeni gede addinta ninkewa daanno» yaanno.

MIKIYAASI 3:6

«Barru hashsha ikkanno'ne; arrishsho e'eenna daanno tunsichi amadanno'ne. Manna'ya so'risiissinoonni daafira, xaate kunni ka'a ajuuja dileeltanno'ne; himanano dicoyidhinanni» yiinsa.

MILKIYAASI 4:2

Hajajantinannierira ki'nera kayinni gatote arrishsho fultanno'ne; qolteno hursitanno'ne. Ki'neno fafisidhine usurunni tirroonni siitti gede ikkitine burraaqqinanni.

MAATEWOOSI 22:29

Yesuusi qole, «Ki'ne Qullaawa Borronna Maganu wolqa afa hoogginoonnihura sodhinanni.

MAATEWOOSI 6:23

Ille'ne fayya hoogguro kayinni, mannimma'ne baala tunsitanno. Kunnira, giddokki noo caabbichi tunsiro, hiikke albinni roore tunsa hooganno» yii.

MAARQOOSI 10:3

Yesuusi qole, «Konne coye Muse ma yee hajajino'ne?» yiinsa.

LUQAASI 10:26

Yesuusi qole, «Seeru giddo mayine borreessinoonni? Atino konne Seera ma garinni buuxi'ritto?» yii.

YOHAANNISI 5:39

Ki'ne Qullaawa Borro la"atenni hegere heeshsho afi'nanniha laweenna'ne, wo'manka woyite ise la'inanni. Hatti Qullaawa Borro kayinni anere farcidhannote.

SOQQAMAASINETE LOOSO 17:11

Beeriyaho noo Ayihudooti Teselonqe noorinni roore wodana hala'ladda ikkitinohura, qaale hagiirrunni adhitu. Kulloonninsa qaali halaale ikkinota buuxidhara yite, barru barrunkunni qullaawa borro seekkite la'u.

ROOMU SOKKA 1:22

«Ninke egennaammaho» yitanni heedhenni gowwoota ikkitu.

LAYINKI PHEEXIROOSI 1:19

Konneno roorsine xunsineemmo gede assinonkehu himanaanote qaali noonke; kuni qaali hashshu sooda geeshshanna bakkalchu beeddakko wodaninke giddo xabba geeshsha, mannu tunsichu giddo xawanno caabbichira qorophannonte gede, konni qaalirano qorophitiniro danchaho.

LAYINKI PHEEXIROOSI 1:9

Kuni coyi noosikkihu illiweeloho; mule nooha calla la"anno; albi cubbiwiinni keeraawinota hawino.