ISAYAASI 8:13 - Qullaawa Maxaafa

¹³ Ani Olantote Mootichi Kaaliiqi qullaawa ikkoommota hawoonke; waajjinannihu ane callaati.

ISAYAASI 8:13 ပူးပေါင်းရင်းမြစ်များ

KALAQAMA 31:53

Tenne xaaro diingummoro, Abirihaaminna Naakoori Magani yoonke» yii. Yaiqoobino annisi Yisihaaqi magansi'ranno Magani su'minni xaari.

FAARSO 76:7

Magano! Ati baalunku waajjannoheho. Hanqatto woyite albakkiinni uurrannohu dino.

FULO 20:20

Museno mannaho, «Kaaliiqi iso ayirrissine cubbo loossinannikki gede assa'neralla dayinona waajjitinoonte» yii.

ISAYAASI 29:23

Anga'yanni kalaqoommota oosonsa mereeronsa affanno yannara Israeelete Qullaawa ikkoommo Magano ane galattannoe. Su'ma'yano ayirrissanno; waajjatennino soqqantannoe.

ISAYAASI 5:16

Olantote Mootichi Kaaliiqi kayinni yoo taashshasinni ayirranno. Qullaawu Magani halaalaanchimmasinni ewelummasi egensiisanno.

HIZIQEELI 38:16

Baatto guggushshino gomichi gede ikkite, manni'ya Israeelete aana bala tugatto. Yanna iillituro, baatto'ya marte horratto gede soyemmohe. Togo asseemmohu, daga ane ayimma affanno gedenna ate widoonni qole wonsheemmo coyinni Qullaawa ikka'ya egensiisateeti.

LEEWAAWOOTA 10:3

Museno Aaroonira, « ‹Kaaliiqi soqqamannoehu baalu qullaawa ikka'ya ayirriso; anino manni'yara ayirrinye'ya leellisheemmo› yiino coyi konneeti» yiisi. Aarooni kayinni, mittoreno didawarino.

LEEWAAWOOTA 22:32

Qullaawa su'ma'ya batteessitinoonte; ani qullaawa ikka'ya Israeelete mereero egennanto. Qullaawoota asseemmo'nehu ani Kaaliiqaati.

MILKIYAASI 2:5

«Leewira oommo gondoori heeshshonnihonna keerunniho; waajjannoe gede koreno ani isira oommo. Hatte yannara isino ayirrisinoe; su'ma'yano waajjino.

KIIRO 27:14

Kunnira kaimu, Israeele Tsiini Halalla noo wayi mule anera gara gibbu waro, atinna Aarooni mannu albaanni qullaawa ikka'ya egensiisate ane ayirrissinoonnikki daafiraati» yiisi. (Meriiba, Tsiini Halalla Qaadesi Katamira noo waati.)

MAATEWOOSI 10:28

Maala agurranna lubbo shaa dandiitannokkire waajjitinoonte. Hatteentenni, lubbonna maala gaannaamete giira giddo huna dandaanno Magano waajje.

LUQAASI 12:5

Waajjitinanniha kuleemmo'nena, shiihu gedensaanni gaannaamete giirara tugate roorre afi'rinoha Magano waajje! Halaale kuleemmo'nena, iso waajje!

ROOMU SOKKA 4:20

Amma'nasinni kaajje Maganoho ayirrinye uyino ikkinnina, ammanasi dishoshshoggitino; Maganu uyinosi hexxono dihuluullamino.

MARRO 14:23

Aye yannarano Magano'ne Kaaliiqa ayirrisa rossinanni gede gidunniha, haaro woyinete xajjehanna zayite'neha tonnunni mitte anga, lalunniha, ge'reewunnihanna meunniha umo qalaminoha su'misi woshshamanno gede doodhanno dargira abbitine, Magani'ne Kaaliiqi albaanni ittenna agge.

YOHAANNIS AJUUJA 15:4

Mooticha'ya, ate waajjannokkihunna su'makki ayirrisannokkihu ayeti? Qullaawu ate callaati. Halaalunniti yookki xawo fultino daafira, gosa baala dagge albakkiinni magansidhannohe» yite faarsitu.

UMI SAAMUEELI 11:7

Mitte waaxa handa maala murmure, «Saaoolinna Saamueeli hoode fulannokkihu handa togo ikkite murmurantanno» yee maala tenne sokka ledo Israeele baalantera soyi. Kaaliiqino Israeelete manni baalunku lowo geeshsha waajjanno gede assi; mannuno gudisame Saaooli hoode fuli.