ISAYAASI 66:5 - Qullaawa Maxaafa

⁵ Ki'ne waajjitinannisirinna hajajantinannisiri, Kaaliiqi yaannore macciishshe: «Ki'ne ammanantinoonnire ikkitinoonni daafira, gamu manni'ne ki'ne giwe, ledo'ne xaadara dihasi'ranno. ‹Hagiidhitinanna la'neemmona, hanni Kaaliiqi lowimmasinni gatiso'ne› yitanni qacifattanno'ne. Ikkollana insa uminsa irraabbe gattanno.

ISAYAASI 66:5 ပူးပေါင်းရင်းမြစ်များ

UMI MOOTOOLLA 21:29

«Akiaabi ane albaanni umosi shollishino gara laittoni? Togo ikkinota afanni hee're, isi lubbotenni hee'reenna konne qoomama diabbeemmo. Minisi manni daafira yoommo coye beettisi yannara asseemmo» yii.

LAYINKI MOOTOOLLA 22:10

Qoleno, «Hiliqiya konne maxaafa haa're anera uyino» yee, maxaafa mooteteno nabbawisi.

LAYINKI DUDUWO 34:27

Ani Yerusaalamenna giddose noo manna qorichisheemmo gara macciishshitto yannara, umokki shollishshe dadillunni uddanokki darte wi'litanni aagintaawootto. Kunnira huuccattokki macciishshoommo.

IZIRA 9:4

Qafadotenni higginori assitino saonni kainohunni, Maganu wole gosa ledo adhamate daafira coyi'rino qaale waajjitinori baalu anewa gamba yitu. Anino dadillanni hawarro kakkalo geeshsha ofolloommowa keeshshoommo.

FAARSO 119:120

Ate waajjatenni kainohunni mannimma'ya huxidhino; yookkino lowo geeshsha waajjoommo.

FAARSO 38:20

Danchumma assoommo daafira, danchumma bunshetenni qoltannoeri gibbannoe.

LAWISHSHA 13:13

Kulloonni amaale mishannohu umosi hunanno; hajajo ayirrisannohu kayinni ba'raa'ra afi'ranno.

FAARSO ROORE FAARSO 1:6

Dana'ya kolishshiishshinoti arrishshotena, kolishshimma'ya daafira arrassitinoonte"e. Ama'ya ooso roduuwi'ya, ane ledo giwantino daafira, woyinete kaashshi agaraancho assitinoe; kunnira umo'ya agadhate yanna diafi'roomma.

ISAYAASI 26:11

Kaaliiqa, angakki bushuulle qorichishate ka'e no; insa kayinni diaffino; mannikkira mageeshshi laala noohero affe waajjito; insa diinnakkira qixxeessootto giira itto.

ISAYAASI 5:19

«Hanni la'neemmona Kaaliiqi assannore rahe diassannoyya? Hanni anfeemmona Israeelete qullaawa ikkinohu hedinore rahe assossiyya!» yitinannirira baalaho aanne'e!

ISAYAASI 60:15

«Kunni albaanni gimbeennahenna minsheennahe, mulekkiinni hige sa"annohu nafa nookkiha hee'rootta. Xa kayinni ilama baala hegerera hexxitannohetanna, hagiidhitannoheta asseemmohe.

ISAYAASI 65:13

Kunnira Mootichu Kaaliiqi, «Soqqamaano'ya ittanna ki'ne hudidhinanni. Soqqamaano'ya agganna ki'ne goodhinanni; soqqamaano'ya hagiidhitanna ki'ne kayinni saalfattinanni.

ISAYAASI 66:2

Konne baala kalaqoommohu aneeti; kuni baalunku aneho. Ani kayinni umosi heeshshi assinohuwa, masanno wodana afi'rinohuwanna, qaale'ya huxi're waajjannohu widira hige laeemmo.

ERMIYAASI 36:16

Nabbawe kaihu gedensaanni, waajjite mimmitonsa la'anni Baarooki, «Konne coye mootete kula hasiissannonke» yitusi.

HOOSEI 11:10

«Ani doobbiichimma ittaneemmo yannara, manni'ya Israeele hoode'ya hadhanno; galchiminni huxidhanni anewa dagganno.

MAATEWOOSI 10:22

Ane daafira yitineenna mannu baalu giwanno'ne; goofimarchu geeshsha kaajje uurrannohu kayinni gatanno.

LUQAASI 13:17

Yesuusi tenne qolonni qoxxissannosire baala irraawisi. Mannu kayinni isi assino maalale baalatenni hagiidhi.

YOHAANNISI 16:2

Xaadu mininni fushshite huntanno'ne; shaanno'nehu baalu Maganoho soqqamannoha lawannositi yanna dagganno.

YOHAANNISI 9:34

Insa qolte, «Cubbunni sona ba'e ilamoottohu kuni, ninke rosiisattoraatini?» yite xaadu mininni fushshite huntusi.

LAYINKI TESELONQE 1:12

Mootichinke Yesuusi su'mi ki'nenni ayirranno gedenna ki'neno Maganinkenna Mootichinke Yesuusi Kiristoosi elto garinni isinni ayirritinanni gede Magano huuccineemmo.

TIITO 2:13

Kunni garinni maassantinota hexxonke, jawa Maganonke, Mootichinke Yesuusi Kiristoosita ayirrinyunni leella agadhineemmo.

IBIRAAWOOTA 9:28

Kiristoosi lowo manni cubbo hunara mitte hige kakkalamino. Qoleno cubbo duqqara ikkikkinni, iso agadhitannore gatisara layinkimeeshsho daanno.

UMI YOHAANNISI 3:13

Roduuwa! Alame gibbu'nero maala'litinoonte.