ISAYAASI 66:16 - Qullaawa Maxaafa

¹⁶ Kaaliiqi, manna baala giiratenninna bagadunni qorichishanno; lowo manna shee gudanno.

ISAYAASI 66:16 ပူးပေါင်းရင်းမြစ်များ

ISAYAASI 10:4

Qafadamatenninna reyotenni hiitto ikkitine gattinanni? Kunni baalu coyi giddoonni Kaaliiqi hanqi diqiidanno; angasi ki'ne qorichishara kayisinowiinni dihiggino.

ISAYAASI 27:1

Hatte yannara Kaaliiqi kaajjado, jawanna wolqaataame bisesinni shalaalannohanna xaaxamannoha Lewaataani yinanni hamashsho qorichishanno; baaru giddo ga'ranno dhudhuufa shaanno.

ISAYAASI 3:13

Kaaliiqi yoote barcimira ofolle, mannisira yoo yaara qixxaawe no.

ISAYAASI 30:30

Kaaliiqi mannu baalu ayirrado huurosi macciishshanno gede assanno; wolqaataamu qorichisi buwanno hanqinna ittanno giira, wishote, baradatenna kaadete ledo dirranno gede assanno.

ISAYAASI 31:8

«Mannu anga noo bagado ikkikkinni, Asooroota wolu bagadi gudanno. Insano oluwiinni xooqqanno; oosonsano borojje ikkitanno.

ISAYAASI 34:2

Kaaliiqi daga baalate hanqino; olantonsarano lowo geeshsha aaramino; insano co'o asse gudanno; bagadunni gooffanno gedeno assanno.

ISAYAASI 65:12

Woshsheenna, ‹Yee› yaa gibbine, coyi'reennano macciishsha gibbine, anera hajajama gibbine, bunshe assa doodhitinoonni daafira, jaddote reyo reyitinanni gede asseemmo'ne» yii.

ERMIYAASI 25:31

Kaaliiqi manna rufanno yannara, qoonqosi gobbate qacce geeshsha iillitanno. Manna baala yoote shiqisheenna, yoo yinanninsa; bushuulle reyotenni qorichishanno› yite kulinsa» yiie.

ERMIYAASI 25:33

Hatte yannara Kaaliiqi shaanno manni reeshshi baatto wo'manno; wi'lannonsahunna madaarannonsahu dihee'ranno. Kunnira ishinu gede mullawa baattote ubbe gattanno.

ERMIYAASI 45:5

Woluwiinni bade atera addire assammohera hasi'rootto? Konne coye agadhitooti; ani mannu baalu aana qarra abbammoraati. Woliri hoogirono marittowa baala reyattokki gede agareemmohe. Konne coye coyi'roommohu ani Kaaliiqaati› yiino yite kulisi» yiinoe.

ERMIYAASI 46:15

Worbu magani'ne, woraamu Apiisi mayira uwi? Ani Kaaliiqi xiiwe tugeennaatiwe!

HIZIQEELI 28:18

Cubbikkinninna hanaaqu daddalikkinni assootto saonni kainohunni, magansi'ratto darguwa baala battaabbino. Kunnira, hedeweelcho giira kayise, katama mucuqqi asse giiroommo; caaqqi yiihu baalu buluulo ikkite gatoottota afanno.

HIZIQEELI 38:17

Yanna iillituro, manni'ya Israeelete aana bala tuge horrannoha mitto kayiseemmo gede soqqamaano'ya Israeelete himanaano widoonni qole, seeda yannara albaanni himannanni gede assummohe manchi ateeti. Ani Mootichu Kaaliiqi konne coye coyi'roommo› yiino yite kulisi» yee hajajie.

HIZIQEELI 5:15

Hanqi'yanninna aari'yanni qorichisheemmo'ne yannara, qooxeessi'nera noo daga xontanni haariintanno'ne. Assoommo coyinni insano masse huxidhanno.

IYUEELI 3:2

Daga baalanta gamba asse, Iyosaafiixi Lagicha dirriseemmo. Manni'ya aana assitino sao baalantera, hakkiicho yoo yeemmonsa. Hatto asseemmohuno, insa manna'ya dagate mereero billaallissinonna, gobba'ya Israeele beeqqite amaddinohuraati.

AMOOTSI 7:4

Mootichu Kaaliiqi leellishinoeti wole ajuuja aante noote: Kuneeti Kaaliiqi mannasi giiratenni qorichishara qixxaawanna afoommo. Giirano baattote woroonni nooha lowo baara mooshshite baattono ittu.

NAHOOMI 3:15

Aye geeshshano qorophittoro, giiramakkinna bisetenni dereenqamakki digattannote. Kanchafaru itino gidi gede ikkite ba"atto. Kuneeti olantokki kanchafarunna qooliweelu kanchafari gede batidhino.

NAHOOMI 3:3

Farashshaanni gulufanno; bise wala wala yitanno; urdeno bilicci bilicci yitanno. Kiiro nookki manna shinoonni daafira, reeshshu reeshshu aana duunamanno. Reeshshu batinyinni kainohunni, sa'nanni faro nafa diheedhanno.

ZAKKAARIYAASI 14:5

Ki'neno ilaala lamewa beehe Etseeli yinanniwa iillino lagichi giddoonni higgine xooqqinanni. Yihudu moote Ooziya yannara, baatto milli yitu waro, akaakka'ne xooqqu gede ikkitine xooqqinanni. Kaaliiqi Magani'ya qullaawa sokkaasinesi baala hoodete adhe daanno.