ISAYAASI 66:23 - Qullaawa Maxaafa

²³ Mittu Agani Leellihunni kayise daanno Agani geeshshanna, mittu Fooliishshote Barrinni kayise daanno Barri Fooliishshonnihu geeshsha Haaro Yerusaalamera magansidhaera dagganno.

ISAYAASI 66:23 ပူးပေါင်းရင်းမြစ်များ

LAYINKI MOOTOOLLA 4:23

Ayiddaannise qole, «Techo Aganu Leellinohanna Fooliishshote Barri Ayyaana di"ikkinona mayira ha'ratta?» yiise. Iseno qolte, «Qarru dinona agari!» yitu.

FAARSO 65:2

Mannu baalu cubbinsa daafira yee, atewa daanno; atino huuccattonsa macciishshatto; cubbu lowo geeshsha ayirrannonke yannara, ati saonke agurattonke.

FAARSO 86:9

Mooticha, kalaqoottonsa daga baala, dagge albakkiinni kumbuultanno; su'makkino ayirrissanno.

ISAYAASI 19:21

Kaaliiqi Gibitsete mannira isonoo egensiisanno; insano Kaaliiqa egente heedhanno. Kakkalonna fushshaate shiqishshannosi. Kaaliiqira xanono xa'nitanno; xanonsano uyidhanno.

ISAYAASI 19:23

Hatte yannara Gibitsetenna Asoori mereero hala'lado doogo fultanno. Tini lamenti gosa mimmitunniwa hadhe, mitteenni magansidhanno.

ISAYAASI 2:2

Goofimarchu yannara, Kaaliiqihu Qullaawu Mini noo Ilaali, wole ilaalla baalatenni roore leellanno. Gaarra baalantenni roore luphi yee leellanno; gosa baala hakkiichira hadhanno.

ISAYAASI 27:13

Hatte yannara jawa xurumba ufuunfanni. Asoorinna Gibitsete gobba darame ha're hee'rannohu Israeelete manni galagale hige, Yerusaalamete Qullaawu Ilaali aana Kaaliiqa magansi'ranno.

ISAYAASI 49:7

«Daga mishshinohehuranna gibbinohehura, gashshaanote soqqamaancho ikkoottohura atera, ani gatisaanchu Israeelete Qullaawi Kaaliiqi yeemmore macciishshi: Ani Maganikki Kaaliiqi assoommohere affe, mootoolla ate ayirrisse ofoltinowiinni ka'anno; gashshaanono ate ayirrisse umo heeshshi yitanno» yii.

HIZIQEELI 20:40

Hatte gobbara qullaawu jawiidi ilaali'ya Israeelennihura, ki'ne Israeele baalunku magansidhinannie; anino ki'nenni hagiidheemmo. Kakkalo'ne, fila fushshaate'nenna qullaawa afansha'ne adheemmo.

HIZIQEELI 45:17

Gashshaanchu loosino aane nooho: Shilqote kakkalora ikkitanno saada, gidu fushshaatenna woyinete fushshaate Israeelete mannira Aganu Leellanno Ayyaanira, Fooliishshote Barranna wole ayyaanna barra qixxeessanno. Hattono Israeelete manni cubbo agursiisate, kakkalote ikkitannotanna gudinse giirrannita mittimmate kakkalo shiqishanno» yiie.

HIZIQEELI 46:1

Mootichu Kaaliiqi, «Giddoyidi nafarchira e'nannihu soojjaati waalchi, leyunku loosi'nanni barri giddo cufame keeshshona. Fooliishshote Barranna Aganu Leellanno Ayyaanira kayinni fa'namona.

HIZIQEELI 46:6

«Aganu Leellanno Ayyaanira, muso afi'rinokkire 1 middicha, 6 ge'reewu wilii'lenna 1 ge'rechu goco shiqishona.

ZAKKAARIYAASI 14:14

Yihudu manni nafa Yerusaalame qasanno; gaangaawisera noo dagano jiro baalanta adhitanno; adhitanno jajjino kiiro anfoonnikki culkaati, birraatinna imaanaati.

ZAKKAARIYAASI 14:16

Hakkunni gedensaanni, Yerusaalame qassu daga giddonni baotenni gattinori, Olantote Mootichi Kaaliiqira kumbuultaranna Daasu Ayyaana ayirrissara diru dirunkunni Yerusaalame dagganno.

ZAKKAARIYAASI 14:18

Gibitsete mannino ayyaana ayirrisate Yerusaalame daye Kaaliiqa magansi'ra giwiro, «Yerusaalame marre Daasu Ayyaana diayirrinseemmo» yitannore, wole dagara soyi moollenni ganannonsa.

ZAKKAARIYAASI 14:19

Gibitsete mannano ikko wolootu dagate mootoolla, Daasu Ayyaana ayirrisa gibburo, iillannonsa qorichi konneeti.

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

YOHAANNISI 4:23

Magano Anna ayyaanunninna halaalunni magansidhannorira yanna dagganni no; kune xaanni dagge no; Maganu Annu hasi'rannorino hattoonni magansidhannoreeti.

YOHAANNIS AJUUJA 15:4

Mooticha'ya, ate waajjannokkihunna su'makki ayirrisannokkihu ayeti? Qullaawu ate callaati. Halaalunniti yookki xawo fultino daafira, gosa baala dagge albakkiinni magansidhannohe» yite faarsitu.