ISAYAASI 7:23 - Qullaawa Maxaafa

²³ Hatte yannara 1,000 kinchu birra fushshanno yine hendoonnihu 1,000 woyinete kaashsho kaansanni dargi utanna qu'muudo calla fushshanno.

ISAYAASI 7:23 ပူးပေါင်းရင်းမြစ်များ

KALAQAMA 3:18

Baatto utanna kokko'le fushshitannohe; atino baatto fushshitanno laalo itatto.

ISAYAASI 32:10

Ki'ne hawaqidhine heedhinanni meento, mittu diri giddo, hexxo mursiisanno qarri daanno'ne. Woyine'ne giddonnino adhitinanniri dihee'ranno.

ISAYAASI 5:10

Tonne siiwora kaansoonni woyine 8 litire calla ikkitanno. 150 kiilo gide winxeenna 15 kiilo calla ka"anno» yii.

ISAYAASI 5:6

Hakkunni gedensaanni woyine'ya diquuxeemmo; giddono dilooseemmo. Kunnira woyine ishinu, kokko'lunna utu egemmanno gede asseemmo. Xeena ganannokki gede gomicho hajajeemmo» yii.

ISAYAASI 7:24

Baatto baalate utunna qu'muudo calla fultanno daafira, mannu maxxanna worbicho adhe ugaaxete fulanno.

ERMIYAASI 4:26

Laeemmo woyite, Kaaliiqi hanqinni kainohunni, dancha shaqqado baatto moola ikkitino; katamma baalano diigante gooffino.

HIZIQEELI 12:20

Xa mannu wo'me noo katamma ba'anno; baattono mullicho uulla ikkitanno. Hatte yannara, ani Kaaliiqa ikkoommota affanno» yiie.

HOOSEI 2:12

Ellasera bisose uyite afidhinota woyinete laalosenna balasete haqqese buqqise huneemmo. Woyinenna balasete haqqe fultannowa hoxxete soorre, moyichu galannota asseemmo.

HOOSEI 9:6

Baotenni gattara xooqqanno woyite, Gibitsootu gamba assite Memfiisi madaartannonsa. Duu'nitinoti birru jiro baala ishine uddidhe gattanno; galtanno mini giddono utunna kokko'lu fulanno.

MAATEWOOSI 21:33

Yesuusi lede, «Wole lawishshano macciishshe; woyinete kaashsho kaasi'rinohu mittu manchi no. Woyinete kaashshono gaangeesse huxxi. Woyine huuncinanni baleno ume qixxeessi; woyine agarrannita seeda shaeno kinchunni seekki. Hakkunni gedensaanni gatesi loossannorira guto ee, wole gobba ha'ri.

IBIRAAWOOTA 6:8

Utanna kokko'le fushshituro kayinni, mittoreno dikaa'litanno; rumamateno gamba yitanno. Goofimarchiseno giiramate.