ISAYAASI 66:11 - Qullaawa Maxaafa

¹¹ Amasi unuuna qane duuwe hagiidhanno qaaqqi gede, ki'neno Yerusaalamete jironni qawaaxxidhinanni.

ISAYAASI 66:11 ပူးပေါင်းရင်းမြစ်များ

FAARSO 36:8

Mannakki gooffannokki sagalenni duushshatto; hagiirru xashshono hayikkisattonsa.

ISAYAASI 49:23

Mootoolla annuwa ikkite lossitannonsa; mootete meentino amate gede awuutannonsa. Aterano borojju gede umo heeshshi yee kumbuule, lekkakki buko laaxanno; kunninni ani Kaaliiqa ikkoommota afatta; ane hexxitannori disaalfattanno» yii.

ISAYAASI 60:1

Yerusaalame! Caabbichikki dayinona ka'e xawisi'ri; Kaaliiqi ayirrinyino aanakki xawanno.

ISAYAASI 60:16

Oososera unuuna qansitanno ama gede, ate daganna mootoolla towattannohe. Atino ani Kaaliiqi gatisaanchokkinna wodeemmoheha, wolqaataamo Yaiqoobi Magano ikkoommota afatta.

ISAYAASI 60:2

Kune tunsichu baatto, beebbu tunsichino daga beeshshe amadanno; Kaaliiqi ayirrinyi kayinni ate aana arrishshote gede xawanno.

ISAYAASI 60:5

Atino konne coye la'e hagiidhatta; hagiirru batinyinni kainohunni wodanikki hisatanno. Baaru giddo noo jironna, dagate jajji baalu atewa daanno.

ISAYAASI 62:2

Daga keeraanchimmakki la'anno; mootoollano ayirrinyekki affanno. Ateno Kaaliiqi fushshinohehunni, haaru su'minni woshshinannihe.

IYUEELI 3:18

«Hatte yannara ilaalla baalanta, woyinete kaashshi guggushshanno. Gaarrate aanano lowo ado uyitanno saada hossanno. Yihudu baattora heedhanno lagga baalate, wayi wo'manno. Maganu Mini Qullaawu giddo buicho lolakkanno. Shixiimi Lagichano hayikkissanno.

UMI PHEEXIROOSI 2:2

Aggine gatote widira higgine lophate, xa ilamino qaaqquulli gede ayyaanaame qaalu ado halche.